¹ Buna uba tela kingana kimosi, mu ku songa nde tu fwete sambilanga ntangu zakulu, ye katu zezi nkutu ko; ² Gana gata dimosi mu kala mfumu mosi ka titidi Nzambi ko ye ka zitisi muntu ko. ³ Mu kala diaka muna gata dina kwidi mosi gu yisa kuna yandi mu ku ntela, " unsadisa mukusa nde yi baka lunungu ku Bantu bobo ba mfundidi ". ⁴ Tuka ntama utunini muku nsadisa, kansi ku nsuka yani mosi uki teledi, kani go kititanga nkutu Nzambi ye kizitisanga Bantu ko, ⁵ Kansi bukina vo yu kwidi uta ku ntokimisa bu bwingi, sa isadisa muku gana lunungu, mu kusa nde kesa diaka ku ntokimisa ko. ⁶ Mfumu u yika, " luwidi nzonzi yoyo ka yina ye masonga ko maka tedi. ⁷ Buna Nzambi sa ka gana ku lunungu ku n'solani miami, mi Katanga ku yandi mwini ye mpimpa ? keti sa ka ba vingisa ? ⁸ Ita dio lutela, sa ka ba gana lunungu musualu. Kansi muntangu muana muntu si k esa, si ka wana lukwikilu ga ntoto ? ⁹ Buna tedi diaka kingana ku Bantu ba kimonanga nde bau bena Bantu ba lunungu ye ka basalanga nkutu kani dimosi ko ku ba n'kaka ¹⁰ Bantu bole ba tombuka ku ntempelo mu kuenda sambila, yu u mosi ukala m'fuadisi ye yu u nkaka ntambudi mpaku ¹¹ M'fuadisi, u telema, usembingi yani mosi, oh Nzambi, ngieti ku vutula matondo bu kina ko bonso Bantu ba n'kaka bena mifi mi mbi, mi n'koti n'soki, n'te mi bizumba, evo bonso buena yu ntambudi mpaku. ¹² Yi minanga n'soki mbale zodi muna kilumbu, gana yi gana kibuku kikumi muna biakulu yi bakanga. ¹³ M'baki mpaku, u kala kiteso ki ntama, kazola nkutu ko ka zangulu meso ku zulu, Kansi u kesi bulanga ntulu muku zayisa, oh Nzambi u mfwila kiadi, mono n'sumuki ngina. ¹⁴ Ita dio lutela, muntu yoyo u vutukisa kuna nzo'ani u vedila kansi ka yu gu n'kaka ko, kadi konso muntu u ta kikundidika sa ka kuluka, ye yu uta kikululu sa ka kundalala. ¹⁵ Bantu ba natina diaka Bana ba ndwelo; mu kusa nde ka basimba kansi n'longoki, bu bamona mana, ba nunguna Bantu bana ba kesi natanga bana ba bwelo. ¹⁶ Yezu uba tela mpila ye u zayisa, luyambula bana ba ndwelo bisa ku mono ye ka luba kangi nzila ko, kadi kimfumu ki Nzambi kiena ku Bantu ba fuanene ye bau. ¹⁷ I talutela dio mu ma kieleka, konso muntu yu sa ka tambula kimfumu ki Nzambi bonso muana bwelo ko sa kata nkutu muna ko. ¹⁸ N'longoki mosi u misiku u dia nkiufu ku Yezu, ye usayisa, N'longi gu mbote, nki kima ifwete Sala mu tambula luzingu lu lembwa nsuka ? ¹⁹ Yezu u vutula, mu nki diambu uta ku mbokila gu mbote ? nkatu muntu u na gu mbote go ka Nzambi ko kaka. ²⁰ Zeyi nsiku : sa k'uta bizumba ko, sa k'u gonda ko, sa k'uyiba ko, s'aku ta ko bumbangi bu luvunu, zitisi tat'aku ye ngudi'a'ku. ²¹ N'longi misiku uvutula," sadila yi sadila mana makulu tuka ki leki kiamo. ²² Yezu, bukawa mana, u n'tela," kima kimosi diaka ki ta ku konda. Fwete teka bina biakulu bi wena ye biau, Kaba bio ku ba mputu ye sa u vua kimfumu muna ma zulu kunsuka nza wisa, ye u ndanda ". ²³ Muntangu muntu mvuma kawa mio gogo u kituka yani kulu mu kiadi, kadi ukala ye m'vuilu yi yingi. ²⁴ Yezu, umona nde ukituka yani kulu mu kiadi, tedi, diena di mpasi ku bau bena ye zi m'vuilu mu kota mu kimfumu ki Nzambi ! ²⁵ Kansi kadina mpasi ko ku kamelo mu kota munua gundu di ntumbu kansi dina mpasi ku mvuama mu kota mu kimfumu ki Nzambi. ²⁶ Bantu bana bawa mau ba samuna, buna nani lenda guluka ? ²⁷ Yezu uvutula, mana kama lendakene ko ku bantu mena ma lendakena ku Nzambi. ²⁸ Petelo usamuna nde, tala, tu yambula bima biakulu, ye tuku landa. ²⁹ Buna Yezu uba zayisa, " ita dio lutela mu kieleka, ka kuena muntu ko yu usisa mu diambu di kimfumu ki Nzambi, nzo'ani, go nketo'ani, go zi mpangi zani zi yakala go bibuti biani' go bana bani, ³⁰ Ka lendi konda baka ko bimbindi ku luta mu ntangu yayi, ye muna nza yi ta twisa, luzingu lu kondele nsuka. ³¹ Yezu ubaka kumi ye bole gana mbela yani, ye uba ntela, lutala, tu ta twenda kuna Yelusalemi ye mana makulu ma sonika ba ngunsa mu diambu di muana muntu sa malungana. ³² Mu diambu sa ba n'yekula ku mi mpani, sa ba n'seya, sa ba n'legula, sa ba tabulula mate. ³³ Ye busa bamanisa mu ku ziodila koti, sa ba n'gonda ye mu kilumbu ki n'tatu sa ka futumuka. ³⁵ Muntangu Yezu Ka kesi finamanga ku Yeliko, ki fwe meso ki mosi ki nieka mu ndambu nzila ye u kesi lombanga makambu ma nkenda, ³⁶ Bu kawa kibuka ki bantu ki taluta, u yufula keti nki mambu. ³⁷ Ba ntela nde Yezu miesi Nazareth u ta luta. ³⁸ Buna ki fwe meso u kaya ngolo mu ku zayisa " Yezu, muana ,Davidi, umfuila nkenda ³⁹ Bana ba kesi kwendanga kuna twala ba kesi ku n'simanga Ka yambula mazu, kansi u kesi kayanga bu buingi mu ndinga ngolo, " Muana David, u mfuila nkenda". ⁴⁰ Yezu u dingalala, u tuma ba natina yo muntu, muntangu ki fwe meso Ka kuma gana mbela yani, u n'yuvula' ⁴¹ Nki zolele ikusadila ? uvutula , " Mfumu, yi mona " ⁴² Yezu u nteledi " mona kwaku, lukwikilu luaku, luku gulwese. ⁴³ Muna ntangu yi ya yina u mona ye gu n'landa, mu kue kembisa Nzambi. Mana bu ma monika, bakulu ba kembisa Nzambi.