¹ Bungangi, beto tuna kikesa tufueti siamina bena bayoya, ye katu semisako beto mosi kibeni. ² Konso muntu mu kati betu ka kisema mu mpangi ani mu mambote, mu ku tunga. ³ Kani Klisto nkutu kakisemaa yani mosi ko, kansi bonso busonama " Mu vezolo zi bau balufinga zi bua go mono". ⁴ Kadi makulu masonama muna ntama, ma sonama mu kikuma ki ndongolo beto, mpasi nde mu nzila ku kanga ntima ye lusiamusu lu ma sonama, tulendi kala ye kivuvu kimbote. ⁵ Bungangi, bika Nzambi yo u nkanga ntima ye u lusiamusu kalugana lukala dibansa dimosi ba ku bankaka bonso Klisto Yesu. ⁶ Mpasi nde dibansa dimosi ye nua mosi, lulendi kembisa Nzambi ye Tata di Mfumu eto Yesu Klisto. ⁷ Ibuna, lu yambasana beno ye bankaka bonso Klisto ka tutambula muna Nkembo u Nzambi. ⁸ Kadi ngogedi nde Klisto u kituka kisadi ki nzengolo mu Mfumu u kedika ki Nzambi, mpasi mu zayisa nsilulu kagana ku mase ⁹ mpasi nde bo kabena bayuda ko ba kembisa Nzambi mu nkenda. Buna bu sonama : "Inga, siya zitisa ga kati ki bo kabena ba yuda ko ye sayi yimbidila nzitusu ku nkumbu aku". ¹⁰ Gogedi diaka nde : "Luyangalala, bakonda kala bayuda, kumosi ye kanda diani". ¹¹ Ye diaka : "Luzitisa Mfumu, beto kulu, konda kukala yudayo; nde makanda makulu manzungula". ¹² Yesaya u goga diaka : " Si mutuka mu Yese, ntombo sagu telama mu kuyala ba ka bena ba yudayo ko. Bo ka bena bayudayo ko si ba kala luzolo lumbote mu yani". ¹³ Nde Nzambi u luzolo lumbote ka lu tebisa ye kiese ye ngemba mu ku kuikila, mpasi nde luteba mu luzolo lumbote muna ngolo zi Mpeve a nlongo. ¹⁴ Bungangi, yita lusiamisa, zimpangi muna Mfumu eto Yesu Klisto ye muna zola ku Mpefi a nlongo mu ku nuana ye momo mu bisambu bieno ku Nzambi. ³¹ Lu sambila nde yikala u kutuka mu bau ka bazola ku tumama ko muna Yudea ye mpi kisalu kiamo kuna Yelusalemi ki kala kitambululua ku minkuikisi. ³² Lu sambila mpasi nde yi luaka ku beno ye kiesi mu luzolo lu Nzambi, ye i lenda mona kumosi mvunda. ¹⁵ Mu diambu diodi, yilusonekeni ye kikesa mu diambu di mambu mankaka mu kulu bambula diaka mbundu mu kikuma ki kabu dio dinganukina Nzambi. ¹⁶ Kadi diodio dikala nde ikala kisadi ki Klisto Yesu u bafidisa ku bau kabena bayudayo ko, mu ku gana bonso nganga Nzambi gu nsangu zimboti zi Nzambi. Yi fueti ganga bo mpasi nde nkayilu gu bau kabena ba yudayo ko u tambuka, gu santisua mu Mpefi a nlongo. ¹⁷ Idina, nkembo amo guna muna Klisto ye mu bima bi Nzambi. ¹⁸ Kadi si kisonika diambu dinkaka ko go ka momo Klisto kalungisa muna nzila mono mukunanta ba ka bena ba yudayo ko ku kutumama. Mena mambu ma gangama muna ngogo ye bimangu. ¹⁹ Muna ngolo zi dibundu ye makumbua, muna ngolo zi Mpefi a nlongo. Dikala mpasi nde tuka kuna Yelusalemi, ye mbansa zikinzungidila ye kuna Illyricumi, ilenda samuna nsamu gu Klisto. ²⁰ Muna mpila yina, mabansa mamu makala nde yisamuna nsangu zambote, kansi ka kuna ko Klisto ku tazayakana mu nkumbu ani, mpasi nde katutungi ga lufulu lungani ko. ²¹ Bonso busonama : "Ku bau kukonda nsangu nde si bam'mona ye ku bau ka bawako si ba bamkisa". ²² Idina, yikemina bantu babengi ntangu zizingi kabendi ko kukuma beno. ²³ Kansi bungangi, kina diaka ye kifulu ko muna biziunga ye i kala lukanu tuka mvula zizingi, mu kuenda ku beno. ²⁴ Idina, bu si ngienda kuna Espagni, nkuikidi nde sa yilumona ye kufidiswa ku beno, kunima kuyangalala mu kintuadi kiamo mu fintangu fifioti. ²⁵ Kansi bungangi, i takuenda ku Yelusalemi mu kusadila minkuikisi. ²⁶ Kadi kikala kiesi kikingi mu Makedonia ye IKaya mu kukutila mbongo ye gana ku bamputu ga kati ki minkuikisi mina kuna Yelusalemi. ²⁷ Inga, bukala kiese kinu kikingi ye kedika, kadi go ba ka bena ba yuda ko ba baka kabu mu bima bi kimpefi, ba fueti kubasadisa mu bima bi moko. ²⁸ Idina, bu sayilungisa mo makulu ye bu sisiamisa mbutu mu bau, si yiluta ku beno mu kuenda ku Espagni. ²⁹ Nzeyi nde, bu singisa ku beno, si ngisa mu kufuluka ku lusakumunu lu Klisto. ³⁰ Bungangi, yita lusiamisa, zimpangi muna Mfumu eto Yesu Klisto ye muna zola ku Mpefi a nlongo mu ku nuana ye momo mu bisambu bieno ku Nzambi. ³¹ Lu sambila nde yikala u kutuka mu bau ka bazola ku tumama ko muna Yudea ye mpi kisalu kiamo kuna Yelusalemi ki kala kitambululua ku minkuikisi. ³² Lu sambila mpasi nde yi luaka ku beno ye kiesi mu luzolo lu Nzambi, ye i lenda mona kumosi mvunda. ³³ Bika Nzambi yi ngemba kakala ye beno. Amen.