¹ Kinga, kilumbu kimosi buka ki kinuaniningi mu lugaga lu Yesu mu wa n' gogu Nzambi. wutelama ga kumu di yanga di Ngenezaleti. ² Wumona nlungu miodi mikala ga kumu di yanga. nlobi mi nzonzi mikulumuka muna misukuedingi makondi mawu. ³ Wumata mu nlungu mosi wu Simoni ye wu nlomba katatuka fioti. wufonga, ye mu nlungu, wulonga kibuka. ⁴ Ntangu kamanisa mu goga, wuta ku Simoni:" lusa ga zinga ye tuba makondi menu mu loba." ⁵ Simoni wumvutulula:" Mfumu, tusadidi mpimpa yakulu konda baka kima. kansi mu n' gogu ngeyi, si tuba kondi. ⁶ Bagangila buawu ye babakala ndambu yifuana yi nzonzi, makondi mawu mapasuka. ⁷ Balabikisa bakundi bawu ba nlungu wunkaka mu kubasadisa, bawu bayisa ye tebisa nlungu mia miodi ye miyantika dimuka. ⁸ Kansi Simoni Petelo, bukamona buna wubua mu malu ma Yesu ye wuta:" wuntatukila kadi mudiambu yi nkua masumu." ⁹ Wuyituka buawu bonso buna bakala yani mukuma ki ndoba yuna baganga. ¹⁰ Gakala Madiela ye Yowani bana ba Zebedayi bakulu bakundi bayani bakisalu ba Simoni. buna Yesu wuta ku Simoni:" kumoni bonga ku kadi si yikuganga nlobi mi bantu. ¹¹ Buna, bukasisa biakulu, banlanda. ¹² Wukala mu mbanza yimosi ntangu nkua buazi kantukila. bukamona Yesu, wu bua luse ga ntotu ye wunsambidila sambu kiokini:" go zoledi, wumvedidisa." ¹³ Yesu wulambula koku, wunsimba ye ta:" nzoledi buawu, vedila kuaku. ga mfulu ntotu buazi bunkatuka. ¹⁴ Buna Yesu wuntuma katebuawu ku muntu ku. wuntela:" nda kisonga ku nganga, ye gana nkayilu mi mvedoso bonso kasonika buawu Mose, yina kimbangi ku bawu." ¹⁵ Ban' gogedingi bumbidi, bibuka bi bantu bakutekeningi mu ku n' wa ye beluka mu bimbefu biawu. ¹⁶ Kansi yani wukigambuedingi ku nsi nkatu mu sambila. ¹⁷ Kilumbu kimosi, wulongedingi. Bamfadisi ye bangudi zi minsiku bafonga, batuka mu magata makulu ma Ngalili ye ma Yuda ma Yelusalemi, ye lulendu lu Yesu lukala gana mu babelusa. ¹⁸ Buna, ga kuma bantu banetingi mu mfulu n' ganguki, basosedingi kunkotisa ye kuntula ku ntuala yani. ¹⁹ Bukina nde kabazaya ku bafueti kunkotisila mukuma ki kibuka, bamata ga nludi ye bankulumuna bu bavula tuile ye mfulu yani, ga kati ki kimvuka ga ntuala Yesu. ²⁰ Bukamona lukuikilu luawu:" masumu maku makulolokedi." Bamfadisi ye minsosiki ba yindimina:" nani kena, yuna, ta lewula Nzambi? ²¹ Nani le loluka masumu go ka Nzambi yani mosi ku? ²² Kansi bukazaya ngindu zibawu, wubayufula:" munki diambu luta yindudula? ²³ Nki kikondedi mpasi, Muta:" masumu maku mayambukulu, go mukuta" telama kuaku ye diata?" ²⁴ Buna vedila, mpasi luzaya nde muana muntu wuna ye lulendu ga ntotu mu yambula masumu," yikuteledi, telama kuaku, baka ntand' aku ye vutuka kuna nzo ngeyi." ²⁵ Gana mfulu ntotu, muntu wutelama ga ntuala bawu, wubaka vunga diani ye wu vutuka ku nzo yani ye kue siki Nzambi. ²⁶ Bakulu badungama, basika Nzambi, bateba ye bonga, batedingi:" tumueni wunu mambu mangitukulu!" ²⁷ Kunima mana, wutuka, ye Winona mvakusi mpaku nkumbu Levi, wufonga mu bilu di mpaku. wuntela:" wundanda." ²⁸ Levi wusisa biakulu, wutelama ye wunlanda. ³¹ Levi wugangila Yesu nkinzi wuneni mu nzo yani, buka kimbidi kikala muna di mimvakusi mi mpaku ye bantu bankaka bakala yani ga mesa. ³⁰ Bamfadisi ye minsiku bavunguta ye bata ku nlongoki miyani:" munki diambu ludilanga ye nua ye mimvakusi mi mpaku ye munsumuki?" ²⁹ Yesu wubaka n' gogu ye wubatela:" kabena mavimpi ku bena mfunu munganga, kansi bambefu. ³² Ngisidi mu bokila ku bankua lunungu, kansi minsumuki mpasi babaluka. ³³ Wubatela:" minlongoki mi Yowani baminanga nsoki bufuana ye sambila, bumosi bawu Bamfadisi, buna bamunu badianga ye nua." ³⁴ Yesu wubatela:" lulendedi minisa nsoki nkundi yakala muntangu yani yakala kena ye bawu? ³⁵ Bilumbu bilueki biobiyani yakala si kabakatukila, buna lumbu kiokini si bamina nsoki." ³⁶ Wubatela diaka ngana mosi:" ka muntu ku wutiasunanga ntini nledi mpa mu londila nledi nkulu. ³⁷ Ye ka muntu ku wutulanga malafu mampa mu nkalu zinkulu, kabuaku malafu mampa si madakisa nkalu zina, si mayalumuka ye nkalu zibudikisi. ³⁸ Fisidi, fueti tula malafu mampa munkalu zimpa. ³⁹ Ye ka muntu ku kunima bukanuini malafu ma nkulu, si kazola ku mampa, kadi tedi:" mankulu ma mboti."