¹ Nkinsi mampa ma lafuka, gu babokidilanga nde paki, ufinama. ² mbuta zi nganga ye n'soniki ba kesi sosanga nzila mu ku n'gonda Yezu, kansi ba kesi monanga bonga ku n'kangu. ³ satana ukota ku yuda iscariot, y'u mosi mu kumi ye bole. ⁴ yuda uyenda wisana ye mbuta zi nganga ye zi Mfumu zi masoda, mu kuba songila mpila yi si kaba n'yekudila ⁵ Ba yangalala, ye ba wisana mu ku n'gana mbongo. ⁶ u ntambudila ye u bangika mu ku sosa mpuasika yi mbote mu ku ba n'yekudila Yezu konda ku sisonga ku bantu. ⁷ Kilumbu ki mampa malafuka, kina nga ba fwete gonda meme, bu ki fwana. ⁸ Yezu u fudisa petelo ye yoani, mu ku zayisa, nda lwenda lue tu yidikila n'kinsi paki, mu kusa nde tu dia wau. ⁹ Ba n'yufula, kueyi zolele twe go yidikila? ¹⁰ U ba tela, tala, mu ntangu sa lu kota kuna mbanza, sa lukutana ye muntu mosi u nata n'kalu masa, lu landa kuna nzo'ani mu sa nde mu si ko kota, ¹¹ ye lu samuna ku mpati nzo, Mfumu lumbele a kwe dina suku dina si ka dina n'kinsi paki ye n'longoki miani ? ¹² sa kalu songila suku di nene di zulu, diena di lunga mu biakulu. yi kuna ku sa lu yidikila n'kinsi paki. ¹³ Ba yenda, ye ba mona mambu makulu bonso buna kaba tela ye ba yidika paki. ¹⁴ Ntangu bu yi fwana, u fonga gana mesa ki mvuka ye ba ntumwa, ¹⁵ u ba tela : ta nzola kibeni i dia di paki ye beno, tekila yi mona mpasi, ¹⁶ kadi ilu tela dio, sa ki dia dio diaka ko, na te ye kuna si ma lungena muna kimfumu ki Nzambi. ¹⁷ ye, Yezu buka bonga mbungu ye u vutula matondo, samuene : " lubaka yo mbungu, ye lu kabana yo gana kati ki beno, ¹⁸ kadi, ilu tela, sa ki n'wa diaka ko tuka gunu ma bundu ma vinu na te kimfumu ki Nzambi kina kwisa. ¹⁹ ye u baka dimpa ye buka vutula matondo, u bukuna diau ye u ba gana diau, mu ku samuna : " yiyi yi nitu'ami yi yi gana ku beno. Lu ganga bobo mu ku ngindudila. ²⁰ U baka diaka mbungu, kunima madia, ye u ba gana yo, muku samuna, mbungu yiyi yi kangu dimpa mu menga mami ma bungukidi mu ki kuma ki beno. ²¹ Kansi tala, koko ku muntu gu uta ku n'yekudila kweno kitwandi ye mono go mesa momo. ²² Muana muntu ta kuenda bonso buna nsilulu, kansi kiadi ku muntu yuna gu yekuela ! ²³ ye ba yantika mu kuki yufula bau ye bau nani yuna gana kati ki beto yu sa ka sala mana. ²⁴ ga tuka diaka mpaka bau ye bau keti nani gana kati ki bau sundidi mu monika bonso mbuta mu bau, ²⁵ u ba tela, " mi ntinu mi makanda mi kuba tuminanga ye bantu bana batumanga ba bokilanga nde ba n'sadi mambote. ²⁶ Ka bukadi bu mosi ko mu beno, kansi yu wena u nene mu beno ka kala bonso n'leki, ye yu wena m'funu mbidi ka kala bonso yuna u ta tambika, ²⁷ kadi nani wena gu nene, yuna wena gana mesa evo yu u ta tambika ? ka yani ko yu wena gana mesa ? buna mono, bu bueni, kiena gana kati ki beno bonso yuna u ta tambika. ²⁸ Beno luena ba basiamini ye mono mu zi m'vita zami ²⁹ ye mudina mono m'vundi kimfumu mu diambu di beno, bonso Se diamo ka ngana. ³⁰ Muku sa nde lu dia ye lu n'wa gana mesa mani mu kimfumu nkiami, ye lukala ba fuanda gana bi kunda mu zonzisa makanda kumi ye mole ma Israël. ³¹ Mfumu u samuna : " Simoni, Simoni, satana u ta ku lomba mu ku sesa muna kiyungulu ³² kansi mono iku sambidi, kimana minu kiaku ka kividi ko. kunima, mu ntangu sa u viluka, siamisa minu zi mpangi zaku. ³³ Petelo u n'tela : " Mfumu, ngina wa kubama mu kuenda ye ngeyi ku nzo nkodi ye ku lufwa. " ³⁴ ye Yezu u n'tela, petelo, ita dio ku n'tela, nsusu koko sa kayi kokila ko Lelo sa u nsila n'kalu mi n'tatu nde ku nzeyi ko ". ³⁵ U ba telele diaka, mu ntangu yi lusindika ka lunati ko, mpakala, kani nkutu ye kani nsampatu, keti kima ki lu konda ? ba vutula, nkatu ³⁶ ye u ba telele, kansi bu ngangi, yu wena ye mpakala ka nata, ye yu wena ye nkutu ka nata yo mpi, yu wu kena ye mbele lulewo ko ka teka m'vuatu miani ye ka sumba mbele lulewo. ³⁷ Kadi, yi lutela dio, bu fweni nde mo mambu masonama ku mono ma fwete lungala, " n'ba n'tula muna ndonga yi mi n'sadi mi mbi , ye ku mana ma n'tadidi ma ta kwisa muku lungana," ³⁸ ba goga, Mfumu, tala mbele lulewo zi zole, ye u ba tela, zi fwene. ³⁹ Kunima bu ka tuka, Yezu u yenda, bonso buenina ki kadulu kiani, kuna mongo Olivier ye n'longoki miani mi landa, ⁴⁰ muntangu ka kuma gana kifulu kina, u ba tela : lusambila mpasi nde ka lubwe ku mu mpukumuni. ⁴¹ buna u galuka ku bau kiteso bonso ki ba lendele geta tadi, ye u fukama, u sambila, ⁴² mu zayisa, Tata, go zolele bo, u ngengudila yo mbungu, kansi, ka mu luzolo luameko, kansi lu lungeye. ⁴³ Buna wanzio u monikina kuna zulu, muku nsiamisa ⁴⁴ Bu kakala mu wonga ku kuingi, u kesi sambilanga mu ntangu zi mbidi, ye kiufuta kiani ki kuma bonso matadi ma menga ma kesi nokanga gana n'toto. ⁴⁵ Buka manisa mu ku sambila, u telema, ye wisidi ku mi n'longoki ka wana ba tonsa mu kiadi, ⁴⁶ ye u ba tela, mu diambu di nki lu ta tonsa ? luvumbuka ye lusambila, mpasi ka lu bwe mu mpukumunu ko ⁴⁷ Bu Kakala mu goga, tala, kibuka kiyisa ye yuda, u mosi gana kati ki kumu ye bole, ukala kuna n'twala kibuka. U finama kuna Yezu, mu kingana mbote bundi, ⁴⁸ kansi Yezu u n'tela, yuda keti mu mbote yi bundi yi ta n'yekulula Muana muntu ? ⁴⁹ Muntangu bana ba kala muna kinzuingila ki Yezu, ba mona mana maluta, ba samuene : " Mfumu, tu zuba mu mbele lulewo ? ⁵⁰ ye u mosi mu bau u zuba ki sadi ki mbuta nganga, ye gu zenga kutu di kiyakala. ⁵¹ Yezu u baka gogo, tedi, luyambula, luyambula ! ye, u baka kutu di muntu yuna, ubelusa dio. ⁵² Yezu tedi butusidi ku mbuta zi nganga, ku mfumu zi ma soda zi talanga Tempelo ye ku mbuta zi bantu, ba yisa ku yani, luisidi bonso ku ki kimpumbulu, ye tu lego ye bibota ? ⁵³ i kesi bilumbu biakulu ye beno muna Tempelo, ye ka lu n'kanga ko. kansi yi yoyo ntangu'eno ye yi luyalu lu mpimpa. ⁵⁴ Kunima buba kanga Yezu, ban nata, ye ba n'kotisa muna nzo yi mbuta nganga. Petelo u kesi ku n'landanga lunima lunima mu kiteso ki nda. ⁵⁵ Ba lunga ziku di tiya gana kati kati ki kibansala, ye ba fonga mu kimvuaka ye petelo u vuanda gana kati ki bau. ⁵⁶ Ki sadi ki mosi ki nketo, wu mona vuendingi gana ziku di tiya, u ntadidila kuna luse, ye tedi, yo muntu u kesi mpi ye yani, ⁵⁷ kansi u tuna mu ku zayisa, " muana nketo, ki n'zeyi ko " ⁵⁸ kunima fi ntangu, muntu n'kaka bu ka mona, tedi, ngeyi mpi wena muntu bau, ye petelo tedi, eh nge muntu yo, mono kiena ye bau ko. ⁵⁹ Kiteso ki ntangu mosi bu ki luta, yu n'kaka u nikisina mu ku zayisa, makieleka kibeni, yo muntu u kesi mpi ye yani, kadi wena muesi galilia, ⁶⁰ petelo u vutula : nge muntu yo, kita ku bakisa ko keti nki mambu uta zola samuna. Muna ntangu yina, buka kala mu ku goga, nsusu yi koko yi kokila. ⁶¹ Mfumu, u baluka, u tala petelo, buna petelo u bambuka mbundu mu gogo Mfumu gu ka zayisa nde, nsusu koko buna kani ka yi kokila ko Lelo kiki, sa u nsila n'kalu nkumbu tatu, ⁶² ye buka tuka, u ki gonda mu ku dila ⁶³ Bantu ba kesi langidilanga Yezu ba n'seyelengi, ye ban zubidingi, ⁶⁴ ba n'kika luse, ye ba n'yufula, mu ku zayisa, bikula keti nani uku zubidi ? ⁶⁵ ba kesi toma ku n'legulanga mu vueza Nzambi. ⁶⁶ Kuma bu ki Kia, kimvuka ki mbuta zi n'kangu, zi mbuta zi nganga ye n'soniki ba kutakana. Ba nata Yezu ku lukutakanu luau, ⁶⁷ ba samuna, go wena Christo, utu tela : kansi uba vutula, " go ilu telele diau, sa kalu kwikila ko, ⁶⁸ ye, go ilu yufwele, saka lu ngana mvutu ko. ⁶⁹ Tu ka bubu muana muntu sa ka vwanda kuna koko ku lu lendo lu Nzambi. ⁷⁰ Bankulu ba samuna, buna ngeye wena muana Nzambi ? ye uba vutula , ma lutedi, ngina muana Nzambi. ⁷¹ Buna ba samuna, nki m'funu diaka gu kimbangi ? tu widi mau beto ba mosi muna nwani.