¹ kilumbu ki ntete ki lumingu, ba yenda kuna matumbela muna kati kisuika, ba nata ma aromate mana ba yidika. ² Ba mona nde tadi, dikala di nengomoka ku twala matumbela, ³ bu ba kota, ka ba mona ko nitu Mfumu Yezu. ⁴ Buna muntangu ka ba kesi zayanga ko keti bueyi ba lendele ganga, tala, bantu bole ba bamonikina, mu m'vuatu mi mpembe. ⁵ ba nkento ba bwa mu kutitu, ba vitika ntu mu nsi, buna baba tela, mudiambu di nki lu ta sosila mu kati ki fwa yu wuna kimoyo ? ⁶ kena kuku ko, kansi u futumukini, lu bambuka keti bue ka lutela, muntangu ka kala diaka kuna Galilea, ⁷ ye u kesi zayisanga, bu fwene nde muana muntu ka yekuka ku moko ma ba n'sumuki, ka komama gana kulunsi, ye ka futumuka mu kilumbu ki n'tatu " ⁸ Ba nkento ba bambuka mbundu mu bi gogo bina, ye ba tuka muna ntoni ; ⁹ ba muangisa nsangu zina zakulu ku Kuni ye mosi, ye ku bantu ba n'kaka bankulu. ¹⁰ Bo baye zayisa mo mambu ku zi ntumua ba kala Madiya yu magdala, Jeanne, Madiya ngudi wu Jacques, ye ba nkento ba n'kaka ba kala ye bau. ¹¹ kansi zo nsangu ku bau si kala bonso mambu mampamba ye kaba kwikila ba nkento ko, ¹² kansi Petelo u telema, ye u lemuka mu ntinu kuna ntoni, buka vitama, u mona yani mosi bi temba bi n'lele. Petelo u vutukisa kuna nzo'andi, u kesi ku kiyufulanga mu mana ma kuma. ¹³ Ye tala, muna kilumbu kina, n'longoki miole mi kesi kuendanga ku mbanza mosi ba bokilanga nde Emmaüs dina ku nda ye Yelusalemi kiteso ki ntangu zole mu kuenda mu malu, ¹⁴ ye ba kesi yambilanga mu mana makulu ma bwa. ¹⁵ Buna muntangu ba kesi goganga ye ba sisenengi mpaka, Yezu yani mosi u finama ye u ki kotisa muna ndong'au ye ba kesi kuendanga ye bau ¹⁶ kansi meso mau ka ma lenda ko mu ku m'bakisa. ¹⁷ Yezu u ba teladi : nki mambu mo luta kwe yambila mo nzila ? mana malugeni kibeni beno kulu kiadi. ¹⁸ Yu mosi mu bau, ba bokilanga cleopas, u vutudila, keti wena kaka ngeye mosi mu mbanza Yelusalemi yu ka widi ko mambu ma bwidi mo bilumbu bibi ? ¹⁹ nki mambu ? Yezu u ba yufula. ye ban n'tela, mana makuma mu diambudi Yezu muesi Nazareth, yu u kesi Ngunsa ngolo mu bisalu ye mu n'gogo ku twala Nzambi ye ku twala bantu bankulu, ²⁰ ye bweyi ba mbuta zi nganga ye ba zuzi beto ba n'yekula mu ku n'zengila n'kanu lufwa ye ba n'komisa gana kulunsi. ²¹ Beto tu kesi sa kivuvu, nde yani sa ka gulusa Israël, tala kilumbu ki n'tatu tuka mo mambu ma gangamene. ²² kansi diaka ndambu ba nkento mu kati ki beto ba tomene kutu yitukisa, bu bedingi mu kati ki suika ku na ntoni, ²³ ka ba mueni nitu'ani ko, besedi kutu zayisa nde ba wonzio ba bamonekeni ye ba bazayi nde wena moyo ²⁴ Bantu bankaka bana ba kesi ye beto belenge kuna ntoni, ye ba mueni makulu bonso ba kento ba zayisa, kansi yani, ka ba mueni ko. ²⁵ Buna Yesu u ba teledi, o bantu ba konda ngangu, ye bena mbundu yi nkufi mu kwikila mambu makulu ba ngunsa ba samuna ! ²⁶ keti ka bu fwana ko nde kristo kamona ntete mpasi mu mambu momo, ye kota muna nkembo'ani ? ²⁷ ye, yantika tuka kuna Mose ye ngunsa zakulu, u ba sasila mu masonukua makulu, mu mana ma ba tadila. ²⁸ Muntangu ba finama lukufi ye mbanza yina ba kesi kuendanga, bazola benda ku nda. ²⁹ kansi ba finama mu sualu, mu ku zayisa, kala yeto, mudiambu kuma kuyididi ye mpimpa si yi bwa. ³⁰ buna, muntangu ba kala gana mesa ye bau, bakidi dimpa ; ye muntangu ka vutula matondo, u bukuna dio, ye u ba gana, ³¹ buna meso mau ma zibuka ye ban bakisa, kansi yani u vila ku meso mau, ³² ye ba kesi gogosananga yu mosi ye ku yu n'kaka, mbungu zeto ka zi kesi lemina ko muna kati kieto, muntangu ka kesi kutu gogisanga mu nzila ye kutu sasila masonama ? ³³ Bu ba vumbuka mu kati ki suika, ba vutukisa ku Yelusalemi, ye ba kuta kumi ye mosi, ye bantu ba kala gana kimvuaka ye bau, ³⁴ ye ba goga, Mfumu wena kibeni gu fuluka ye u ki songese ku Simoni, ³⁵ ye ba yisaza mana ba mona mu nzila, ye bweyi ba yisi kumbakisa muntangu yi ka bukuna dimpa. ³⁶ Bu bakala muku gogila mu mambu momo, Yezu yandi mosi u ki songisa gana kati ki bau, ye u ba teledi, yenge ki kala ye beno ! ³⁷ kansi ba bwa manzakama ye bu nkuta, ba yindula nde ba mueni mpeve. ³⁸ Yezu u ba teledi, mu diambu nki luna bonga ye ma banza ma mpila yoyo muna ntima mieno ? ³⁹ lutala moko mami ye malu mami, i mono kibeni lu n'simba ye lutala, mpeve ka yi vuidi suni ko evo kiyisi, bonso lutamona bingina ye biau, ⁴⁰ ye bu ka n'gogo mana, u ba songa moko mami ye malu mami ⁴¹ Ye buna, muna kiesi kiau, ka ba kesi kwikilanga nkutu ko, ye ba kesi yituka, u ba tela, keti lu vwidi gogo kima ki ku dia ? ⁴² ba n'tambika mbisi masa yi yoko ye kisansala kimosi ki mbuiki, ⁴³ Yezu u baka biau, ye u dia gana meso mau. ⁴⁴ U ba tela, imana ma i kesi ku lu telanga muntangu yina ikala ye beno, i lu tela nde bu fwene nde ma lunga mana makulu ma sonama mu zina diamo mu n'siku Mose, mu ba ngunsa, ye mi nkunga mi David. ⁴⁵ Buna u ba zibula mpeve, mu kusa nde ba bakisa masonama ma n'longo, ⁴⁶ ye uba tela, bonso buna bu sonama nde Kristo sa ka mona mpasi, ye sa ka futumuka ku ba fwa mu kilumbu ki n'tatu, ⁴⁷ evo mpindulu a mbundu ye ndoluka yi masumu sa bi longua mu nkumbu'ami mu makanda makulu, yantikila ku Yelusalemi. ⁴⁸ Beno luna ba mbangi ba mambu momo ⁴⁹ ye tala, sa i fidisa ku beno mana kalusila tat'amo, kansi beno, lu kala kaka kuna mbanza na te ye kuna sa lutambula ngolo zi zulu. ⁵⁰ Buna Yezu u ba nate na te ye kuna lueka lu Béthanie buka zangula moko, u ba sakumuna. ⁵¹ Muntangu ka kesi ku ba sakumunanga, u gambana y'au, ye uzanguka kuna zulu. ⁵² Ba gana nzitusu, ye ba vutukisa kuna Yelusalemi ye kiese ki kingi, ⁵³ ye bakesingi ntangu zankulu muna Tempelo, mu kembila Nzambi