¹ Muna ntangu yina, kibuka kimbidi ki bantu bakutakana ga kifulu kibadiatidingi bawu ye bankaka, wuyantika ku goga ku minlongoki miani nteti," lukikenga mu lufundusu lu Bamfadisi ye bankua mesu kunsi lukaya. ² Gankatu diambu disuekama si dikonda monika, ye nkatu kima kisuama si kikonda zayakana. ³ Mukikuma kioki makulu ma si lugoga mu mpimpa si mawisakana mu kia, ye si lutela mo mu kutu mu suku si magogila ga zulu nludi nzo. ⁴ Ngogele ku benu bakundi mabu, kalumoni bonga ku kubawu balendi gonda nitu ye kunima mana kabalendi ganga dinkaka nkutu ku. ⁵ Kansi si yilusonga yu lufeti tita. lutita yuna nde, kunima kugonda wuna ye lulendo lukutuba ku bilungi. inga, yiluteledi luntita. ⁶ Keti kabateka ku maseki matanu mu makuta mole? buna gankatu dimosi mukati kibawu dilendi vilakana ku ntuala Nzambi. ⁷ Kansi kani nsuki zintu' eno zitanguka zina. kalutiti ku kadi lulutidi mfunu kibeni ku maseki mambidi. ⁸ Yiluteledi nde, konso muntu si yuntambula ga mesu ma bantu muana muntu si kantambula ga ntuala mbasi zi Nzambi. ⁹ Kansi yonso sa wuntuna ga ntuala bantu munu mpi sa yintuna ga ntuala mbasi zi Nzambi. ¹⁰ Yonso muntu sa wugogila mambi mu muana muntu sika tambula ndoluka kansi yu sa wuvueza Mpefe ya Nlongo sa kabaka ntoluka ku. ¹¹ Muntangu si balunata kuntuala nzo zi bisambu, kuntuala bamfumu ye mintuadisi kalumoni luaka ku muzaya keti bue si lukitanina ye nki mambu sa lugoga, ¹² Kadi Mpefe ya Nlongo si kalulonga muntangu yina malufeti goga. ¹³ Yu wumosi mu kibuka unteledi:" Mfumu ta ku mpangi munu wu yakala kakabula ye munu difua dieto." ¹⁴ Yesu untela:" muntu nani wunsoledi mfundisi evo nzonzi ga kati kibenu? ¹⁵ Buna wubatela luluenga mu kuita kuenu; kadi luzingu lu muntu kaluna kaka mu mvuilu yani yi mbidi ku." ¹⁶ Buna Yesu wubatela kingana kimosi ye wubazayisa," ntotu wu muntu mosi wu mvuama wutoma buta bumbidi, ¹⁷ wuyiduelengi mu yani mosi ye wugoga:" nki si yiganga, kadi kina ye kifulu kilendi lundila mbongu zamu zi maya ku? ¹⁸ Wuta nde, tala masiyiganga. si yibulumuna bilundulu biamu ye tunga bi bilutidi muneni ye gana si yilundila ngeni zamu zakulu ye mvuilu zamu zinkaka. ¹⁹ Si yita ku moyo munu," wuna ye mvuilu zimfuana zi lundameni mudiambu dimvu mimingi. vunda kuaku, dia, nua ye kala kiese." ²⁰ Kansi Nzambi wuntela:" muntu wu buzengi, nkokila yoyini kaka moy' aku si wu kukatuka, kadi wu kubikidi, kunani si wenda?" ²¹ Yibuna si bukadila ku yuna kutikidi mu yani kibeni kimvuama ye kena mvuama ku ku Nzambi. ²² Yesu wuta ku nlongoki miandi, yidina yiluteledi, kalukadi mayindu ku mu luzingu luenu ku bina si ludia, Evo mu nitu' enu nki luvuika yawu. ²³ Kadi luzingu lulutidi madia, ye nitu nkutu luta madia. ²⁴ Lutala manganga, kabakuna ku Evo bayonzika. kabavuidi nzo ku mu lundila ngionzoko awu evo lundulu, kansi Nzambi wudikilanga. lulutidi mfunu lutila bibawu! ²⁵ Nani mukati kienu mu mayindu mani lendedi yika mfoku mosi mu luzingu luani? ²⁶ Go kalulendedi nkutu ku mu nkatu kani kima, mu nki diambu lutapamukina ku bibisidi? ²⁷ Lutala buna bu butilanga bifulu bililiya mu maya. kabisala nkutu tunga ku. kansi nkutu, yiluteledi nde Salomoni, mu nkembu' ani wakulu ka vuatusu bonsu kimosi mu bawu ku. ²⁸ Go Nzambi wuvuatisanga bawu kititi mu maya, mena wunu ye mbasi si bitubuka ku foloni, muntalu kua si kaluvuikila yani, oh benu bantu ba lukuikulu lu nduelu! ²⁹ Kalukadi mayindu ku kubina si ludia ye ku bina si lunua, ka lukadi mayindu ku. ³⁰ Kadi nsi zakulu zi nza bata sosa bina, ye tat' enu zeyi nde mfunu bima bina luna ye wo. ³¹ Kansi lusosa kintinu kiani, ye bima biawu si biluganukina. ³² Kalukadi bonga ku buka ki nduelu, kadi tat' enu wuna kiese kingi mu kulu gana kimfumu. ³³ Luteka bima buenu ye lugana biawu ku bamputu. luganga mubenu bikobe kabilendi vila ku; mayidukua ma kizulu kamalendi suka ku ye kuna befi ka bafinama ku ye mbumbu kilendi tobula ku. ³⁴ Kadi kuna kuena mayidukua mangeyi kuna diaka sikukala ntima ngeyi. ³⁵ Bika nledi mienu mikangama mu tuketo tubenu ye bika minda mienu milema, ³⁶ Lukala bonsu mimvingidi mi Mfumu' awu mu mvutuka yani yi ndambisa mpasi nde muntangu si kakuma ye nkunkuta mu zibula mu mbanga mbanga muelu mudiambu diyani. ³⁷ Mayangi mena ku minsadi miomi mfumu mu mfuka yani sa kamona bavumbuka. mukiedika, iluteledi, si kakibieka si kabavuandisa ga madia ye kubakabila madia momo. ³⁸ Go mfumu kumini mundangu yi nzodi yi mpimpa, evo mundambu yi ntatu ye wu bakutidi bakubama minsadi miomi si mikala kiese. ³⁹ Diaka luzaya edi, go mfumu nzo kazaya ntangu siyisa muifi kalendi yambula ku nzo yani bayiba wawu. ⁴⁰ Lukala bakubama kadi kaluzeyi ku ntangu ngisa muana muntu." ⁴¹ Petelo wuta," Mfumu nga kubetu kaka tagogiala kio kingana evo kubetu kulu?" ⁴² Mfumu tedi:" Nani yuna nkebi wu nlemfuka wu kimvuama ye nduka yuna Mfumu yani si katula ga ntandu minsadi miani mu kubagananga buku biawu bi madia muntangu mboti? ⁴³ Mayangi ku nsadi yo mfumu mu mvuka yani si kamona nsadulu zani zimboti. ⁴⁴ Mukiedika; iluteledi buawu si nkatula ga ntandu mvuilu yani yakulu. ⁴⁵ Kansi kisadi kioki kitedi mu ntima yani, " Mfumu munu katananga mu vutuka" ye yantikidi mu kusuba minsadi miomi mibayakala ye bankentu, mudia ye nua, ye kola malafu, ⁴⁶ Mfumu kisadi kioki sikesa kilumbu kimosi kio katavingila ku muntangu yina kazeyi ku ye si kantiazuna bitini bitini ye si nkan' yana kifulu ga kati ki bo kabalemfuka ku. ⁴⁷ Kio kisadi, bukazeyi luzolu lu Mfumu yani ku ye kakubika kima ku go ganga bufuanakeni muluzolu lu mfumu yani si kazubuka bumbidi. ⁴⁸ Kansi kuyuna, kazeyi boku, gangidi mambu mafueni loluka si kabaka finkuba. si balomba bimbidi kuyuna yu bagana bimbidi, ye si balomba bima bimbidi ku yuna balundisa bimbidi. ⁴⁹ Ngisidi mutula tiya ga ntotu, ye yitazodila nde tulema. ⁵⁰ Kansi ngina ye mbotokolo yinzoledi yibotama, ye bue nta mosukila ntima mpasi ye kuna sa malungila! ⁵¹ Keti bulutabanza nde ngemba ngisinati ga ntotu? nkatu yiluteledi nde ngambana. ⁵² Kadi yantika muntangu yo, bantu batanu banzo mosi si bagambana tatu ku zodi ye zodi ku tatu, evo zodi ku batatu. ⁵³ Sa bagambasa tata ye muana wu bakala, ye muana bakala ye tat' ani; ngudi ye muana yani wu nkentu, ye muana nkentu ye ngudi yani; mama nzitu ye nzitu yani wu nkentu ye nzitu wu nkentu ye mama nzitu." ⁵⁴ Yesu utelendi diaka ku kibuka ki bantu," go lumueni tuti ditelameni ku dimukinanga ntangu, lutasamuna, muna ntinu ye nsualu," mvula yita kuisa" ye mana mabuidi bonsu buna. ⁵⁵ kitembu ki sudi bukita pupa, lutedi nde kiungila sa kikala ye yibuna kuani. ⁵⁶ Lubadisu kunsi lukaya, go lutabakisa bidimbu bintotu ye zulu, bue sa kalulenda ku mubakisa ntangu yo yiwunu kikie? ⁵⁷ Mudiambu dinki kaluta kinzonzila ku benu kibeni kumana mena masonga. ⁵⁸ Mumpila yina ntangu si yenda ye mpeni' aku kuntuala mayala w' unsa buluna mu nzila, lu wisana mpasi nde kabakunati ku kumpasi nkanu ye nzonzi kakutudi ku ga moku ma nkuatika nga kabakukotisa ku mu boloko. ⁵⁹ Yiluteledi nde sa kutuka ku mu boloko ye kuna sa ufutila mbongu zina zakulu.