¹ Yezu zayisi ku n'longoki miani ; dina di kedika nde mo mambu sa mamonika, kansi kiadi ku yani kusama monikina! ² Bulutidi bumbote ku yani n'bantula tadi di kinikunu muna nsingu ye ba geta muna m'bu, go mbwisidi gu mosi ubi ndendi bibi. ³ Lukala ngangu, go mpangi aku nete masumu, umbela, ye go ukibense u n'lolula. ⁴ Go nkumbu nsambuadi muna kilumbu ka ku kotele n'soki ye nkumbu nsambuadi ka vutukidi ku ngeye mu samuna: " ta ndila n'sokiamo", sa u n'lolula. ⁵ Ntumwa zi samuna ku Mfumu, " utu yikila lukwikilu". ⁶ Ye Mfumu usamuna " go luna ye lukwikilu, luna bonso nkeni nkamba, sa lusamuna ku wu sycomore, gu ki vuza ye uki kuna muna m'bu, ye sa gu lu lemfukila. ⁷ kansi nani gana luna beno, wena ye kisadi kina kisalanga Maya, evo ki twikilanga bi twisi, sa ka n'tela, muntangu ka Tukidi ku mfinda, nza wisa muna ntinu ye n'swalu ye mvuanda gana mesa? ⁸ Keti sa ku n'tela ko nde, undambila madia, yilama mu kwisi ku ntambika mau go mbanisi mu dia ye nwa, bonsi ngeyi sa udia ye nwa? ⁹ Ka tondedi kisadi ko, mudiambu lungisi ntuma zani, keti kabunakue? ¹⁰ Yi bwa buna mpi diaka beno, mu ntangu lusadidi mana makulu makalutuma, lusamuna nde tuna n'sadi mi mpamba, tu lungisi mana tu fweti sala. ¹¹ Bu kikalande ba kesi kwendanga ku Yelusalemi, mu lutila mu nzila Samadiya ye Galilea. ¹² Bu ba kesi kotanga ku gata dimosi, bankwa kimbefu ki bwasi ba yisi ku m'binga ba kumanana ku ntama. ¹³ Ba tumbula ndinga ye ba sayisa " Yezu, Nlongi utu fwila nkenda". ¹⁴ Bu kabamona ubatela n'tela: nda luenda lue ki songa ku ba nganga ye buba kesi kwendanga mu nzila, ba monika nde ba gelela. ¹⁵ Gu mosi gana kati ki bau bukaki mona nde belokele u vutukidi gana malu mani; mu sika Nzambi mu ndinga yi nda. ¹⁶ Ubwa gana luse luani gana malu ma Yezu, ye u vutula matondo, yani ukala mwesi Samaliya. ¹⁷ Yezu, vutuedi ye samueni kumi diakulu kadi belukidi kue? kueyi dina vua du nkaka? ¹⁸ Ga kesi kaka nzenza yoyo, mu vutuka gana nkembo ku Nzambi? ¹⁹ Buna u n'tela: telema, nda wenda; lukwikilu lwaku luku gulwese. ²⁰ M'fudisi mi yufula ku Yezu mu nki ntangu sa kisa kimfumu ki Nzambi, Yezu uba vutula, " kimfumu ki Nzambi ka kiena kima ki ba tadidilanga mu meso ko ". ²¹ Si ka ba sayisa nkutu ko nde " tala ga, evo tala kuna. kadi tala, kimfumu ki Nzambi kiena gana kati kieno". ²² Ye samueni ku n'longoki, bilumbu sa bisa bi sa luzola lumona kani kilumbu ki mosi kibilumbu ki muana muntu, kansi si kalumona kioko. ²³ Sa balu tela, " lutala ga, lutala kuna. ka luendi ko, ka lulemuka ntinu ko". ²⁴ Kadi bonso minsiense misemanga ye milemanga mu zulu ndambu ye ndambu, ye buna sa bu kala ku muana muntu muna kilumbu kiani. ²⁵ Kansi bufwene ntete ka mona mpasi zingi, ye ka getuka ku n'kumbu gogo. ²⁶ Mana makala mu ntangu Nowa, sa makuma ku mosi mu bilumbu bi muana muntu. ²⁷ Bakesi dianga, ba kesi nuanga, ba kesi kwelasananga ye ba kesi gananga bana bau mu n'tongo na te muna kilumbu kina Nowa ka kota muna N'zaza, kizalu ki masa ki noka, ye kiba nata bankulu ku lu fwa. ²⁸ Ma makala mu ntangu yi Loti sa makala ku mosi. Ba kesi dianga, ba kesi nuanga, ba kesi sumbanga, ba kesi tekanga, ba kesi kunanga, ba kesi yo kanga ma mpa. ²⁹ Kansi kilumbu kina Loti ki katuka ku sodome m'vula yi tiya ye mupepi bi tuka mu zulu ye tu ba nata bankulu ku lu fwa. ³⁰ Ibua buna sa bu kala kilumbu kisa ki monika muana muntu. ³¹ Muna kilumbu kina, yuna sa ukala kuna n'ludi nzo ye sa ka vua bima biani muna nzo, si ka kulumukako mu kwisi bio bonga, ye yu sa ukala kuna Maya sika vutuka diaka nkutu ku manimako. ³² Lubambuka mbundu mu nketo Loti. ³³ Yu u sa ka sosa mu kukitanina mu luzingu luani sa ka vidisa lo, ye yu u sa uvidisa lo, sa ka sengumuna lo. ³⁴ Ita dio lutela, mu mpimpa yina, bantu bole sa ba kala kuna m'fulu, yu mosi sa kabakama, ye yuna gu nkaka sa ba n'yambula. ³⁵ Ba kento bole sa ba kala muku tuta Luku mu ki mvuka, yu mosi sa kabakama ye yuna gu nkaka sa ba n'yambula. ³⁶ Bakala bole sa bakala kuna maya, yu mosi sa kabakama ye yuna gu nkaka sa ba n'yambula. ³⁷ Nlongoki mi n'tela : kueyi, sa makadila Mfumu? uba vutula : kuna sa ku kala mvumbi, yi muna sa zi kutimina zi ngo zulu.