¹ Buna, munu yimona kidimbu ki nkaka muna zulu; kineni ye kingitukulu: ga kala banzio nsambuadi ye nkuba nsambuadi zina nkuba nsambuadi zi nsuka zi Nzambi kadi ye kubawu nganzi zi Nzambi zi lungeni. ³ Ba kesi yimbilanga nkunga Mose, kisielo ki Nzambi ye nkunga gu muana memi: mavanga m'aku, o Mfumu Nzambi, menina ma neni ye ma ngitukulu ! nzila z'aku zina zi lununga ye kiedika, Ntinu wu makanda makulu. ⁴ Mfumu, nani sa kaku zitisa ko ye sa kaku kembisa ko zina diaku ? kadi ngeyi mosi kaka wena u n'longo. makanda makulu sa mesa ye sa ba kembila gana tuana ngeye mu diambu nzengolo zaku zi zayakana. ⁵ kunima mo mambu yi mona, nzo yi kilongo yi kimbangi yi zibuka kuna zulu. ⁶ Zi wonzio nsambuadi ba simba nkuba nsambuadi ba tuka mu kilongo, mu vuatu mi lino divedila mi lesama ye singa medika mi golo mi vuatua muna ntulu. ⁷ U mosi gana kati ki ya di bivangu bi moyo u gana ku wanzio nsambuadi, mbungu nsambuadi zi golo zi teba ye ngansi zi Nzambi u zinganga n'vu ka n'vu. ⁸ Kilongo ki teba ye muisi u nkembo u Nzambi ye lulendo lu kimfumu Kiani, ye ku nkatu muntu lenda mokota na te ye kuna nkuba nsambuadi zi ba wonzio nsambuadi go kazilungeneko.