¹ Diaka, yimona kibulu kitukidingi mu mbu. wukala ye mbambi kumi ye not nsambuadi ga ntandu mbambi ziyani gakala mpu kumi ziluyalu ye nkumbu zibana balewulanga Nzambi. ² Kio kibulu yimona kikala bonsu ngo; malu mayani mafuaneni bonsu mana ma nsengi ye nua yani bonsu wuna wu nkosi. kibulu kinsisi kinana lulendu ye kundu kiyani ki kimfumu ye kimfumu kiyani kineni kina. ³ Ntu wumosi wu kibulu kinsisi bonso kikala ye mputa lufua, kansi mputa yina yibeluka ye nza yimvimba yibua kindunga ye yilanda kibulu. ⁴ Basambila diaka kibulu kinsisi kadi wugana kimfumu kiandi ku kibulu: "kiokini kina bonso kibulu ye kilendedi kunuanisa?" ⁵ Nua wutukisanga malewu ma kukitumpidika ye makeni makulewula Nzambi maganuka ku kibulu. wutambula nsua musadila kimfumu kiandi mu makumaya ye ngonda zodi. ⁶ Buna kibulu kizibula nu'andi mu finga Nzambi, mu kulewula nkumbu' andi, kifulu kikazingidingi kansi diaka kubawu bazinganga gogini. ⁷ Wutambula nsua munuanisa banlongo ye kubanunga. wubaka diaka lulendo lukuyala ga ntandu makanda makulu, nkangu, ndinga ye zinsi. ⁸ Bakulu bana bazingilanga ga ntotu si bansambila, yonso yuna nkumbu Kayina yisonama mu nkanda luzingu lu muana memi yuna wukeluka kimenga. ⁹ Bika yu wuna ye makutu kawa, yuna wusiwa mu kuenda ku kinanga si kenda ku kinanga; ¹⁰ Yuna wusiwa ku mbedi mpoku si kafuila mu mbedi mpoku. yuna yimbila ku mvibudulu, ku nsiamunu ye ku lukuikulu lufiluka ga fulu ki banlongo. ¹¹ Galanda, yimona kibulu kinkaka kituka mu ntotu. wukala ye mbambi zodi bonso muana memi ye wu gogedingi mu ndinga kibulu kinsisi. ¹² Wusadila kimfumu kiakulu ki kibulu kinteti ga ntu'alandi ye wutumina mungolu ntotu ye bawu bazingilanga muna bu basambilanga kibulu kinteti; yuna nkutu mputa lufua yibeluka. ¹³ Wuganga masivi ma lulendo, nate ye kulumuna tiya tuzulu ga ntuala bantu. ¹⁴ Ye bidimbu biobini bikala ye nsua mu ganga, wununga mu kolamana bawu bazingidingi ga ntotu mu ndombolo baganga kizidi mu lukumu lu kibulu kiokini ki balueka mu mbedi mpoku kansi kita zinga diaka. ¹⁵ Nsua wukala ku kibulu mu gana mpefi yi luzingu ku kizidi ki kibulu mpasi nde kizidi kilendi goga ye kisala musuku dintudulu mulufua ku bakulu bana si bamenga sambila kibulu. ¹⁶ Wutumina mungolu diaka bakulu, bantu bakondedi mfunu ye balulendu, bamvuama ye bamputu, minanga ye bantu bakimpuanza, mubaka dimbu ga koku kuawu ku kitata, evo ga mbulu' awu. ¹⁷ Kaganuka nsua ku muntu ko mu sumba evo teka go ka kabambula ko kidimbu ki kibulu, kani nkumbu' andi evo ntalu' andi. ¹⁸ Diodini dita bokila nduka. yonso yuna wuna ye nduka, kabundakasa ntalu kibulu. kadi ntalu yoyini yina yi muntu. ntalu'andi yina 666.