¹ Mu mvu kumi ye tanu mi Kayisala, Ponce Pilatu n' yadi ku Yuda, Elodi Tetalaki ku Ngalili, Filipo, mpangi yani Tetalaki di Ituli ye di Talakonitide, Lusiana Talaki di Abileni, ² Ye bana bantangu ngudi zinganga Ana ye Kayifa, n' gogu Nzambi wuyisa ku Yowani muana Zakaliya, mu nsi nkatu. ³ Wuyenda mu biziunga biakulu bi Yodani, mu samuna mbotokolo mpilulu madiela mutambula luloloko lu masumu. ⁴ Bonso mana masonama mu nkanda n' gogu mi Yesaya mbikudi: yina ndinga yita boka mu nsi nkatu: lukubika nzila Mfumu, lusungika nsoku miani. ⁵ Mabulu makulu si mazikama, monti ye binkundubulu zi bikuluka, nzila zi tekama si zisunguka, nzila zi matadi si zilengumuka, ⁶ Ye bakulu si bamona mpulusu Nzambi. ⁷ Yowani wutedingi ku kibuka kiyisidingi ku yani mu botama:" mpidi, nani lusongedi bue lutinina ngansi zi kuisa? ⁸ Lubuta mbutu mi kimbangi ki mpulusu benu ye kalukizayisi ku:" tuna ye Tata betu Abalayama, kadi yiluteledi mu matadi momoni, Nzambi lendedi tukisa bana ku Abalayami. ⁹ Ntama, kiubi kikubameni mu zenga mianzi minti, nti wakulu si kawubuta mbutu ku mimboti si wuzenguka ye tuba ku tiya." ¹⁰ Kibuka kiyufuedi Yowani:" bue tuganga?" ¹¹ Wubavutulla:" yuna vuidi binkutu biodi kagana yu kondedi biawu, ye yuna wuna ye kindia kagangila buawu." ¹² Mvakusi mi mpaku diaka bayisa botama ye bantela:" Mfumu, nkitulendi ganga?" ¹³ Wubatela:" kalulombi ku biyikamu ku bina kabitumunu ku mu nsiku." ¹⁴ Binuani bin' yufula:" mu betu, nki tuleganga?" wubatela:" kalukuati bima ku mu ngolu, kani bedisa muntu, ye lusadila kaka mfutu benu." ¹⁵ Bantu bavingidingi ye bakiyufuedingi keti Yowani kakala Klisto ko. ¹⁶ Yowani wuvutula ku bakulu:" ngita lubotikisa mu masa, kansi lueki, yu undutidi mu lulendu, ye kilekutula nsinga nsampatu zani ku. si kalubotika mu Mpefi yi Nlongo ye Tiya. ¹⁷ Go koku kuna ye pawu mu gangila full ye kutikila mbongu mu lundulu, kansi lunianga, si kayoka luawu mu tiya katuzima ku. ¹⁸ Yowani wusamuna nsamu wuna ye bunkabu bunkalutila. ¹⁹ Kansi Elode, Tetalaki, yuna kasembedingi mudiambu di Elodiadi, nkentu mpangi yani, mudiambu di mavanga makulu mambi kaganga, ²⁰ Wuyika diaka mankaka mambi, mana kakangila Yowani mu boloku. ²¹ Bukina nde bakulu babotama, Yesu diaka wu botama, ye ntangu kasambidingi, zulu dizibuka. ²² Ye Mpefi yi Nlongo yinkulumukina mu lunitu, bonso yembe. ye ndinga yituka mu zulu yita:" Muana munu wunzodi, mu ngeyi ntudidi kivuvu." ²³ Yesu, mu luyantiku luani, wukala tesu ki mvu makumatatu. wukala yuna bayinduedingi, muana Yosefi, muana Eliya, ²⁴ Muana Mata, muana Levi, muana Meleki, muana Yannayi, muana Yosefi, ²⁵ Muana Matatiasi, muana Amosi, muana Nalumi, muana Eseli, muana Nangayi. ²⁶ Muana Mayati, muana Matatiasi, muana Semeyini, muana Yoseki, muana Yoda. ²⁷ Muana Yowanani, muana Resa, muana Zorobabeli, muana Salatieli, muana Neri, ²⁸ Muana Meliki, muana Addi, muana Kosami, muana Elimadami, muana Er, ²⁹ Muana Yesu, muana Eliezer, muana Yorimi, muana Mattath, muana Levi, ³⁰ Muana Simeyoni, muana Yuda, muana Yonami, muana Eliakimi, ³¹ Muana Meleya, muana Menna,muana Nathami, muana Davidi, ³² Muana Josse, muana Yobedi, muana Boosi, muana Sala, muana Naassoni, ³³ Muana Aminadabi, muana Arni, muana Hesromi, muana Phares, muana Yuda, ³⁴ Muana Yakobi, muana Isaaki, muana Abalayama, muana Thara, muana Nahori, ³⁵ Muana Serouki, muana Ragau, muana Phaleki, muana Eber, muana Sala, ³⁶ Muana Kayinami, muana Harphazad, muana Sem, muana Nowa, muana Lamek, ³⁷ Muana Mathusalem, muana Henok, muana Yareth, muana Maleleel, muana Kayinami, ³⁸ Muana Enos, muana Seth, muana Adam, muana Nzambi.