¹ Yitadidingi ye yimona muana memi wutelama ga ntual'amo ku mongo Sioni. wukala ye mafunda nkama ye makumaya ma bantu bakala ye nkumbu'andi ye nkumbu se diandi yisonama ga mbulu'andi. ² Yiwa ndinga kuzulu yikala bonso zu dimasa maneni ye dimbandanu. ningu di yiwa dikala difuanakana ku ningu dibawu babulanga tungungu tuawu. ³ Bayimbila nkunga masika wumpa ga ntuala kundu di kimfumu ye ga ntuala bantu baya bana bazinganga ye binunu. ku nseki nkama mafunda ye makumaya ye ya bo bavulusua mu nza, ga nkatu muntu yulenda longuka wuna nkunga masika. ⁴ Bana ibawu kabavukana ye bankentu ko kadi bakibieka nlongo. yi bawu bana batumamana muana memi kuakulu ku kakuendanda. bavulusua mu nza bonso bansomi ba Nzambi ye ba muana memi. ⁵ Kaluvunu nkutu ko lutuka mu nua miawu kadi bakala ye lusembo ko. ⁶ Yimona mbasi yinkaka yitilumukiningi mukati kizulu, ye nsamu mikondolo nsuka ye nsamu wumboti musamuna kubana bazingilanga ga ntotu; ku zinsi zakulu, makanda makulu, ndinga zakulu ye nkangu miakulu. ⁷ Wuboka mu ndinga ngolu wuta:" lubanga Nzambi ye lunzitisa, kadi lumbu kiandi kimfundusu kilueki. lunzitisa, yuna wu sema zulu, ntotu, mbu ye zinto zinkoko. ⁸ Mbasi yinkaka, mbasi yinzodi wulanda wuta:" buidi Babilonia dineni wunuika nza yakulu malafu ma nsumukunu kinsuza; malafu matuasa ngansi zimbidi ku yandi. ⁹ Mbasi yinkaka, yintatu wubalanda muta mundinga ngolu:" go muntu ta sambila bulu ye zidi kiyani ye baka dimbu ga mbulu'andi evo ga kandasi kikoku kuandi, ¹⁰ Si kanua diaka ngansi zi Nzambi; malafu mana makubama ye tiakuka kabatula ko mu mbungu ngansi zandi. muntu yu siwunua malafu mana si kakuamusua mu tiya ye sodefo ga ntuala zimbasi zinlongo ye ga ntuala muana memi. ¹¹ Muisi wunkuama kuawu wumatanga mu bilumbu biakulu ye nsuka nkatu ye kabavundanga ko lumbu ye mpimpa; bana basambila mbisi ye zidi kiandi ye konso yuna wubaka kidimbu ki nkumbu' andi. ¹² Mbokolo ku mvibudulu ye ku nsiamusu ku banlongo; bana batangininanga ntumunu zi Nzambi ye bakuikilanga mu Yesu." ¹³ ye nguidi ndinga mu zulu yi zayisingi: sonika: kiesi tuka bungangi ba fwa ba fuilanga mu Mfumu ! ingi, bu zayisa Mpefi, mpasi nde ba vunda mu bisalu biau, kadi mavanga mau mata ku ba landa. ¹⁴ Yi tadidingi, ye tala, ga kala tuti di mpembi, ye gana tuti ga kala muntu gu fonda gu fuanana mu muana Muntu, gu vua gana ntandu n'tu kolowa di wolo, ye gana koku kuani mbedi yi tua menu. ¹⁵ ye wonzio gu n'kaka tukidi mu tempelo, keyi mu ndinga ngolo ku yu u kala gu fonda gana tuti: zuka mbedi'aku, ye yonsika; kadi tangu yiku yonsika yi kumini, kadi nkuna yi ntoto yi yeledi. ¹⁶ ye yu u kala gu fanda gana tuti zukidi mbendi'ani ga ntoto. ye ntoto gu yonsameni. ¹⁷ ye wonzio gu n'kaka, tukidi mu tempelo di dina mu zulu, gu vua yani diaka mbebi yi tua menu. ¹⁸ ye wonzio gu n'kaka, yu u kala ye kimfumu ki tiya, tukidi gana ziku, ye u zayisa mu ndinga ngolo ku yu gu vua mbedi yi tua menu, muku zayisa: zuka mbedi'aku yi tua menu, ye kolumueni nkeni zi vinu gu ntoto mu diambu mbutu mi vinu mi ntoto mi yeladi. ¹⁹ ye wonzio u geta mbendi'ani ga ntoto. ye gu kola vinu di ntoto, ye u geta nkola muna nzungu yi neni yi ngansi zi Nzambi. ²⁰ ye nzungu yi tubua ku nsila yi mbanza, ye menga ma tuka muna nzungu, na te ye mu kimvuka ki besengu bi sadisinga muku kanga zi mpunda, muna kiyala ki n'toto ki funda di mosi ye nkama sambanu zi ma kota.