¹ Kidimbu kimosi kineni kimonika mu zulu. nkentu mosi bavuika ntangu ye ngonda yikala kunsi malu mayani; ye bantula ga ntandu ntu wuyani mpu yi luyalu yi ntetembua nsambuadi. ² Wukala ye lukawu ye wubokedingi mu miangala mikubuta. ³ Ye kidimbu kinkaka kimonika mu zulu: tala! gakala kibulu ki nsisi ki mbuaki kikala ye ntu nsambuadi ye mbambi kumi, ye gakala mpu nsambuadi zi luyalu ga ntandu ntu wuyani. ⁴ Nkila yani wunata ndambu zintetembua mu zulu ye zibuisa nzo yani munsualu ga ntotu. kibulu kinsisi kitelama gantuala nkentu yu wukala ye miangala mikubuta mu luzolu lukudia muana go wumbutidi kaka. ⁵ Wubuta muana yakala, yuna wukala lukufi mutuadisa nsi zakulu ye fimbu yi kisengu. muana yani bankatula kakala gambela Nzambi ye kiti kiyani kikimfumu. ⁶ Ye nkentu wutina kunsi yinkatu kuna Nzambi kakubikila kifulu kimosi mudiambu diyani mpasi kasansukila bilumbu funda dimosi ye nkama zodi ye makuma sambanu ma bilumbu. ⁷ Mvita yibua mu zulu. Mikayeli ye zimbasi ziyani kulueka ye bulu kinsisi ye mbasi ziyani kulueka lunkaka banuana. ⁸ Kansi kibulu kinsisi kakikala ye ngolu zimbidi ku mu nunga. buna. kagakala diaka kifulu ku mu zulu mudiambu diyani ye mbasi ziyani. ⁹ Kibulu kinsisi kineni, yina nioka yinkulu babokidilanga diabulu ata satana, yuna wukolumunanga nza yimvimba wulosuka ga ntotu ye mbasi ziyani ye yani. ¹⁰ Yiwa buna ndinga yineni mu zulu: buna mboti, lulendu ye kintinu ki Nzambi/ ata kikumini, diaka ye kimfumu ki Klisto kiyani. kadi mfundi mpangi zibetu wutubutukidi, yuna wubafundidingi muini ye mpimpa kuntuala Nzambi betu. ¹¹ Banungini mu menga ma muana meme ye mu lunungu lu kimbangi kibawu, kadi kabazola luzingu lubawu ti ye banga lufua. ¹² Idina, luyangalala, benu mazulu ye bakulu bazinganga muna. kansi kiadi ku ntotu ye ku mbu kadi diabulu wisidi ku benu. lawukidi kadi zeyi nde ntangu yani yikufameni. ¹³ Muntangu bulu kinsisi kizaya nde tukulumukini ga ntotu, wuyingana ye nkentu yuna wubuta muana yakala. ¹⁴ Kansi mage modi ma ngo zulu maganuka ku nkentu mpasi katilumukina ku kifulu kikubama mudiambu diyani munsi nkatu, ga kifulu si kasasukila muntangu mosi, mu zintangu ye ndambu ntangu ntama ye nioka. ¹⁵ Nioka yiluka masa mu nua yani bonsu nzadi mukuma kikumina nkentu. ¹⁶ Kansi ntotu wusadisa nkentu bukazibula nua yani mu kunua masa muna bulu kinsisi katukisa mu nua yani. ¹⁷ Buna bulu kinsisi kilawukila nkentu ye wuyenda mu nuanisa babasala bankuna bayani, bana batatanga nsiku mi Nzambi ye batatanga kimbangi mu Yesu. ¹⁸ Buna bulu kinsisi kitelama ga dielu ga simu di mbu.