¹ Yesu, bukateba ye Mpefi yi Nlongo, wuvutuka tuka Yolodani ye natuka ku Mpefi yi Nlongo. ² Mu makumaya ma bilumbu ye wutontuka ku diabulu kadia kima ku ntangu bilumbu biobini. ntangu yani buyiluta, nzala yim' baka. ³ Buna diabulu wunzayisa:" go nge muana Nzambi, zayisa ku tadi diodini dikituka dimpa." ⁴ Yesu wumvutudila:" busonama:" muntu kasi kazingila kaka mu mampa ku." ⁵ Diabulu wunanta ku zulu kibeni, wunsonga muntangu yina bimfumu bintotu. ⁶ Ye wuntela:" sikugana kimfumu kiakulu ye nkembu bimfumu biobini, kadi mvuilu munu, yigananga biawu ku yuna zoledi kuani. ⁷ Go wumfukameni ga ntuala, kingeyi kina. ⁸ Yesu wumvutudila:" busonama:" si wusambila Mfumu Nzambi' aku, kuyani kaka fueti sambidila." ⁹ Diabulu wunanta ku Yelusalemi, wuntula ga mpata tempelo ye wuntela:" go wuna muana Nzambi, wukituba ga ntotu, ¹⁰ Kadi busonama:" si katuma zimbasi mukuma ki ngeyi, mpasi bakukeba. ¹¹ Ye diaka si bakunata mu moku mawu mu baka kulu kuaku kugalakana tadi ku. ¹² Yesu wumvutudila. wuta:" kutonti ku Mfumu, Nzambi' aku." ¹³ Bukamanisa ntontulu zakulu, diabulu wuntatukila ntama mu fintangu. ¹⁴ Yesu wuvutuka ku Ngalili, ye lulendu lu Mpefi ye mazu mamuangana mu kizunga kiakulu. ¹⁵ Wulongedingi mu minluka mina ye wukembusua ku bakulu. ¹⁶ Wuyisa ku Nazaleti, kuna kasansukila, wuyenda ku nluka, bonso fu, lumbu kisabala. wutelama muntangu. ¹⁷ Ban'gana nkanda Yesaya wu ngunza. wusingumuna nkanda wuna ye sengumuna ntini kuawu busonama: ¹⁸ " Mpefi Mfumu yina ga munu, kadi wunkusidi mafuta mu samuna nsamu wumboti ku bamputu, wumfidisi mu zayisa ku bakangama lukutulu, ye ku mpofu mbuenu, mu gana kimpuanza ku bakuamusuanga. ¹⁹ Mu bokila mvu wu kutambula Mfumu. ²⁰ Buna wuzinga nkanda, wuvutula wawu ku kisadi ye fonga. mesu mabakulu muna nluka mantala nasui. ²¹ Buna wubatela:" wunu n' gogu wuna luwidi wulungeni." ²² Bakulu banteledingi kimbangi, mu ngitukulu n' gogu mi nlemfu mitukidingi mu nua yani. batedingi:" kayani ku yuna muana Yosefi? ²³ Buna wubatela:" kibeni kibeni si luntela ngana yina:" mbuki, wukibelusa nge mosi, makulu magangameni ku Kapelanawumi, bonsu tulongokila mawu, ganga buawu diaka mu nsi' aku." ²⁴ Wubazayisa diaka:" inga, ngunza kena ye nzitusu mu nsi' andi ku. ²⁵ Mu kiedika yiluteledi, mafola mambidi makala mu Isayeli muntangu Eliya, muntangu zulu di dingama mvula tatu ye malema maneni makala nsi yakulu, ²⁶ Ye kansi mpi, Eliya kafidusu ku yumosi yuna ku, kansi ku yuna wu Sarepta. ²⁷ Bamfua buazi bambidi bakala muntangu Elisee, kansi kamosi ku bawu ku wuvelulusu, kansi Namani muesi Siliya. ²⁸ Bubawa mana, bakulu mu nluka bateba nganzi. ²⁹ Bazanguka ye bankula ku mbasi mbanza ye banata nate ku monti wuna batungila mbanz' awu, mu sande banengumuna ku nsi. ³⁰ Kansi Yesu wulutila ga kati kibawu ye wuyenda. ³¹ Wukulumuka ku Kapenawumi, mbanza Ngalili. ³² wubalongedingi lumbu kisabala. Longi di Yesu dibazuba mudiambu n' gogu yani wuteba ye lulendu. ³³ Mukala mu nluka muntu yuna wukala ye mpefi yi nkuyu yimbi. wuboka mu ngolu! ³⁴ " Ah, nki wutuzoledi Yesu di Nazaleti? wisidi mu tugonda. nzeyi nge nani: Nlongu Nzambi. ³⁵ Yesu wuntuma mu lulendu:" kala pi, tuka mu yo muntu." ye bukabuisa yo muntu ga ntotu ga kati kibawu, nkuyu wutuka mu konda ku mpasi. ³⁶ Bakulu batekitila mu wonga, ye batedingi bankaka ku bankaka:" nki n' gogu wuna? wuta tuma mu lulendu ku mpefi zimbi, ye yitukidi." ³⁷ Ye wa kuakulu kumuangana mu bifulu biakulu bikiziunga. ³⁸ Mu nkatuka nluka, wukota mu nzo Simoni. nzitu Simoni wubeledingi bàwu, banlomba kaganga fi diambu ku yani. ³⁹ Wumvuetamana, wukula mu lulendu bàwu dinkatuka. muyina ntangu, wutelama ye yantika kubasadila. ⁴⁰ Ku ndimuka ntangu, bana bakulu babeledingi ntindu miakulu bimbefu banatina bawu. wubabuka mu ntululu koku ku mosi mosi ku bawu. ⁴¹ Minkuyu diaka mitukidingi muntalu neni mu mboka:" nge muana Nzambi." buna, wubatuma mu lulendu kabageni nsua mu goga ko, kadi babakisa nde Klisto. ⁴² Ntangu kudia, bazola nsimbinina mu bonga kukatuka ye bawu. ⁴³ Kansi wubatela:" mfueti zayisa diaka mbanza zinkaka nsamu wumboti wu kintinu ki Nzambi. mana yo fidusu." ⁴⁴ Ye wulongedingi mu nluka mi Yuda.