¹ I lufidisi Phoebe, mpangi eto unketo, una kisadi mu dibundu dins ku Cenchrea, ² mpasi nde luntambula muna Mfumu. Lusala mau mpila i kedika bonso basantu ye lunsadisa mu makulu makalendi vua nsatu ku benu. Kadi u kumini lusadisu ku beno ye ku bantu babengi ye mu mono kibeni. ³ Lugana mbote ku Priscilla ye Aquillas, bampangi batondama ba kisalu mu Klisto Yesu. ⁴ Bau baguluka mu kigonsa mu kugulusa lumono. I ta kubatonda ye ka munu i moso kaka ko, kansi kumosi ye mabundu makulu ka mena ma bakabana ba yudayo ko. ⁵ Lugana mbote mpi ku dibundu dina muna nzo au. Lugana mboti ku Epaenetus nkundi u zolakana, una mu Klisto unteti mu Asia. ⁶ Lugana mboti ku Malia, u sala mu kikesa mu beto. ⁷ Lugana ku Andronicus ye Julia, bibuti biamo, ye bampangi ba mvita. Beno mfunu kibeni ga kati ki bantumua, bakala mpe mu Klisto kuntuala mono. ⁸ Lugana mboti ku Amphias nkundi u zolakana muna Mfumu. ⁹ Lugana mboti ku Urbain, mpangi u kisalu mu Klisto, ye Stachys, nkundi u tondama. ¹⁰ Lugana mboti ku Appolosi, nkuikisi u Klisto. Lugana mboti ku bakulu beno muna nzo yi Aristobule. ¹¹ Lugana mboti ku Herodion, se diamo. Lugana mboti ku bakulu bena muna nzo yi Narcisse, bena mu Mfumu. ¹² Lugana mboti ku Tryphone ye Tryphose, basala mu kikesa mu Mfumu. Lugana mboti ku Perside nkundi u tondama, u toma sala bubuingi muna Mfumu. ¹³ Lugana mboti ku Rufus, gu solama muna Mfumu ye ngudi diani una mpe u yani. ¹⁴ Lugana mboti ku Asyncrite, Phlegon, Hermes, Patrobas, Hermas, ye bampangi bena bau. ¹⁵ Lugana mboti ku Philologue ye Julia, Nerea ye mpangi ani, ye Olympe, ye ba santu bena ye bau. ¹⁶ Lugana mboti ku bakulu ye bankaka mu bisu bi santu. Mabundu makulu na Klisto malugeni mboti. ¹⁷ Bungangi i talusiamisa, bampangi, luyindula ku ba bananta ku kabana ye mvuezolo, bakuenda ntama ye mambu ma lulonguka. Lubaluka ku bau. ¹⁸ Kadi bantu bampila yoyo ka basadilanga kuau Klisto ko, Mfumu, kansi bivumu biau. Ye mu malongi ma lembama ye ma luvunu, ba yunanga mintima mi bantu ba bena kikumu ko. ¹⁹ Kadi mbandueno yi kutumana i kuma mu nza yakulu. I ta yangalala, mu kikuma ki benu, kansi nzoledi nde lukala nduenga mu ma tala mambote, ye konda ku kikuma ku mambi. ²⁰ Nzambi i ngemba ka ntama ko si fuisa satana ku nsi malu mani. Bika nlemfo gu Mfumu Yesu Klisto gu kala ye beno. ²¹ Timotheo, mpangi amo u kisalu, gu lugeni mboti, ye Lucius, Jason ye Sosipater, bibuti biamo. ²² Munu, Tertius yu tudidi mambumo mu nsonokono, yi kugeni mboti mu Mfumu. ²³ Gaius, yu u ntambula ye yu u dibundu diakulu u lugeni mboti. Erastu, nlundi mbongo zi mbansa, u lugeni mboti ku mosi ye mpangi Quartu. ²⁴ Bika nlemvo gu Mfumu Yesu Klisto u kala ye benu kulu. Ameni! ²⁵ Bungangi ku yu una u kubama mu ku lugana luve mu ku visama ku mosi ye nsamu amo ye malongi ma Yesu Klisto, bonso buna mpimpita zilundama tuka ntama. ²⁶ Kansi bungangi u zayakana muna masonama ma ba mimbikudi muna kulanda ntumunu yi nzambi, muna ku lemfuka mu minu ga kibau ka bena bayuda ko. ²⁷ Ku Nzambi nkua nduenga, muna Yesu Klisto, nkembo muna ntangu zakulu. Ameni.