¹ Bika konsu wuna wutazinga katumama ku minyadi miakulu, kadi ga nkatu wumosi nyadi yuna kondedi tuka ku Nzambi. ye bawu beta zinga bayadusua ku Nzambi. ² Mudina wuta kolama mu luyalu Polu keta katikisa lutumu lu Nzambi; ye bawu beta lo kolamana si batambula mfundusu yi Nzambi mu bawu kibeni. ³ Kadi bamfumu ka bena bo tufueti muena wonga ku mu mavanga ma mboti, kansi mu mavanga mambi. zoledi kuaku wukonda vua wonga bu Mfumu? ganga mamboti ye si wusikua mu mana. ⁴ Kadi wuna kisadi kimosi ki Nzambi mu mamboti mabenu. kansi go si luganga mambi, lukala mu wonga; kadi ka mu mpamba ku bena ye lulendu lu kugoga, kadi kisadi kimosi ki Nzambi, mvutudi mosi yi ndandu zi nganzi mu yuna wuganganga mambi. ⁵ Mukuma kina lufeti tumama, ka biaku kaka mukuma ki ndola, kansi diaka mukuma ki nkansansa. ⁶ Mukuma kio kini nde lufutilanga diaka mpaku. kadi minyadi mina bisadi bi Nzambi, basadilanga bina bima mu landila. ⁷ Luvutula ku konsu muntu bi bifueni ku yani. mpaku ku yufueni mpaku; mfutu nzila ku yuna fueni; baka ku yuna fueti baka; nzitusu ku yuna fueni nzitusu. ⁸ Kalugangani diambu ku ku muntu, mu kingenga luzolana benu ye bankaka. kadi wonsu yu wuzolanga nkundi yani wulungisanga nsiku. ⁹ Kadi:<< kuyangani ku, kugondani ku, ku yibi ku, ku zinina moyu ku kima ki nkuenu,>> ¹⁰ Zola kakututanga mbaya ku( kakulueka) mfinangani yani ku. buna, zola yi ndungusulu minsiku. ¹¹ Mukuma ki mayu,luzeyi ntangu, nde yina ntama ntangu mu benu mu vumbuka ku tulu. kadi bubu ngangi luvulusu lubetu luna lukufameni beni ka bonsu ntangu tukuikila ku mu luyantiku. ¹² Mpimpa yikumini mu ndingu nsi, ye kilumbu kikumini lukufi. tubembika mavanga ma mpimpa, ye tuvuata binuanunu bikia. ¹³ Tudiatila bonsu buna bufueni, bonsu mu lumbu, ka mu nsambudulu zi kimbisi ku ata mu kinduvu. ye katudiatila ku mu kimpumbulu ki bizimba ata mu luzolu lukondolu zi mpaka, ye kamu kimbeni ku ata kimpala. ¹⁴ Kansi luvuata Mfumu Yesu ye kalugangi fulu ku nsuni ku, mu nzinunu ziyani.