¹ Muntangu yina, mu lutumu lu Kayisala Agustu lutangu lu bantu bakulu bana bakala kunsi luyalu lu besi Loma lugangama. ² Luna lutangu lunteti lukala muntangu Kiniukini kakala nyadi ku Silia. ³ Bakulu bayelengi mu kukisonikisa, konso muntu mu yani mbanza. ⁴ Yosefi diaka wu mata tuka Ngalili, mu kienda ku Yuda, ku mbanza Davidi babokedingi Betelemi; kadi wukala muesi nzo yi lubutu lu Davidi, ⁵ Mukue kisonikisa ye makangu mani Maliya, wukala lukawu. ⁶ Ntangu bakala kuna, ntangu kubuta yifuana. ⁷ Wubuta muana yakala, nsomi kazinga nledi ye kuntula mu kidikilu, kadi fulu ka kikala ko ku suku. ⁸ Mimvungi mikala mutini kina baledingi ku mfuta mu keba buka bibituisi. ⁹ Mbasi Mfumu yibamonikina ye nkembu Mfumu wubatentina; bakala bonga bumbidi. ¹⁰ Mbasi wubatela:( kalukadi bonga ko, kadi nsamu mboti yitaluzayisa, si wukala wu kiesi kineni ku nkangu wakulu. ¹¹ Lubutulu, wunu, mu mbanza Davidi, mvulusi Klisto, Mfumu. ¹² Lutala dimbu kiluganukini: si lusolula muana nsua butukidi zingulu minledi ye lambaledi mu kidikulu.) ¹³ Munkumbu mosi wukutakana ye mbasi, kabu dineni di mafunda ma binuani bizulu, basikidingi Nzambi ye ta: ¹⁴ ( nkembo ku Nzambi mu mazulu mazangama, ye ga ntotu, ngemba ku bantu bazolakana.) ¹⁶ Ntangu mbasi bakatuka mu vutuka kuzulu, mimvungi migogasana mosi ye wunkaka: ( tuenda kuetu ku Betelemi mu mona mana makumini, mana Mfumu katuzayikisi. ¹⁵ Bayenda munsualu mu kuenda kuna ku bamuena Maliya ye Yosefi ye diaka muana wunsua ledingi mu kidikilu. ¹⁷ Kunima mbueno mana, bazayisa ku bantu bana babatela mukuma ki muana yuna. ¹⁸ Bakulu babawa bayituka Mana mimvungi babateledingi. ¹⁹ Go ku Maliya, wu yinduedingi mu mambu mana makulu ye sosa nzila. ²⁰ Buna mimvungi bavutuka ye kembila Nzambi mu mana makulu bawa ye mona, mu fuanana mu mana matesuka. ²¹ Kilumbu kinana muana wu nsua wukota longu ye bangana nkumbu Yesu; yuna mbasi kabasonga nteti kabutuka. ²² Diaka ntangu bilumbu bimpeloso bilunga bonso nsiku mi Mose, Yosefi ye Maliya bakinata ku Yelusalemi mu kuntambika ku Mfumu. ²³ Landila mana masonama mu nsiku Mfumu. ²⁴ Batambika diaka nkayilu mafuku modi ma mayembi, bonso buna mu nsiku Mfumu. ²⁵ Nkiolu, gakala muntu ye nkumbu Simeyoni. yuna muntu wusungama ye ka nkua lusembu ku. ²⁶ wukingidingi mbombolu Mfumu ye Mpefi yi Nlongo yikala ku yani. Wuzayikusu mu Mpefi yi Nlongo kalefua ku nteti kakimueneni Mesiya wu Mfumu ku. ²⁷ Wuyisa ku tempelo mu lutumu lu Mpefi yi Nlongo, ye buna bibuti banata muana Yesu mu lungisa mana makala nsalulu nsiku; ²⁸ Buna Simeyoni wumbaka mu moku mani, wusakumuna Nzambi ye ta: ²⁹ ( bumbueni Mfumu, yambula kisadi kiaku kenda mu ngemba bonso n' gogu waku. ³⁰ Kadi mesu mamu mamueni mpulusu. ³¹ Yi wukubika ku ntuala nkangu. ³² Si kakala kia mu lusengomunu ku bampakanu, ye nkembu ku nkangu Isayeli.) ³³ Tata yani ye ngudi bayangalala mana batedingi ku muana. ³⁴ Simeyoni wu basakumuna ye ta ku ngudi yani:( yuna wuna gogoni mbuisi ye ntedimisi wu bantu bambidi mu Isayeli ye bonso dimbu sikitukisa mpimpita. ³⁵ Ye ngeyi mosi, sabala si kikutabula moyu, musa nde mabanza ma ntima bambidi mazayakana.) ³⁶ Gakala diaka mbikudi wu nkentu Ana, muana nkentu Panuedi, kanda di Asali. ³⁷ wukala ye mvu mitoma lambuka. kunima kazinga mvu nsambuadi ye yakala diyani tuka kindumba kiyani; Wukala fola ye kuna mvu lunana ye ya, kagalukidi tempelo ku ye kala mu lusambulu mpimpa ye muini mu mbinunu nsoki ye bisambu. ³⁸ Mu kintulumukina ki ntangu kiokini, wusanisina Nzambi ye gogila muana ku bana bakulu bakingidingi mvutululu Yelusalemi. ³⁹ Ntangu balungisa mana masonama mu nsiku Mfumu, bavutuka kuawu ku Nazaleti ku Ngalili. ⁴⁰ Muana wukuledingi ye kuna ngolu, wuteba nduka ye nlemvu wu Nzambi wukala yani. ⁴¹ Bibuti bi Yesu biyedingi mvu miakulu ku Yelusalemi mu nkinzi mampa. ⁴² Buka kuma mvu kumi ye miodi, banata bonso fu ku nkinzi. ⁴³ Buna ntangu bilumbu bisuka ye bavutukidingi, muana Yesu wusala ku Yelusalemi, kansi bibuti biyani ka bamona bawu ku. ⁴⁴ Mumayindu nde wukala ye bakundi bani ba nkangulu, baganga kilumbu kimvimba mu nzila nteti ban' sosa mukati kibibuti biyani ye bakundi. ⁴⁵ Bukabamona ku, bavutuka ku Yelusalemi mu kun' sosa. ⁴⁶ Ku ndungusulu bilumbu bitatu bamuena mu tempelo, yufonga ga kati ki bangudi zibantu, muku nua ye kundia biufu. ⁴⁷ Bakulu bana ban' widingi bayituka ngangu ziyani ye mvutu. ⁴⁸ Mukumona, bayituka ngolu ye ngudi yani wuntela:( muana munu, munki diambu wutugangidi buna? Tata ngeyi ye munu, tuta kusosa mu bunkuta ye zakama!) ⁴⁹ Wubatela:( munki diambu luta kunsosila, kaluzeyi ku nde mfueti sadila mambu ma see dimunu?) ⁵⁰ Kansi bazaya ku mana kabatela. ⁵¹ Buna bakulumuka mu kuenda ku Nazaleti, wubatumamana. ye ngudi yani wusimbidingi mana makulu mu ntima yani. ⁵² Yesu wukudidingi mu nduka, ntela ye nlemvu ga ntadisi Nzambi ye ntadisi bantu.