¹ Kunima mambu mana, yitala ye yimona kielu kizibuka mu zulu. ndinga nteti yingogisa bonsu kulumeta yintela: mata goga ye si kugana mana simesa kunima mambu mana. ² Gana mfulu ntotu, yikuma mu Mpefi yimona kunda basa ku zulu ye muntu wufonga ganeni. ³ Yuna wufona ganeni wufuanana ye tadi ngasipi ye saduani. nkongulu yizingama kunda yifuanana ye emerodi. ⁴ Mukinzungidila ki kunda, biandu makumodi ye ya ye binunu makumodi ye ya bafonga biawu bavuata mvuatu mi mpembi ye kolowa ki wola ga ntu bibawu. ⁵ ku kunda kutukidingi mi nsuesi, mbandanu ye mazu ma bingundu. ⁶ Minda nsuambuadi milungama ga ntuala kunda, minda misongedingi Mpefi zi nsambuadi zi Nzambi. diaka, ga ntuala kunda gakala mbu, bantu baya bakala muluzingu bateba mesu kuntuala ye nima bakala ganeni. ⁷ Muntu nteti mu luzingu wufuanana ye nkosi, wunzodi wufuanana ye muana ngombi, wuntatu lu muntu kakala luawu ye wunya wufuanana ye ngo zulu yi yetilumuka. ⁸ Bantu bana baya bazingidingi bakala konsu muntu mage masambanu mateba mesu ku zulu ye kunsi. beta goga kababayambudi mpimpa ye muini Nlongo, Nlongo, Nlongo kena Mfumu Nzambi betu, yuna wuyalanga ga biakulu, wukala, wuna ye si kesa. ⁹ Mu konsu ntangu bantu bana babaya bazingidingi bamuesesingi nkembu, nzitusu ye vutuedingi matondu ku yuna wuna ga kunda, yuna wuzinganga nsuka munkatu. ¹⁰ Buna binunu makumodi ye ya bafukameningi ku ntuala yuna wufonga ga kunda. bakameningi ga ntuala yuna wuzinganga nsuka mu nkatu, ye tubidingi kolowa bibawu kuntuala kunda muta: ¹¹ Wunzitusu wuna, Mfumu betu ye Nzambi betu mutambula nkembu, nzitusu ye lulendu. kadi wusema bima biakulu, ye luzolu luaku, ye zinga.