¹ Muna ntangu yina bantu biyisisamuna ku Yesu mambu mabesi Ngalileya ba kasangisa Pilato menga ma bimenga biawu. ² Bubawa mambu momo Yesu samueni," keti lutayindula bana pesi Ngalili balutidi babankaka mukutoma sumuka, bu babaka nkuba yi mpila yine? ³ Nkatu yiluteledi go kalusobedi ku madiela menu benukulu diaka sa lusukila mu lufua lu mpila yina. ⁴ Evo bantu bana bakumi ku Silo, ga bawu kimpanzumukina kibuila ye bonga, lubenzi vo bakala mvodi mi masumu milutila mambi ku bankaka bantu mu Yelusalemi? ⁵ Nkatu, yiluteledi. kansi go kaluviluedi ku madiela, si lufua benukulu buna." ⁶ Yesu wumokina ngana yina:" muntu wukuna nti wu kuyu mu ya di vinu ye wuyisa muna sosa mbutu kansi kamona muawu ku. ⁷ Muntu wugoga ku min' gati mi vinia, tala, mvula tatu kala yikuisi sosanga mbutu mu nti wuna wu vinu ye kimona mo kima ku. luzenga wawu. munki diambu luta wo yambudila wutulanga mvunda nkatu? ⁸ Mvati vinu wumvutudila ye wuta, yambula wawu mvula yina yitimuna mu lugati luakulu lu nti mutula muawu mbodila!" ⁹ Go wubutidi mvula yikuisa, bumboti; kansi go ka wubutidi ku, si wusenga wawu! ¹⁰ Yesu wulongedingi mu nzo bisambu kisabala. ¹¹ Tala, nkentu mosi wukala gana ye wubakama ku mpefi yimbi yintudidingi nganguki; wukala ye nkuki ye kalendi telama ku. ¹² Ntangu Yesu kamona, wumbokila ye wuntela:" kanguka mu nkolomono yoyini." ¹³ Wuntula moku, ye mu mbanga mbanga wusungama ye wukembedingi Nzambi. ¹⁴ Kansi mfumu nzo bisambu wu kinianginika kadi Yesu wubelusa kisabala. buna mfumu wuvutula ye wuta kubawu, gena bilumbu bisambanu yina mfunu musala. Luisa kuenu kibelusa bilumbu bina buna ka kilumbu kisabala ku. ¹⁵ Mfumu wumvutudila ye wuta:" nkua disu kunsi lukaya! Nani mukati kibenu kakutula ku mpunda yani evo ngombi yani ye wunatanga mu nua kilumbu kisabala? ¹⁶ Ibuna diaka yuna muana nkentu wu Abalayami, yu satana wunsimbidingi mu tuvambu mu mvu kumi ye nana minda, kalendi kutulua ku mu lumbu kisabala?" ¹⁷ Bonsu kagogedingi mambu mana, bakulu bakala mabanza malukatikusu ku yani bafikama ku nsoni, kansi kabu diakulu bayangaledingi mana mambu ma nkembu mana Yesu kaganga. ¹⁸ Buna Yesu wuta:" munki kintinu ki Nzambi si kifuanukusua, ye munki si yisuasisila kiawu? ¹⁹ Lufuanukusu ku nkeni yimosi yi mutarde yina muntu mosi wutuba mu ya diyani, yikola ye yikuma nti wumosi wuneni ye zinuni zizulu batunga mazala mawu mu nta ziyani." ²⁰ Diaka wuta," munki si yisuasisila kintinu ki Nzambi? ²¹ Kifuanana ye lufunusu lubonga nkentu, wuvuka kiawu mu tesu tatu ki fuadina nati kuna bivunduka." ²² Yesu wugedingi mu konsu mbanza ye gata munzila Yelusalemi ye wulongedingi. ²³ Muntu mosi wuntela," Mfumu nga bantu bakua kuani si bavulusua?" buna wubatela: ²⁴ Lunuana lukotila mu muelu wusungama kadi bambidi bamekanga wawu ye si ka bakala bafuana mukotila muna ku. ²⁵ Ntangu mfumu nzo si katelama ye kanga muelu, buna si lutelama ku nseki ye kunkuta muelu ye ta," si kaluvutudila ye kulutela nde, kizeyi ku kue lutukidi?" ²⁶ Buna si luta," tudidi ye nua ga ntual' aku ye wulonga mu mabalabala metu." ²⁷ Kansi si kaluvutudila," iluteledingi, kizeyi ku kue lutukidi. luntakukila, benu lusadilanga kimpumbulu. ²⁸ Sakukala kuna bidilu ye nkuetisa zi menu muna ntangu yina salumona Abalayami, Isaki, ye Yakobi ngunsa zakulu mu kimfumu ki Nzambi ye menu si lugetuka kuna nzila. ²⁹ Muna ntangu yina sa kuisa bantu kuna ntuka ntangu ye kuna ndimuka ntangu, kuna mpumbu ye kuna sudi, mukuisi baka kifulu ku madia ma nkinzi muna kimfumu ki Nzambi. ³⁰ Ye mumpila yina sa mukala bantu bansuka sa bakala banteti ye bana banteti sa bakala bansuka. ³¹ Kunima kilumbu kina, Bamfadisi bayisa ye bantela" nda nge muntu zietuka kuku kadi Elodi katazola ka kugondisa." ³² Yesu wubatela," nda luenda lusamuna ku mpulu yina" tala, nta nkula ma satana ye ta mbelula lelo kiki ye mbasi, ye mukilumbu kitatu yimeni." ³³ Kansi yifeti fula kaka yilanda nzil' amu lelo kiki, ye mbasi ye mu kilumbu kilanda, kadi kabulendakana ku nde ngunsa kafuila kuna nganda Yi Yelusalemi. ³⁴ Yelusalemi, Yelusalemi! ngeyi yu tagonda ngunsa ye wuta niatakasa mu matadi bantu mana bakufidisi. nkumbu kua yizola yikutakasa bana baku bonsu nsusu yita kutakasa bana bani kunsi mage mani ye kaluzola kuenu ku. ³⁵ Ye bubu, sa yisisa yani nzu' enu. ye yilutela sa kalumbona diaka ku nate ye sikufuanina ntangu yina yisa lusamuna," kasambuka mu nkumbu Mfumu yuna wuta kuisa.