¹ Sonika ku mbasi dibundu di Saladi: n' gogu miyuna simbidi Mpefi nsambuadi zi Nzambi ye ntetembua nsambuadi. nzeyi maganga mangeyi, wuna ye lukumu luzingu kansi wufua wuna. ² Sikama kuaku ye siamisa bana basidi ye bena mulufua, kadi kimueni maganga mangeyi malunga mu mamboti ku ga ntuala Nzambi. ³ Bungangi, bambuka ntima ku mana wutambula ye wa. wukifuanisa mawu ye viluka. kansi go kukayidi mesu ku, singisa bonsu muifi ye sikuzaya ku nki ntangu singisa mu kubindisa mpaka. ⁴ Kansi bana ba nkumbu banduelu mu ntalu bantu ku Saladi ka bavinzuna nledi miawu ku. si badiata ye munu, mu mvuatu mi mpembi, kadi buna bena kimfumu. ⁵ Yuna si wununga si kavuata mvuatu mi mpembi ye si kikatula ku nkumbu yani mu nkanda wu luzingu ye si gogila nkumbu yani ga ntuala se dimunu ye ga ntuala zimbasi. ⁶ Bika yuna wuna ye makutu kawa mana Mpefi kagogedi ku mabundu. ⁷ Sonika ku mbasi Filadelifia:tala n' gogu yuna wuna wu nlongu ye kedika. simbidi nsabi zi David. wusibulanga ye nkatu feti kanga; wukanganga ye nkatu feti zibula. ⁸ Nzeyi maganga mangeyi; tala, ntudidi ga ntuala ngeyi kielu kizibuka nkatu lenda kiokanga. nzeyi wuna ye ngolu zinduelu kansi ku nkatikisi ku ye wutatameni n' gogu munu ye kukatikisi nkumbu munu ku. ⁹ Tala, buna bena mu nluka satana, bakisamunanga Bayudayo kansi kabena buna ku, beta guna. si yibatuasa bafukama ga malu mangeyi ye sibazaya nde zola yikuzolanga. ¹⁰ Kadi wukebedi ntumunu zimunu, munu diaka si yikukenga muntangu nsinsani si zibua mu nza yimvimba mukuma kikutula nsinsani ku bantu ba ntotu. ¹¹ Ndueki bungangi, sueka mana wuna ye mana Musa nde nkatu lendedi ku kuata kolowa. ¹² Si yiganga ku yuna si wununga kunsi mu tempelo di nkumbu Nzambi ye si kazinga muna. si yinsonika nkumbu ku yani yi Nzambi munu, nkumbu mbanza Nzambi munu,( Yelusalemi dimpa dina dita kulumuka ku zulu, tuka ku Nzambi munu), ye nkumbu munu yimpa. ¹³ Bika yuna wuna ye makutu kawa mana matedi Mpefi ku mabundu. ¹⁴ Sonika ku mbasi Lawodikia: tala matedi Ameni, mbangi kedika ye sikalala, yuna wutayala ga bigangu biakulu bi Nzambi. ¹⁵ Nzeyi maganga mangeyi, kuna kani tiya kani kiosi. nzoledi wukala tiya ata kiosi! ¹⁶ Kansi bukina nde wulakuka wuna, kani tiya kani kiosi, nkumini ga fulu kikuluka mu nua munu. ¹⁷ Kadi wukitelanga mu ngeyi mosi: muana ngina, yibakidi kimvuama kimbidi ye ngina kina mfunu kima ku. kansi ta vilakana nde wunianga kibeni wuna, wunsisi, mputu, mfua mesu ye nkonga. ¹⁸ Wa malongi mamunu: sumba ku munu wola wuyokuka ku tiya, musa nde wukuma mvuama ye mvuatu mi mpembi milezima Musa nde lendedi kifika ye konda kusonga kinkonga kingeyi. sumba mafuta mukusa mesu mangeyi musa nde lendedi mona. ¹⁹ Nta longuka ye longa ku bana bakulu yizolanga, mpila yibafeti zingila. kala kiaku wusimpama ye viluka kiaku. ²⁰ Tala ntelameni ga muelu ye kunkuta. go muntu widi ndinga munu ye nzibudila, si yikota mu nzo yani ye dia yani ye yani ye munu. ²¹ Ku yuna si wununga, si yigana nsua kafonga ye munu ga kinda dimunu bonsu yinunga ye m' fongedi ye Se dimunu ga kunda kiyani. ²² Bika yuna wuna ye makutu kawa mana Mpefi katedi ku mabundu.