¹ Ngogedi,Nzambi wulosa nkangu yani? katuka kuaku kuna. kadi munu diaka ngina muisi Isiyeli, mulubutu lu Abalayami, mu kanda di Benyamini. ² Nzambi kageta nkangu yani ku yukakizayila nteti nteti. kaluzeyi ku mameta goga mukuma ki Eliya, bue keta fundila ga ntuala Nzambi mudiambu di Isayeli? ³ << Mfumu, bagonda mimbikudi ye fuasa binlongu biaku. gasidi kaka nde munu ye beta sosa mu nkatula moyu.>> ⁴ Kansi nki mvutu kabaka ku Nzambi? << yiki lundidimafunda nsambuadi ma bantu bobo kabafukameneti ga ntuala bali.>> ⁵ Bumosi, muntangu yoyo, gena ye nsadidila mukuma ki nsodolu yi nlemvu. ⁶ Kansi go mena mu nlemvu, buna kabuna diaka ku mu mavanga. go nkatu, nlemvu ka wulendi kala diaka ku nlemvu. ⁷ Nki buna? di Isayeli kasosedingi, dina kaka tambula ku; kansi basolua batambula, ye nsadidila yikibadisa. ⁸ Bufueni bonsu busonama:<< Nzambi wubagana Mpevi yileka tolu, tumesu mpasis kabalendi mona ku, ye makutu mpasi nde bawu kabanue ku ti ye lumbu kinkutu.>> ⁹ Davidi wuta:<< bika mesa mawu makala ntambu wu kondi, tadi dimbuisi, ye mvutudulu mu bawu. ¹⁰ Bika mesu mawu mabumbuluka mpasi nde bawu kabalendi mona ku. lunda nima zawu bilumbu biakulu zifuambama.>> ¹¹ Munu ntedi buna: basielumukeni bawu nga babuidi?>>katuka kuaku kuna. fidisi mu mbuilu bawu, mpulusu yikuma ku bapakanu, mpasi bavumbula mubawu kimpala. ¹² Muntangu yoyo, go mbuilu bawu yina kimvuama ki nza ye mvidulu yi kimvuama kiawu yina kimvuama ki bapakanu, ntalu kua bulutidi kibeni sibukala mpasi zibawu? ¹³ Ngita goga bubu ku bapakanu. tuka ntama siyikala mfunu wu bapakanu, ngina ye ntoku yi kimfumu kimunu. ¹⁴ Ngatu diyivumbula kimpala ki bampangi bamunu kibeni. ngatu situgulusa bankaka mu bawu. ¹⁵ Kadi go ndosolu yibawu yita tuadisa ku nguisani yi nzo yi munza, bue sibukala mu ntambudulu bawu, go ka moyu ku mukati kilufua? ¹⁶ Go batekila bena banlongu, ibuna sibukadila ndambu yi mfundusu. go muansi wusiwulu wu nlongu, ntanteza bodiaka. ¹⁷ Kansi go kitayi kinkaka kizengokedi, ye ngeyi, kitala kimosi ki olive dimfuta, wuna wukotusua ga fulu kibawu, ye ntambuedi nsendu diaka wu kimvuama kitukidi mu muanzi wu nti wu olive. ¹⁸ Kukiyangidikani ku mu mvuesolu zi kitala. kansi go wukiyangidika, zaya nde ka nge ku kansi mu nzitusu kitala. kansi go wukiyangidika, zaya nde ka nge ku mutukidi muanzi, kansi bunkaka, yi muanzi wuta kusimba. ¹⁹ Wufeti samuna bu:<< kitala kikatulua mpasi nde yikala wukusua.>> ²⁰ Buna bukedika! mukuma kimbalu bawu wu mintima miawu bakatula, kansi ngeyi, kala nakekete mudiambu di lukuikulu luaku. kukadi ku ye dibanza dilutidi mu buneni mu ngeyi mosi kibeni, kansi go kabuna ku kala ye wonga. ²¹ Kadi go Nzambi wulunda kitala zingutuka, si kakulunda ku. Tadidila buna ku mavanga mamboti ye ku nkengolu yi Nzambi. mundambu yimosi yinteti lukengolu lukuisanga nabiu ku Bayudayo bana babua. kansi kundambu yinkaka, zola ku Nzambi kukuluakidi, go si wuzinga mu zola kuyani. bunkaka, si wukala diaka wukatuka. ²³ Yediaka, go kasibanzinga ku mu mbalu bawu wu mintima,sibavulua. kadi Nzambi wuna wufuana mu kubasomika. ²⁴ Kadi go wuzenguka munti wumosi wu olive wu mfuta ye, bunkaka ku nzikulu, wukala wufuana musomua ku nti wumboti wu olive, muntalu kua yilutidi ngolu zi lunungu bawu Bayudayo bena kitala ki ngutuka, sibakala diaka bawu basomununua mu nti bawu wu olive? Kadikalendi zola ku, bampangi, nde lukala kondu kuzaya mu mavanga mana makinsueki, mpasi nde kalukadi ku banduka mu ngindulu zibenu. mansueki mana gena nd mbalusu mosi yikala buna yi Isayeli, ti ngungusunu yi bapakanu si yikala yi vutuka. ²⁶ Buna Isayeli diakulu sidikala bavulusua,bonsu busonama:<< musioni simutuka mvulusi. sika kula Yakobi mu kimpumbulu. ²⁷ Ye buna sibukala luwawanu lumunu ye bawu busiyikatula masumu mabawu.>> ²⁸ Munteti, bonsu buna nsamu wumboti, bawu bena bambeni mudiambu dibenu; kansi kundambu yinkaka, bonsu nsodolu yi Nzambi, bawu bena banzolua mukuma ki mase mabawu. ²⁹ Kadi tukabu ye lubokolu lu Nzambi ka lusobanga nkutu ku. ³⁰ Kadi lukala nkumbu zinkaka minkolami ku Nzambi, kansi bungangi lutambula nlemvu mudiambu di nkolomonu. ³¹ Bumosi, Bayudayo bobo bena bungangi minkolami. mfutu wukala nde, mu nlemvu wu balugangila, bawu batambulanga, bawu diaka, nlemvu. ³² Kadi Nzambi wutoma kangululu bantu bakulu mu nkolomonu, mpasi nde yani kagana nlemvu kubakulu. ³³ O ndimuka kimvuama kani mpi nde yinduka kansi ka munayilu yi Nzambi ku! bika mfundusu zozo zikala kondua ku mbekonu ye zinzila zimpila kanu! ³⁴ Kadi nani wuzaya dibanza di Mfumu? ye nani yuna wukuma nlongi yani? ³⁵ Ata buna, nani kala wuna kani kima ku Nzambi mpasi nde yani ka mvutudila? ³⁶ Kadi bima biakulu bina biyani, mu yani ye ku yani. ku yani kukala nkembu mu dibundu diakulu. Amen!