¹ Yezu bu ka kesi lutanga, ukota ku Jerico. ² Ye tala, gana bakala muntu mosi , zina diana Zakayi, yani ukala mfumu mi-n'tambudi mpaku ³ U kiesi sosanga ka mona Yezu, kansi kalendako mu ku mona mu diambudi kibuka, kadi n'telani ukala unkufi. ⁴ U dikumuka kuna twala, ye u mata muna nti sycomore kilumana kan mona, mu diambu uzaya nde Yezu ka fwete lutila gana. ⁵ Muntangu Yezu ka kuma gana kifulu kina, u tala kuna zulu ye gu n'tela, " Zakayi, kulumuku musualu, kadi mono fwete nkota lelo muna nzo'aku. ⁶ U nsualuka mu kulumuka, ye wu yamba ye kiesi. ⁷ Buba mona buna, bankulu ba kesi bukutanga ye ba kesi samunanga, " wedi mukwe tala n'sumuki. ⁸ Zakayi, u telama gana twala Mfumu, ye uzayisa, tala Mfumu, ngeni ku zi mputu kibuka Kati ki m'vuilu'ami, ye go mambu mambi yi ganga ku muntu, sa i m'vutula mvutula n'ya. ⁹ Yezu untela, " lelo kiki lugulusu lukotedi mu nzo yayi, mudiambu yani mpi wena mwana gu Abraham ¹⁰ Kadi muana muntu u yisa mu Sosa ye gulusa ba vila. ¹¹ Bu ba kesi wanga mambu momo, ufula mu ku goga ye uzayisa kingana ki mosi mu diambudi ukala lukifi ye Yelusalemi, ye ba kuikidingi nde kimfumu ki Nzambi si ki kulumuka muna ntangu yina. ¹² Buna uzayisa, muntu mosi unsuasani uyenda ku nsi yi ntama, mukusande ba ntumba kimfumu ki ntinu, ¹³ U ntela mbila ku kumi diani di bisadi, uba gana ma talanta komi, ye uba ntela, lubitisa zau na te ye kuna sa yi vutuka. ¹⁴ Kansi besi nsi kaba zolele ko, ye ba kesi fidisanga kunima yani bantu mu kuzayisa nde, katu zolele ko yo muntu ka yala mu beto. ¹⁵ Mu m'vutukulu andi u m,vuata ki ntinu; kunima ka m,vuata ki mfumu ki ntinu, u bokisa bi n'sadi bi ka gana mbongo, mu kuzayisa nde ba songa bueyi muntu muntu ka bakidi n'luta mu nsalulu yi bisalu biani. ¹⁶ Yu u nteti uyisa ku n'twala andi ye usamuna : " Mfumu, talanta diami di butidi talanta komi gana zulu. ¹⁷ Muntu nsuasani u ntele: bu mbote, kisadi ki mbote mu diambu ukesi gu kwikama mu mambu ma ndwelo sa uyala kumi di mbanza. ¹⁸ Yu u zole wu yisa ye zayisi : " Mfumu, ntalanta diaku di butudi talanta tanu. ¹⁹ Muntu nsuasani u ntela, " yala tanu di mbanza. ²⁰ Ye yu unkaka wu yisa, muku zayisa " Mfumu, tala talanta diaku, di yi zinga gana kitendi ki n'ledi. ²¹ Kadi yi kala ye bonga ku ngeyi, mudiambu nzeyi nde wena muntu gu wena ye mambu ma ngolo. Gu bakanga bina ku tutudi ko, ye gu vuzanga bina ku Kuni ko. ²² Muntu u nsuasani u ntela, " i ta ku zengila nkanu mu bi gogo biaku, n'sadi mbi, uzaya nde mono ngina muntu wena ye mambu ma ngolo, u bakanga bina kisidi ko, u yonzikanga bina ki kuniniko. ²³ Mu diambu nki ku tulaku mbongo zami kuna kilundulu ki mbongo mu ku sa nde mu mvutukulu'ami yi bonga zau ye luta? ²⁴ Buna muntu nsuasani uzayisa ku bau ba kala gana, lu kiona ntalanta, ye lugana biau ku yani wena ye mantalata kumi. ²⁵ Ban' zayisa, " Mfumu, wuna ye talanta kumi " ²⁶ I ta dio lutela, si ba gana ku yani wena, kansi ku yani ka mvuidi ko si n'ba katula kani ki kena ye kiau. ²⁷ Butusidi, lundatina go kifulu kiokio zi mbeni yenu zina kazi kesi zolaku yi yala mu bau, ye luba n'gonda ga twalami. ²⁸ Muntangu ka manisa mu gogo mambu momo, Yezu gu ntekila ku twala kibuka, mu tumbuka ku Yelusalemi. ²⁹ Bu kikala vo muntangu ka kesi finamanga ku Bethphage ye ku Betania, muna mongo ba bokilanga nde olive, u tuma bole di n'longoki miani. ³⁰ Mu ku bayisa: nda luenda kuna gata di dilendi. Muntangu sa lukota kuna, sa lumona muana mpunda yi yena nde kani muntu mosi kani ka sa yo manta ko, lukutula yau, ye lu ndatina yau. ³¹ Go muntu gu luyufwele, mu diambu di nki luta kutula yau? luntela, Mfumu wena ye yau m'funu. ³² Bantu bana batuma ba yenda, ye ba mona mambu bonso Yezu kaba zayisa. ³³ Bu bakesi kutulanga muana mpunda ba kua zau baba tela: " mu diambu di nki lu ta kutula muana mpunda ? ³⁴ 34 Ba vutuka, " Mfumu wena ye yau m'funu" ³⁵ 35 Ba nata yau ku Yezu, ba kesi yalanga m'vuatu mia gana muana mpunda, ye ba m'vundisa Yezu gana ntandu . ³⁶ 36 Mu ntangu ba yenda, ba yala mi m'vuatu miau muna nzila. ³⁷ Bu ba kesi finamanga ku Yelusalemi, mu kulumuka mongo gu olive, ndonga zakulu yi n'longoki, ba yantika mu ku nsanga ye kiese ye nkembisa Nzambi mu ndinga ngolo mu diambu bi mangu Biba mona. ³⁸ Ba kesi samunanga, ka sambuka Ntinu yu uta kuisa mu n'kumbu m'funu ! yenge muna zulu, ye nkembo muna bifulu bi lutidi mu zulu. ³⁹ Ndambu yi mi mfuadisi, bakala muna kibuka, ba zayisa, nlongi, kemina mazu ku n'longoki miaku. ⁴⁰ Yezu u ba vutuka, " i ta dio lutela, go bau si ba yambula mazu, matadi sa ma boka. ⁴¹ Bonso Yezu ka kesi finamanga ku mbanza, u dila mu yau. ⁴² Ye u zayisa, go ngeye diaka, kani mu kilumbu kiki, zeyi mambu menina mu yenge kiaku ! kansi bungangi mena ma suekama ga meso maku. ⁴³ kadi,si kuisa ku ngeyi bi lumbu,bina nde mbeni za'ku sa zikuziunga mu bi kaku , sa zi kukanga ye sa zikufitakasa mu ndambu zakulu ⁴⁴ Sa zi kusasakasa, ngeyi ye bana baku. sa ka ba ku sisila ko kani tadi gana tadi, mudiambu ku zaya ko ntangu yina ba yisi tala ⁴⁵ Yezu ukota muna Tempelo, ye u bwa mukula bana ba kesi tekanga. ⁴⁶ U ba tela, busonama, nzo'ame si yi kalanga yi bisambu, kansi beno lu kitwele yau nzo bingumba. ⁴⁷ Ye Yezu u kesi longanga bi lumbu biakulu muna Tempelo. Ye mbuta zi nganga, moi n'soniki, ye Mfumu zi bantu ba kesi sosanga mu ku n'gonda. ⁴⁸ Kansi ka ba sengumina ko keti nki mambu ba lendele ku n'sala, kadi n'kangu zakulu tu kesi ku wilanga ye kiese.