¹ Bankulu ba telema, ye ba nata Yezu ku twala Pilatu ² ba yantika muku m'funda nde, tu mwene muntu yoyo ta bendumuna bantu mu nuanisa makanda meto, ka ta Sima bantu ka ba futi ko mpaku ku César, ye ka ta ki kituka nde Christo, Ntinu. ³ Pilatu u n'yufula, bonso yebu, keti wuna Ntinu gu besi yuda ? Yezu u m'vutula, nge tedi mau. ⁴ Pilatu tedi ku mbuta zi nganga ye ku kibuka, ki ta mona diambu ko di fwene mu ku zengila nkanu ku muntu yoyo, ⁵ kansi ba tatamana, ye ba kesi zayisanga, yani ta bendumuna nkanga, mu longa muna yuda diakulu, tuka kuna galilea, kuka yantikila, na te ye kuku. ⁶ Mu ntangu Pilatu ka wa buna, u yufula keti yo muntu wene miesi galilea. ⁷ buka zaya nde mu luyalu lu Herode Kakala, unsindika ku Herode, gu kala mpi ku Yelusalemi muna bilumbu bina. ⁸ Muntangu Heroe ka mona Yezu, u mona kiese ki mfuana, kadi tuka ntama, u kesi wanga ba zayisingi mu diambu di yani, ye u kwikila nde sa ka sadila ndambu bi mangu. ⁹ u n'yufwele ngiufula zi zingi kansi Yezu kavutula kima ko. ¹⁰ Mbutu zi nganga ye n'soniki ba kala ba telema gana, ye ba kesi ku fundanga mu ki ngolo. ¹¹ Herode, ye makesa mani, ba n'lewula ye, bu baminisa muku seya ye ku vika kiyunga ki kesi semanga, u mvutula ku Pilatu. ¹² Herode ye Pilatu ba kuma ba kundi, kilumbu kina mu diambu ba mbeni ba kala. ¹³ Pilatu, bu ka kutakesa mbuta zi nganga, ma zuzi, ¹⁴ ye n'kangu, u ba telele, lu ndatina yo muntu u ta tuma besi nsi ba bendumuka, Ye tala yi n'didi biufu ga tuala'eno, ye ki mueni diambu di mosi nkutu ko di difwene mu ku zengila n'kanu mu mana beno luta ku m'fundila. ¹⁵ Herode mpi ka mueni kani di mosi mu mana beno luta ku m'fundila mu nzengolo yi lu fwa. buna, ngina ye yani ¹⁶ , ¹⁷ sa yi gana ndola ye kunima sa yi n'yambula, ¹⁸ kansi ba boka bakulu mu kimvuka, n'gondisa yo muntu, ye utu yambulula Barabbas. ¹⁹ Barabbas u kala muntu yu batula mu boloko mu ki kuma ki bendumuka yina yi kota mu mbanza yi fuila bantu. ²⁰ Pilatu u ba tela diaka mu nkumbu yi zole, mu lukanu lu ku yambula Yezu. ²¹ ye ba boka, u n'koma gana kulunsi ! u n'koma gana kulunsi ! ²² U ba teledi mu nkumbu yi tatu, nki mambi ka gengi ? ki mueni kima ku yani ko, ki ka fwete zengulua n'kanu lufwa. buna yi ta ku yambulula kunima go bakidi ndola. ²³ kansi ba tatamana mu ndinga ngolo, mu lomba ka n'koma gana kulunsi, ye ndingau yi nunga. ²⁴ Pilatu u zenga nde mana ba kesi lomba sa ma gangama, ²⁵ u yambula yu ba tuba muna boloko mu mbendumuka ye yu n'gonda bantu, bonso ba kesi lombanga. Ye u n'yekula Yezu mu lozolu luau ²⁶ Muntangu yi ba natengi Yezu, ba baka muntu mosi nkumbu'ani Simoni muesi cyrene, u tuka ku maya, ye ba gana kulunsi muku sa nde ka nata diau ku nima Yezu. ²⁷ Ba'n lendengi ku kibuka ki nene ki bantu ye ba nkentu bana ba kesi bundanga ntulu ye ba mweningi kiadi mu yani. ²⁸ Yezu u baluka ku bau, tedi " zi ndona zi Yelusalemi, ka ludidi mudiambu di mono ko, kansi ludila mudiambu beno kimosi ye mudiambu di bana beno. ²⁹ Kadi tala, bilumbu bi ta kwisa bi sa ba zayisa, kiesi ku kwa bisita, kiesi ku bi vumu bina kani bi buteti ko, ye mabenu mana kani ma yemika ko! ³⁰ buna sa ba zayisa ku mi mongo, lutu buila ! ye ku mongo mi nda, lutu sueka ! ³¹ kadi, go bata ganga mama mpila yoyo ku nti masa, bueye sa bu kadila ku nti gu yuma? ³² Ba kesi natanga muna ntangu yina bingumba biole, bi fweti fwa ye Yezu. ³³ Muntangu ba kuma gana kifulu ba bokilanga nde kigolongoso, ban n'kuma kuna ye bingumba biole, yu u mosi ku koko ku yakala, yu u n'kaka ku koko ku lumonso. ³⁴ Yezu tedi, Tata, u ba lemvukila, kadi kaba zeyi ko ma bata ganga. Ba kabasana mvutu miani, mu ku bula mbesi. ³⁵ Bantu ba kala ba telema gana, ye ba kesi talanga ba zuzi ba kesi ku seyanga mu ku zayisa nde, wu gulusa ba n'kaka, go wena Mesia, yu usolua kua Nzambi ka kigulusa yani mosi. ³⁶ ma soda mpi ma kesi ki seyanga, ba finama ye u gana vinu di nkadi, ³⁷ ba kesi goganga : go wena Ntinu yu ba Yuda, uki gulusa nge mosi, ³⁸ gana ntandu ntu'ani gakala bisono bi sonama nde: YUYU WUNA NTINU U BESI YUDA. ³⁹ Yu mosi gana gena bingumba u kala u koma gana kulunsi u n'legula, mu goga. nge kuna Christu kue ? u ki gulusa nge mosi, ye u tu gulusa. ⁴⁰ kansi yu u n'kaka u vutula ye tedi, nge ku ta tita Nzambi kue ? nge bakidi ndola mosi ye yani ? ⁴¹ ku beto bunina bu fwana, kadi tu tambuedi n'futu wu mambi meto, kansi yani ka gengi diambu dimbi ko. ⁴² ye tedi ku Yezu, unsungimina, bu sa u vutuka muna kimfumu kiaku, ⁴³ Yezu u vutula, ita dio ku tela mu makiedika, lelo kiki sa u kala ye mono muna paladisu ⁴⁴ Bu ki kala kitesu ki ntangu sambanu, ye mpimpa ibwa ga ntoto gu m'vimba wakulu na te ye kuna ntangu vua, ⁴⁵ ntangu yi dimuka, ye nlele u tempelo u pasuka gana kati kati ⁴⁶ Yezu u boka mu ndinga ngolo : Tata, m'vuetuedi moyo'ami gana moko maku. bu ka zayisa buna uvua. ⁴⁷ Mbuta makesa, bukamona mana ma bwa, u kembila Nzambi ye tedi, kieleka, yo muntu gu kesi u masongo. ⁴⁸ ye bantu bankulu ba kesi talanga nkomona Yezu gana kulunsi, kunima bu ba mona mana ma bwa, ba vutuka, ba kesi ku ki bundanga ntulu. ⁴⁹ Ba nduku ba Yezu bankulu, ye bana ba nkentu bana n'balanda tuka kuna galilea, ba telema ku nda ye ba kesi talanga mo mambu mpila ma kesi lutilanga. ⁵⁰ Tala, ga kala muntu mosi uvua zina di yosefu, muntu mbote ye u masonga, ⁵¹ yani kayangalala ko mu nzengolo ye mavanga ma bantu ba n'kaka, gu kala muesi Arimathee, mu mbanza yi ba Yuda, ye u kesi kingilanga kimfumu ki Nzambi. ⁵² Yo muntu u yenda ku na Pilatu, ye u lomba nitu Yezu. ⁵³ u kulumuna yau gana kulunsi, u kanga yau ye n'lele, ye u sikula yau muna ntoni yi matadi ba gala, mu kani ka ku ziamineti muntu ko. ⁵⁴ Kikala kilumbu ki ku kubama, ye sabato di zola yantika, ⁵⁵ ba n'kento bana ba tuka ku Galilea ye Yezu bana ba ye fila Yosefu, ba mona ntoni ye nitu Yezu bonso ba kesi sikulanga yau, ⁵⁶ ye buba vutuka, ba yidika ma aromati ye malasi ma nsunga. ye ba vunda mu kilumbu ki sabato, bonso bu tumini n'siku.¡