¹ Yezu, buka vumbula meso, u mona zi m'vuama zi kesi gananga makabu muna kitunga. ² U mona diaka kwidi mosi, u gana muna kitunga makuta mole. ³ Ye tedi, mukieleke i tadio lutela, yo kwidi yo gu mputu tomene gana kuluta ba n'kaka. ⁴ Bantu bankulu kuna, ba bongedi bima bi konda m'funu mu ku gana makabu. kansi kwidi yuyu, Tudidi bi kena ye biau n'funu, biakulu bi ka kesi ye biau mu ku zingila. ⁵ Buna ba n'kaka ba kesi goganga mu diambu di tempelo nde, bue ba lengila diau mu matadi ma pwena pwena ye makabu, u zayisa. ⁶ Mu bima biluta mona, mu bilumbu si bisa biena vo, si ka ku saladiaka tadi gana ntandu tadi di si di konda kindumuka. ⁷ Ban n'yufula: N'longi, mu nki ntangu mambu mana sa ma gangama? ye mu nki bidimbu mo mambu sa ma gangamana? ⁸ Yezu u vutula, lukeba ka luki yambumunako. kadi ba bengi sa besa mu nkumbu mono, mu samuna, yi mono, ye ntangu yi finamene. ka luba landi ko. ⁹ Mu ntangu yi sa lu wa nde ba ta gogila mambu ma zi m'vita ye mbendumuka, ka lu titako, kadi bu fwene nde mana makuma ma bwa ntete-ntete, kansi nsukulu sa kayisa muna ntangu yina ko. ¹⁰ Buna u ba zayisa : nsi ye nsi sa zi nuana, ye kimfumu ye kimfumu. ¹¹ Sa ku kala nzakama zi nene zi ntoto, ye muna bifulu bi mbidi, malama ye bimbefo bi nsambukila. Sa ku kala mambu ma ntitisa, ye bi dimbu bi nene ku zulu. ¹² Kansi ku n'twala mana makulu, sa ba lu zuba, sa ba lu bangika, sa ba lu yekula kuna nzo zi bisambu, sa ba lu tuba mu nzo nkodi, sa ba lu nata ku twala mi ntinu ye ku twala mi n'yadi nsi, mu kuma ki nkumbu'amo. ¹³ Mana sa ma lu gana kinsunsa ki kimbangi. ¹⁴ Buna lukatula kani dieno muna mbundu nde si lu kitanani, ¹⁵ kadi ba mbeni beno bankulu sa ka lenda ku lununga ko evo ku lu bwisa ¹⁶ Kansi sa ba lu n'yekula kani ku mase meno ye ngudi zeno, ku mpangi zeno zi ma yakala, ku ba mfilangana zeno ye ku ba kundi beno, ye sa ba gondisa bantu ba mbindi ba beno. ¹⁷ Bankulu sa ba lu menga mu kikuma ki nkumbu'amo, ¹⁸ kansi kani lusuki lu mosi gana n'tu mieno sa ka lu katuka ko. ¹⁹ Muna lusiamusu lueno mu sa luvukisila mioyo mieno. ²⁰ Muntangu sa lumona Yelusalemi di zungamene ku ba mbulu-mbulu, lu zaya nde ntangu lufwasu luani yi finamene. ²¹ Buna ba sa ba kala ku yudea ba lemuka muna miongo, ba sa ba kala muna ma ya kaba vutuka ko ku mbanza, ²² kadi sa bi kala bi lumbu bi ndanda mbela, mu dedikisa mana makulu ma sonama. ²³ Kiadi ku ba kento ba sa ba kala ye vumu ye ku bana sa ba kala mu yemika bana muna bilumbu bina ! kadi sa ku kala kibeni kusukama ku nene muna nsi ye ngansi ku n'kangu gogo. ²⁴ Sa ba bwa ku nsi malu maba mpani, na te ye kuna ntangu yi mi mpani yina fwana ²⁵ Sa ku Monika bi dimbu muna ntangu, muna ngonda ye muna bwetete ye gana ntoto, sa ku kala kinzomba ku makanda mana, sa ka ba zaya ko mana ba fwete ganga mu mazu ma m'bu ye ndikunu zi ma wuku. ²⁶ Bantu sa ba vutula moyo mu bu nkuta mu, m'vingulu yi mana sa mesa ga ntoto kadi lulendo lu ngolo zi zulu sa lu nikuka. ²⁷ Buna sa tu mona muana muntu mu kwisa muna ma tuti mu lulendo ye nkembo wu nene. ²⁸ Muntangu mo mambu sa mayantika muku monika, lutongama ye luvumbula n'tu mieno, mu diambu lugulukulu lweno lufinamene. ²⁹ Yezu uba zayisa kingana, lutala nti mungiengi ye nti mina miakulu. ³⁰ Muntangu mi yantikidi mu ku fula, lu kizayidi beno mosi, muku tala, nde nsungi mbangala yi fwene. ³¹ Yi bwa buna, mu ntangu sa lumona mo mambu ma kumini, luzaya nde kimfumu ki Nzambi qui finamene. ³² Mu kieleka i ta dio lutela, n'kumbu gogo sa ka guki lutila ko nde mana makulu ka ma monekene ko. ³³ Zulu ye n'toto sa bi luta, kansi n'gogo Miamo sa kami lutako. ³⁴ Lu kikeba kweno, kimana ntima mieno ka mitatamana mu ndilu yi m'biki ko ye ndwilu, ye mu ma yindu ma luzingu, ye muku sa nde kio kilumbu kaki lu kumina mu kintulumukina ko. ³⁵ Bonso mwifi kadi sa kesa bonso kondi ku bantu bankulu ba zingilanga ga luse lu ntoto wakulu. ³⁶ Lu kikenga ye lusambila ntangu zakulu, mpasi vo lu vua ngolo zi ku tinini mu mambu momo makulu bu sa mesa, ye mu kala wa telema ku twala muana muntu ³⁷ I dina, muntangu bilumbu bina Yezu ka kesi longanga, u kesi kuendanga mu mpimba ku mongo ba zayisa nde mongo olive, bantu bankulu, ³⁸ ba kesi kwisanga mu suika-suika kibeni ku yani muna Tempelo mu ku n'wa.