¹ Ngita kulubombidila buna, bampangi, mu nkenda zi Nzambi, mu ganga nitu zibenu bonsu nkayilu wuluzingu, wunlongu, ye wutambula ku Nzambi, yo yina nsambudulu yilunungu. ² Ka lufuanana ye nza yo ku, kansi lukala basobuka mu mabanza mabenu ma mpa, mpasi nde luzaya ye yina yimboti, yitambula ye luzolu lulunga lu Nzambi. Ye ngita, muuma kinlemvu wu wunganukina, nde ga nkatu muntu ga kati kibenu wuna ye mayindu ma zanguka muyani mosi mankaka nde muna lendedi mukukala. kansi luyindu bonsu banduenga bufueni bonsu Nzambi yuwugana ku konsu konsu findambu fimosi filukuikulu. ⁴ Kadi tuvuidi biyiku bimbidi munitu yimosi, kansi biyiku biakulu kabivuidi salu kimosi ku. ⁵ Mumpila mosi, betu tuna bambidi, tuganganga nitu yimosi mu Yesu, ye tuna bagambuka mu mosi mosi kiyiku kimosi ye kinkaka. ⁶ Tuna ye tukawu tusuasana bonsu buna nlemvu wututambula. go wumosi vuidi lukawu lu mbikudulu, kagangila bonsu ndambu lukuikulu luyani. ⁷ Go wu mosi vuidi lukawu lusadisila, ka sadisila. go yumosi wuna ye lukawu lukulonga, kalonga. ⁸ Go muntu wuna ye lukawu lukutunta, bika katunta. go muntu wuna ye lukayu lukukaya, bika kagangila mu mpila yi nkayilu. go muntu wuna ye nkayilu wu mfuilu kiadi, bika kagangila buawu ye kiesi. ⁹ Bika zola kukala ye kondua kudisu ku nsilukaya. lumenga mbi, luyantika ku mana mena mamboti. ¹⁰ Butadidi zola ku kimpangi, lukala bazolua ku yumosi ku wunkaka, butadidi nzitusu luzitasana benu ye benu. bankaka ye bankaka. ¹¹ Butadidi bumputu, ka lukalani keti keti ku butadidi Mpevi, lukala bakuikama ntangu zakulu, butadidi Mfumu, lunsadila yani. ¹² Lukala kiesi muzola ku luna butadidi mena ku ntuala, lukala bavibidila mu nsinsani zibenu; lusiama mu lusambulu. ¹³ Bika Mfumu babakuikilanga wukala ye benu. lutombula mitodi mimbidi mu sadila ngiambulu banzenza. ¹⁴ Lusakumuna bawu bo baluzomanga, lubasakumuna ye kalubasingi ku. ¹⁵ Luyangalala ye bawu bena mu kiasi. ludila ye bawu beta dila. ¹⁶ Lukala ye dibanza dimosi bankaka ye bankaka. kalukadi bankua kintumpidika ku mu mayendu menu, kansi lutambudila bawu bena balemvuka. kalukadi banduka ku mu mesu menu mosi. ¹⁷ Kalugangi ku mambi ku bawu baluganga mambi. luganga mboti ga mesu ma bakulu banza. ¹⁸ Go bulendakeni, bonsu mu ntangu yinda yi lulendedi, lukala mu ngemba ye bakulu banza. ¹⁹ Ka lukivutudilani ndandu mu benu kibeni ku, kansi luyambula nganzi zi Nzambi zisala. kadi disonama:<< kumunu mvutudulu, kumunu ndandu>> butedi Mfumu. ²⁰ Kansi go mbeni niaku wuna ye nzola, wugana madia. ye go wuna ye kiguina, wugana kunua. kadi go luta ganga buna, makala matiya luta kutika ga ntandu ntu wuyani. ²¹ Ka luyaluki mu mambi ku, kansi nkutu lununga mambi mu mamboti.