¹ Yesu wusambidingi ga kifulu kimosi buna. ntangu kamanisa sambila, yumosi mu minlongoki miyani tedi:<< wutulonga sambila bonsu nkutu Yowani kalonga minlongoki miyani.>> ² Yesu wubateledi:<< ntangu luta sambila, lugoga bu:<< Tata betu wuna mu mazulu; nkumbu ngeyi yizitusua. bika kimfumu kingeyi kisa.>> ³ Wutugana dimpa dibetu dilumbu kalumbu, lumbu ki. ⁴ Wutuloloka nkanu mibetu, bonsu butulolokanga batuvuidi nkanu. kututualani mu mpukumunu ku.>> ⁵ Yesu wubatela:<< nani ga kati kibenu go vuidi nkundi mosi wunkumini mukati kimpimpa mu lukambulu:<< nkundi wundefisa ntini tatu zimampa, ⁶ Kadi nkundi munu mosi kumini bungangi tukidi mu nzila, ye ngina ye kima ku mu kungana. ⁷ Buna yoyini wumukati, wumvuntuluedi mu lukambulu,<< ku nkuamisi ku. kielu kikangameningi, ye bana bakulu ye munu mosi tuna ku mfulu. kilendi vumbuka ku mu kugana dimpa.>> ⁸ Yiluteledi, kani go kati kavumbuka ku mu kun'gana dimpa kadi wuna nkundi yani, buna mukuma ki luzindalalu lungeyi lukutatamana, si kavumbuka ye si kalugana ntini zimampa zifueni mu momuini wuna mfunu. ⁹ Yiluteledi diaka, lulomba si biluganukina; lusosa ye si lusengumuna; lukunkuta ye si baluzibudila. ¹⁰ Kadi yuna si wulomba si katambula; ye yuna si wusosa si kasengumuna; ye yuna si wukunkuta, si kazibudula ¹¹ Nani ga kati kibenu go muana wunlombedi dimpa, si kan'gana tadi, ata ga fulu kimbisi masa nioka mosi? ¹² Ata go lombedi diaki, si kinganukina kinkala nkala? ¹³ Go nkutu benu luna bambi luzeyi bueyi lufeti ganina bima bimboti ku bana benu, bueyi bulutidi ku se dibenu di kimazulu si kaganina Mpefi yi Nlongu ku bobuini bakunlombanga yoyini? ¹⁴ Kunima ntangu, Yesu wukula mpefi zimbi yikala baba. muntangu mpefi yimbi yituka, baba wugoga. kabu diyangalala! ¹⁵ Kansi bankaka batedingi:<< mu Belezebudi ntinu wuzimpefi zimbi keta kudila zimpefi zimbi.>> ¹⁶ Bankaka bantudila nsinsani ye banlomba dimbu kimosi kitukidi mu mazulu. ¹⁷ Kansi Yesu wuzaya mabanza mabawu ye wubatela:<< kintinu kiakulu kina kikabuka mu lukatikusu luyani mosi, yina nzo yikabukidi mu lukatikusu luyani mosi si yibua. ¹⁸ Go satana kabukidi mu lukatikusu luyani mosi, bueyi kintinu kiyani si kitelamana? kadi lutedi nde ngita kula zimpefi zimbi mu Belezebudi. ¹⁹ Go ngita kula zimpefi zimbi mu Belezebudi, munani minlongoki mibenu mita zo kudila? mukuma kikini, si bakala mfundisi mibenu. ²⁰ Kansi go ngita kula zimpefi zimbi mu nlemfu wu Nzambi, buna kintinu ki Nzambi kisidi ku benu. ²¹ Ntangu muntu wungolu wuna wulunga mu binuanunu keta keba nzo yani, muelu yani yina yisikalala, ²² Kansi go wumosi nkua ngolu wunlutidi wunlemvuedi, si kambonga binuanunu biyani biakulu ye kaba mvuilu yani. ²³ Yuna kena ye munu ku wukunkatikisanga, ye yuna keta kutika ku ye munu wutiakanga. ²⁴ Ntangu mpefi yimbi yitukidi mu muntu, yikuendanga mu bifulu biyuma mukusosa luvundu. buka soluedi kifulu, tedi:<< si yivutuka ku nzo munu yina yituka.>> ²⁵ Mumvutukulu, bueni yawu yitoma kombuka ye yitulua nsunga muna. ²⁶ Buna, yiye baka ye yani mpefi nsambuadi zinkaka zilutidi mbi kulutila yani kibeni ye besedi bakulu mu fonga momuini. buna nsukulu mambu ma muntu yuna yikala yimbi kulutila yinteti. ²⁷ Ntangu Yesu kagogedingi mambu momuini, ga kuma nkentu mosi kikilu wuzangula ndinga yani ku zulu kabu ye wuta:<< kisakumuka kivumu kikunata ye mabenu mangeyi ye mika.>> ²⁸ Kansi wuta:<< mayangi nkutu bena bobuini bawanga n'gogu Nzambi ye balundanga wawu.>> ²⁹ Bonsu kabu dikutakeningi, wukitula mu ta:<< mbandu yoyini yina mbandu yimbi. ngita sosa kidimbu, kakulendi kunganukina kidimbu kinkaka ku mu kingengi ki kidimbu ki Yona. ³⁰ Kadi bonsu Yona wukuma kidimbu ku bisi Ninive, buna diaka, si bukala muana muntu mu mbandu yoyini. ³¹ Ntinu wu nkentu wu Sudi si kakivumbula mu kilumbu kimfundusu ye bantu ba mbandu yoyini ye si kafundisa yoyini, kadi tukidi mu nsuka zintotu mukuwa nduenga zi Salomoni, ye tala, gena gana wumosi wuna wuneni lutila nkutu Salomoni. ³² Besi Ninive si bavumbuka mu lumbu kimfundusu ye bantu ba mbandu yina ye si ka batundisa, kadi bavilula diela mu nguilu ndongolo zi Yona, ye tala, gena gana wumosi lutidi mu mbandu yina. ³³ Ka muntu ku yu wukuikanga muinda mu kuntula kunsi mesa ata kunsi kitunga, kansi ga kebelo mpasi nde bana bata kota balendedi mona kia. ³⁴ Disu diaku dina muinda nitu' aku. go disu diaku dimboti, nitu' aku yina mu mpimpa. ³⁵ Wukikenga mpasi nde kia kuaku kina mu ngeyi kakikadi mpimpa ku. ³⁶ Go buna nitu' aku yakulu yina mu kia ye konda kundambu yikala mu mpimpa, buna nitu' aku yakulu si yikala muinda wu kiesisanga mu kia kuaku." ³⁷ Ntangu kamanisa goga, Mfuadisi mosi wu nlomba mudia yani mu nzo, buna Yesu wukota ye wu fonga ga mesa. ³⁸ Ye Mfuadisi wu yituka nde kakiyobidila ku nteti kadia madia ma meni meni. ³⁹ Kansi Mfumu wuntela:" benu ba Mfuadisi, lusukulanga ku nseki mbungu ye malonga mandila, kansi mukati ki ntima mienu mu tebedi luzolu luenu lumbi. ⁴⁰ Bantu babuzengi! nga ka yuna ku wuganganga nseki diaka wusala mukati? ⁴¹ Lugana ku bamputu biobina kukati, ye buna bima biakulu si bikala bi nlongu. ⁴² Kandi kiadi kubenu ba Mfuadisi, kadi luzolanga buku ki kumi ki manta ye ki bala bala ye bitotolo biakulu, kansi luvunzunanga mfundusu ye luzolu lu Nzambi. buna mfunu mu ganga bufueni ye luzola Nzambi, ye kondua bua mu ganga mambu mankaka diaka. ⁴³ Kiadi kubenu ba Mfuadisi, kadi luzolanga fonga mu bifulu binteti mu zinzo zi Nzambi ye tambula mboti zi luzitu mu biyanzala. ⁴⁴ Kiadi kubenu, kadi luna bonsu tumbela di kondedi kidimbu ga ntandu zawu batunanga mu konda kuzaya." ⁴⁵ Ye wumosi mu ngudi zingudi minsiku mi Bayudawo wumvutudila ye wuta:" Mfumu, wuta tulewula diaka." ⁴⁶ Yesu tedi:" ye kiadi kubenu, ngudi zi minsiku! kadi lutuikanga bantu bizitu bimpasi munata, kansi ka lusimbanga ku kani nkutu bizitu bina munsuka mi nlembu mienu. ⁴⁷ Kiadi kubenu, kadi lutunganga minluka mi matumbela ma mimbikudi, buna nkutu bakulu benu babagonda! ⁴⁸ Yidina luna bambangi ye lutambudilanga mavanga ma nkulu benu, kadi bagonda bukiedika mimbikudi mio benu lutungilanga nluka mi matumbela. ⁴⁹ Mukikuma kina diaka, nduenga zi Nzambi zitedi:" si yibafidisa mimbikudi ye bantumua, ye si babazoma ye ku bagonda ku bankaka mu bawu." ⁵⁰ Buna mbandu yina si yisiwa ntu menga mo makulu ma mimbikudi matiamuka tuka luyantiku lu nza, ⁵¹ Tuka menga ma Abeli nate ye menga ma Zakaliya, yu wu gonduka ga kati ki kifulu ki kulongila ye kinlongu. inga, yiluteledi buawu, yina mbandu si yikala ntu. ⁵² Kiadi kubenu nlongi minsiku mi Bayudawo kadi lusimbanga nsabi zi nzayilu, kalabuna, ka lukondanga moku benu kibeni ye lukakidilanga babakotanga muna." ⁵³ Ntangu Yesu katuka muna, minsoniki ye Bamfadisi bankatikisa ye banuanina ye yani kuma ki mambu mambidi. ⁵⁴ Mu kumeka ku nyika ntambu mu n' gogu miyani mosi.