¹ Kinga, Yesu wusabuka maya mu kilumbu kisabala, minlongoki miani bagela nzemvu zi masangu ye badia, bu bafuntakasa mawu mu moku mawu. ² Bamfadisi bankaka bata:" munki diambu lutagangila Mana kamena nsua ku mu kisabala? ³ Yesu wubavutudila:" kalutanga ku mana Davidi kaganga bukakala nzala, yani ye bakundi bayani? ⁴ Bue kakotila mu nzo Nzambi, wubaka mampa ma nlekolu, wu dia ye gana ku bakundi bani, mampa mana kani muntu kena nsua mu nsiku ku mu dia, kaka banganga Nzambi, bawu mosi?" ⁵ Wubata:" muana muntu yi Mfumu kisabala." ⁶ Lumbu kinkaka kisabala, Yesu wuvutuka ku nluka mu longa. muntu mosi wukala gana koku ku zioka. ⁷ Minsoniki ye Bamfadisi batadidingi Yesu mu mona go si kabuka kisabala, mpasi babaka di kumfundila. ⁸ Kansi bukazaya ngindu zibawu, wuta ku muntu wukala koku ku zioka:" telama ye kala gana kati." wutelama ye kala wutelama. ⁹ Yesu wubatela:" yi luyufuedi buna nsua mu ganga mamboti mu kisabala ata mu ganga mambi, mu gulusa moyu at mu gonda?" ¹⁰ Bubakitala bakulu, wuta ku muntu:" lambula koku kuaku." wuganganga buawu ye koku kuani kubeluka. ¹¹ Munganzi zimbidi, basisasana mpaka ga kati kibawu mu mona ma baleganga ku Yesu. ¹² Mu bilumbu bina Yesu kayenda ku monti mu sambila, ye wulutisa mpimpa mu kusambila Nzambi. ¹³ Muntangu kitubuka kilumbu, wubokila nlongoki miani ye Sola kumi ye zodi, kubana kagana nkumbu ntumua. ¹⁴ Simoni, yuna kagana nkumbu Petelo, Madiela, mpangi yani, Madiela, Yowani, Balatelami, ¹⁵ Matayi, Toma, muana Alafe, Simoni, yuna babokilanga Zeloti, ¹⁶ Yuda, muana Madiela, ye Yuda muesi Iskadioti nteki. ¹⁷ Bubakulumuka yani, batelama ga kifulu kinieka ye buka kineni ki minlongoki miani ye mafunda mambidi ma nkangu ma Yuda diakulu, Yelusalemi, mvivi Tila ye Sidoni. ¹⁸ Bayisa kunua ye kibukisa bimbefu biawu. bana bakala maniongo mu Mpefi zimbi babeluka. ¹⁹ Kibuka kiakulu basosedingi ku nsimba, kadi ngolu zimosi zitukidingi mu yani ye zibabukidingi bakulu. ²⁰ Buna bukazangula mesu mandi ku minlongoki, Yesu wubatela:" mayangi, ku bamputu, kimfumu ki ma,ulu kina kubenu. ²¹ Mayangi, ku benu Luna nsatu bungangi, si luyukutusua. mayangi benu luta dila bungangi, si luseya. ²² Mayangi Luna ntangu bantu balumengeni, bu balugetedi beta lulewula ye bakatulanga nkumbu benu bonso lumengu, mukuma kimuana Nzambi. ²³ Luyanganga lumbu kina, kadi munu, nsendu benu si wukala wuneni mu zulu. buna Mase mawu bagangila ku mimbikudi. ²⁴ Kansi kiadi kubenu bamvuama. lukakitambudidi luyindulu lubenu. ²⁵ Bankua kiadi, benu luyukueti bungangi, si lukala nzala. bankua kiadi, benu luta seya bungangi, si lukala mu mayamba ye dila. ²⁶ Bankua kiadi Luna muntangu bantu bakulu bata lutela ma mboti, buna mase mawu basadila mbikudi mi luvunu. ²⁷ Kansi yi luzayisa benu lutangua, luzola mbeni zenu, luganga mamboti ku bana balumenganga. ²⁸ Lusakumuna balusinganga, lusambidila bana balufundanga mu luvunu. ²⁹ Go muntu kuzubidi ku bundi dimosi, songa diaka di nkaka. go muntu bakidi nledi' aku, ku nkakididi ku mubaka kitunga kiaku. ³⁰ Gana ku yuna wukulombedi, ye ku futisi ku bima biaku ku yuna wukubongedi biawu. ³¹ Mana zoledi bantu bakugangila, ganga buawu ku bawu. ³² Go luta zola bana baluzolanga, nki nsendu si lubakila buawu? minsumuki diaka bazolanga bana babazolanga. ³³ Go luganganga mboti ku bana balugangidi buawu, nki ndandu lubakidi? minsumuki bagangila buawu. ³⁴ Go ludefedi ku bawu luna ye vuvu mu kuluvutulula, nki ndandu lubakidi? kani minsumuki badefisanga ku minsumuki mu kubavutulula buawu. ³⁵ Kansi luzola mbeni zenu, luganga mamboti, ludefisa ye konda kivuvu ki lutambula mvutululu. buna nsendu benu si wukala wuneni, si lubokidila bana ba zulu di zangama, kadi wumboti, yani ku Bambi ye lulendu. ³⁶ Lukala minkabi bonso tata benu nkabi. ³⁷ Kalufundisi ku ye benu ka si lufundusu ku, kalubaki nkodi ku, luyambulula ye benu diaka si luyambudila. ³⁸ Lukaba ye si balukabila, tesu kitoma tesuka, sanga, kifuanakeni si baludukudila ga lusembu lu nledi benu, kadi tesu kilutesilanga yikina benu diaka si balutesila. ³⁹ Wubatela diaka ngana:" mpofu lendedi tuadisa mpofu? ka si babua ku bawu bodi mu bulu? ⁴⁰ Nlongoki kena ga zulu di nlongi yani ku, kansi nlongoki yani kulu wutoma longua wukumanga bonso nlongi yani. ⁴¹ Bue muneni lunianga luna mu disu di mpangi' aku, ye kumueni ku mfufuta mu disu diaka? ⁴² Bue lendedi tela mpangi' aku:" mpangi, vingila nteti yikatula lunianga mu disu diaku go ngeyi kumueni ku lumfufuta mu disu diaku. ⁴³ Nti mbi kawule buta mbutu mi mboti ku ata nkutu nti mbefu wubuta mputa. ⁴⁴ Nti mu mbutu yani kibeni. kabagela kibundu ku mu nsendi ye kabakutikanga mbuma ga nsolokoto. ⁴⁵ Muntu mboti, kimuama kimboti ntima yani, tukisa mboti, ye mbi, mu kimvuama kimbi kitukanga mavanga mambi. mudiambu mayindu ma ntima nua kagogilanga. ⁴⁶ Munki diambu luta ku mbokidila" Mfumu, Mfumu" ye kaluta gangila ku mayita goga? ⁴⁷ Bantu bakulu bakuisanga ku munu, bawanga n' gogu miamu, basadilanga miawu, nzoledi lusonga munki bafuaneni. ⁴⁸ Bafuaneni ku muntu wutunga nzo: wutoma tima ye tula nkaku matadi. nkuka buwuyisa ye ndingama masa yibuila nzo yani, kayinikuna nkutu ku, mudiambu yitoma tungama. ⁴⁹ Kansi yuna tawa n' gogu miamu ye katasadila mio ku fuanakeni ku yuna tungidi nzo yani ga ntotu, konda ku nkaku, nkuka yibua ku yani ye muntangu yina kuani kaka yibua, ye mbulu nzo yani yikala yineni.