¹ Kunima mambu momuini, Mfumu wutumba lunsambuadi lunkaka, ye wubafidisa bodi bodi ku ntuala yani mu magata makulu ye bifulu bikakana mukukuma. ² Wubatela:<< sodi dina dineni, kansi minsadi minduelu. lubombidila kuenu mfumu sodi, kafila minsadi mu sodi diodini. ³ Luenda! lutala, yilufidisi bonsu mamemi ga kati ki zimbulu. ⁴ Kalubaki kani mbongu ku, kani nkuta, kani nsampatu, ye kalukayisi muntu ku mu nzila benu. ⁵ Mu nzo yisilukota, luta nteti, << bika ngemba yikala ye nzo yoyini.>> ⁶ Go muntu mosi wungemba wuna muna, ngemba benu siyisala ye yani, kansi go nkatu, siyivutuka kubenu. ⁷ Lukala mu nzo yoyini, mu kudia ye kunua bisibalugana, kadi nsadi fueni mfutu yani. ka luendi mu nzo ye nzo ku. ⁸ Go lukotedi mu mbanza yimosi, ye balutambuedi, ludia bisibalugana, ⁹ Ye lubuka bambefu bena muna. lubatela, kimfumu ki Nzambi kifinameni ku benu. ¹⁰ Kansi mu mbanza yakulu yilukotedi, bukabalutambuedi ku, luenda mu mabala bala mayani ye luta, ¹¹ Nkubuedi mfumfuta zi malu mabetu, kani,lumfumfuta lu mbanza benu yilukanikini! kansi luzaya di, kimfumu ki Nzambi kifinameni. ¹² Yiluteledi nde kilumbu kimfundusu si gakala nlemfuka mudiambu di Sodoma kansi ka mu mbanza yoyini ku. ¹³ Kiadi kungeyi, kolazini! kiadi kungeyi, Betisayida! go mavanga ma lulendu magangama kungeyi magamana mu Tilo ye mu Sidoni,nga bavilula diela ntama mu mvuandulu bubakivuikidi nsaku ye bombi. ¹⁴ Kansi si bagangila ye ngemba yifuana Tilo ye Sidoni mulumbu kimfundusu kansi kabenu ku. ¹⁵ Ngeyi, Kapenawumi, wukibanzidi kala wuzanguka ti ye kuna zulu? nkatu, si wukuluka ti ye kunsi bafua. ¹⁶ Yonsu yuluwila wunguididi, ye yonsu si wulubembula wumbumbuedi, ye yuna wumbembuedi, bembuedi yuna wumfidisa. ¹⁷ Bawu lunsambuadi bavutuka ye kiesi mu lukambulu:<< Mfumu, kani mpefi zimbi zituwididi mu nkumbu ngeyi>> ¹⁸ Yesu wubateledi:<< yimueni satana buidi tuka kuzulu bonsu nsemu. ¹⁹ Tala, yilugana lulendu mu diata ga ntandu zinioka, ye binkala nkala ye ga ntandu lulendu luakulu lu bambeni, ye nkatu ki kifueni lubebisa. ²⁰ Muntangu yoyini, kalukadi bayangalala ku nde mpefi zilutumameni, kansi luyangalala benu kibeni mu dio dina nde nkumbu zibenu zisonameni mu zulu. ²¹ Muntangu yina kuani kaka, Yesu wuyangalala buneni mu Mpefi yi Nlongu, ye wuta:<< yikutondedi, oh Tata, Mfumu zulu ye wu ntotu, mu momuini ku bana. ingeta, Tata, kadi dina dikala dimpuena ga mesu mangeyi.>> ²² Se dimunu di ngeni mambu makulu, ye ka muntu ku zeyi nani muana go ka Se kaka ku, ye nkatu muntu yuzeyi nani Se go ka muana ku ye kuyuna muana zoledi bo sengumuna. ²³ Mumbalukulu ku minlongoki miyani, wuta mu kingenga, << mayangi mena ku bawu bamonanga mambu malumonanga ²⁴ Yiluteledi nde mimbikudi mimbidi ye mintinu bazola mukumona mambu momuini baluta mona ye kabamona moku, ye wa mambu momuini muluta wa kansi kabawa moku.>> ²⁵ Yumosi nlongi wuminsiku mi Bayuda wutelama ye wutonta Yesu mukugoga:<< Mfumu nki mfueti ganga mu vingila difua dikonda nsuka? ²⁶ Yesu wuntela:<< bueyi busonama mu minsiku? nki lutanganga?>> ²⁷ Mumvutudulu, nlongi wuta:<< wufeti zola Mfumu yoyini wuna Nzambi ngeyi mu ntima ngeyi wakulu, mu moyu ngeyi, mu ngolu zaku ye mu dibanza dingeyi diakulu, ye zola mfinangani ngeyi bonsu ngeyi kibeni.>> ²⁸ Yesu wuntela:<< vutuedi bumboti, ganga buna ye si wuzinga.>> ²⁹ Kansi, Mfumu bukazola kisungika, wuta ku Yesu:<< buna nani mfinangani munu?>> ³⁰ Mumvutudulu Yesu wuta:<< muntu mosi wukulumukiningi mu Yelusalemi ku Yeliko. wubuilua ku bimpumbulu momuini, banzuba bansisa mundambu lufua. ³¹ Mu kidimbela, nganga Nzambi mosi wukulumukiningi mu yoyoni nzila, ye muntangu kamona, wulutila ga mbela. ³² Bumosi Nleviti diaka, bukakuma ga kifulu ye wumona, wulutila ga mbela. ³³ Kansi muisi Samaliya mosi, bonsu kakangelengi, wukuma ga kifulu kina ki kawanuka. ntangu kamona, ntima wutukama mukiadi. ³⁴ Wumfinama, wukanga mpunda ziyani ye wunkusa masi ye mafuta. wunata ga mputa yiyani mosi ye wunata ku lupitalu ye wunsadisisa. ³⁵ Mukilumbu kilanda wutukisa madelani modi, ye wugana ku mbuki ye wuta:<< toma kumbuka bumboti ye makulu masiwugangila, mu mvuka munu, siyikufuta momuini.>> ³⁶ Nani mu bobantu batatu, banzidi wukala mfinangani wu muntu yu wuluka ku bimpumbulu? ³⁷ Nlongi wuta:<< yu wumuesa nkenda mukikuma kiyani.>> Yesu wuntela:<< nda ye gangila bumosi.>> ³⁸ Bungangi, bonsu bukalengedingi mu nzila, wukota mu gata dimosi ye nkentu mosi wubokuedelingi Malata wuntambula mu nzo yani. ³⁹ Wukala ye mpangi mosi yu nkentu nkumbu Maliya, wuvuanda ga malu ma Yesu ye wuwidingi n'gogu yani. ⁴⁰ Kansi Malata wukangama mukulamba madia makudikila. wuyisa ku Yesu ye wuta:<< Mfumu, buna kabuta kuganga kani nkutu diambu nde mpangi munu wunkentu kansisa munu mosi mu kubika madia? wuntela fioti kansadisa.>> ⁴¹ Kansi Mfumu wuvutula ye wuta:<< Malata, wuta kimfinsumuka mu mambu mambi. ⁴² Kansi diambu dimosi dina mfunu. Maliya wusoledi kikina kimboti, kiokikini kabalendi kunkatula ku.