¹ Lutambula yu u konda ngolo mu minu, konda kukunata mfundusu mu kikuma ki ² muntu wu lukuikulu kadia konso kima, yu nkaka una ukondolo ngolo ka dia kaka matiti. ³ Konso una u dianga bima biakulu, ka fundisa ko yu kadia ko bima biakulu kadi Nzambi u'ntabula. ⁴ Nge unani, u tafundisa kisadi kina ku muntu unkaka? Go telemani, kani go buidi, mana matadidi mfumu ani. Kansi si katelema, kadi Mfumu ufuana mu kunsiamisa. ⁵ Muntu ugananga mfumu ungolo ku kilumbu ka kukinkala ko. Muntu unkaka u gananga Mfumu ku konso kilumbu. Konso muntu kakala u kuikama mu mabansa mani. ⁶ Yu gu tadila kilumbu u tala kiau mu diambu di Mfumu ye yu u tadia mu diambu di Mfumu, kadi u gananga nlemfo ku Nzambi. Konso yu ka dia ko, u kitunini mu kudia mu kikuma ki Mfumu, geni diaka mpi nlemfo ku Nzambi. ⁷ Kadi ga nkatu muntu mu betu u zinganga mu yani mosi ye ka muntu ko u lendi fua mu yani mosi. ⁸ Kadi go tu tazinga mu diambu di Mfumu; ye go tufuidi, tufuidi mu diambu di Mfumu. Disongidila nde tu tazinga go tu fuidi, tuna kaka mu Mfumu. ⁹ Kadi i muna kikuma kio Klisto ka fuila ye ka vulukila ku moyo, mpasi ka kala mu nkumbu mosi muna bafua ye ba zinga. ¹⁰ Kansi ngeye, mudiambu di nki ta fundisa mpangi aku? Ngeye, mudiambu di nki takuamisa mpangi aku? Kadi beto kulu si ba tusambisa go ntuala Mfundusu yi Nzambi. ¹¹ Kadi masonama nde : " bonso bu katazinga", bu gogedi Mfumu, "Binkoso si bifukama", " ye tudimi si tu gana nzitusu ku Nzambi." ¹² Mu dina, konso muntu si kagana mafuana makagengi mu yani mosi ku Nzambi. ¹³ Mu kikuma kina, ka tu kisambisa diaka ko, beto ye beto, kansi mu ku kibakila lukanu nde, ka muntu ko gu lenda kala tadi dinteso a sakuba go ntambu mu mpangi. ¹⁴ Nzeyi ye ngina kivuvu mu Mfumu Yesu, nde ga Nkatu kima kisumuka mu yani mosi, katula, mu yuna yu bakanga konso kima bonso kisumuka, mu yani bina bisumuka. ¹⁵ Go mu kikuma ki madia mpangi aku ba kuamisi, buna kaluta diata diaka mu zola ko. Ku buisi, ye madia maku ko, muntu yu Klisto kafuila. ¹⁶ Kuyambulako nde mambu mena mambote makituka diambu di tusewu ku bantu. ¹⁷ Kadi kimfumu ki Nzambi, ka kina ko mu kudia ye kunua, kansi lunungu, ngemba ye kiese muna Mpeve yanlongo. ¹⁸ Konso muntu yu usadila Klisto mu mpila yimbote ku Nzambi ye gu zolakana ku bantu. ¹⁹ Mu dina, tulanda mambu ma ta sadisa ku ngemba ye ma ma tasadisa ku ntungulu yi kimpangi. ²⁰ Ka lubebisa ko kisalu ki Nzambi mu kikuma ki madia. Munkala, bima biakulu bina bisantu, kansi dina dimbi ku muntu yu u tadia, kakituka tadi di ntisu masakuba. ²¹ Dina dimbote mu lemba dia mbisi, go nua malafu, go kima kinkaka mu kiau mpangi aku buidi mu masumu. ²² Tukuikulu tukingenga tuna yaku, simba to ga kati ki Nzambi ye ngeyi. Ka sakumuka yonso yu ka kifundisa yani mosi kibeni mu ma kamueni. ²³ Yo una ye keti-keti u ki fundisi go didi, kadi mau ka matukidi muna minu (lukuikulu lo); ye bio ka bitukidi mu lukuikulu ko yi masumu.