¹ Wubokila minlongoki kumi ye zodi mu kimvuka, ye wubagana lulendu ye ngolu ga ntandu mpefi zakulu zimbi ye mu buka zimbefu. ² wubafila benda mu kulonga kintinu kimazulu ye buka zimbefu. ³ Wubatela, kalubongi kima nkutu ku mu nkangulu benu, kani nkawu, kini nkutu, kani dimpa, kani mbongu, kani binkutu biodi. ⁴ Muna konsu konsu nzo yi silukota, lukala muna ti lukatukidi ga fulu kiokini. ⁵ Mulukatikusu lu yuna kalumbueni ku, ntangu si lukatuka mu mbanza yoyoni, lukubula mfumfuta zi malu menu mukala mbangi mu kubakatikisa. ⁶ Buna bayenda, ye mu magata ye magata, munsamununu wu nsamu wu mboti ye mbedosolu bantu muakulu. ⁷ Helodi, di Tetalaki, wuwa mu n'gogu makulu momuini malutidingi ye wufualangana kadi bankaka batelengi nde Yowani Mbotiki wufutumukini mu bafua. ⁸ Ye bankaka nde Elisa wumonekeni; ye bankaka, wumosi mu mimbikudi mi nkulu wuyisidi diaka mu luzingu. ⁹ Helode wuteledingi,<< yibukuna ntu yowani, kansi yoyoni diaka nani? ku yoyoni ngita wila mambu momuini?>> ye Helodi wusosa kamona Yesu. ¹⁰ Ntangu momuini bantumua bavutuka, basamuna makulu ma bamona baganga. bukabaka ye yani, bagenguka mu mbanza yimosi babokilanga Betisayida. ¹¹ Kansi makabu mawa mana ye banlanda, wubayamba ye wubagogila mu kintinu kimazulu; wubuka babakala ye mfunu kubeluka. ¹² Kilumbu kiyantika mukumanisa, ye bawu kumi ye zodi bayisa ku yani ye bata, makabu mpasi benda mumagata makinzungidila ye mu bifulu balendi muena kifulu kikuleka ye madia, kadi ga kifulu kiyuma tuna. ¹³ kansi wubatela:<< benu mosi, lubagana madia.>> bavutula, << katuna ku lutila mampa tanu ye mbisi zodi zimasa, go kabuaku nkutu tuesumba madia mu mafunda momuini ma bantu.>> ¹⁴ Bakala mu kitesu ki mafunda matanu mabantu. wuta ku minlonguki miyani,<< lubafuongisa mu makabu ma makuma tanu.>> ¹⁵ Buna bagangila, ye bakulu bafonga. ¹⁶ Wubaka mampa momuini ma matanu ye zo mbisi zodi zimasa, wuzangula mesu mani ku zulu, wusakumuna biawu, ye wubukuna mu ntini, ye wugana ku minlongoki mpasi bakabulula ku kabu. ¹⁷ Badia bakulu ye bayukuta bakulu, ye ntini zi madia masala makala bakutika ye tebisa ngomba kumi ye zodi. ¹⁸ Kilumbu kimosi, muntangu yikasambidingi mu ngenga, minlongoki mikala ye yani, wubadia kiufu kimosi mu ntelu:<< nani batedinde munu ngina?>> ¹⁹ Mu mvutudulu bagoga, Yowani wu mbotiki, bankaka batanga nde wuna Eliya, ye bankaka batanga ku ngeyi wuna wumosi mu mimbikudi wu ntangu yi nkulu yiluta kibeni. ²⁰ Wubatela,<< kansi benu, bue lutedi ku munu ngina?>> mu mvutudulu, Petelo wuta:<< Klisto wutuka ku Nzambi.>> ²¹ Kansi bukabaluengisa, Yesu wubagana ntumumunu kalute momuini ku muntu ku, ²² Mukuta nde Muana muntu kafeti mona mpasi zimbidi, sibantuba ku bakuluntu ye ngudi zinganga ye minsoniki, sibagonda, ye vutuka mu luzingu mu kilumbu kintatu. ²³ Wuta ku bakulu,<< go muntu zoledi kundanda, kafeti kiyina yani mosi, kabaka kulunsi diyani konsu kilumbu, ye kandanda. ²⁴ Konsu muntu sikagulusa luzingu luyani sikavidisa luawu, kansi konsu muntu suvidisa luzingu luyani mudiambu dimunu, sikagulusa luawu. ²⁵ Nki kifueni ku muntu mu kununga nza yakulu go keta kividisa ye kifuasa yani mosi. ²⁶ Konsu muntu wukumuena nsoni ye n'gogu munu, muana muntu muntangu sikesa mu nkembu yani, ye nkembu se diyani ye di banlongu. ²⁷ Kansi yiluteledi buawu mukedika, bankaka ga kati kibenu batelameni gaga kasibafua ku nteti bamona kintinu ki Nzambi. ²⁸ Bilumbu nana kunima katela mina n'gogu, Yesu wubonga ye yani Petelo, Yowani, ye Yakobi ye wuyenda ku mongu mu sambila. ²⁹ Muntangu yikasambidingi, kizidi kiyani kisoba, ye mvuantu miyani mikuma mi mpembi ye tentina. ³⁰ Muyina ntangu, ga yisa bantu bodi bayambidingi ye yani! bakala Mose ye Eliya, ³¹ Bakala mu nkembu. bagogedingi mu ngienda yani yisikasala ku Yelusalemi. ³² Muntangu yina Petelo ye momuini kakala ye bawu bakala kunsi zitu ditolu. kansi ntangu basikama kimvimba, bamona nkembu ye bantu bodi batelama ye yani. ³³ Buna, muntangu bayedingi, Petelo wuta ku Yesu,<< Mfumu, dina dimboti kubetu tukala gogini. situtunga matenta matatu. situganga dimosi mudiambu di ngeyi, ye dinkaka di Mose, ye dinkaka di Eliya.>> kazaya keti nki momuini kagogedingi. ³⁴ Buna muntangu kagogedingi mambu momuini, tuti diyisa kubafika, ye bakala bunkuta bonsu tuti dibabuila. ³⁵ Ndinga yituka mu tuti yita:<< yoyoni yi muana munu yisola. lum'wua.>> ³⁶ Ntangu ndinga yiyambula, Yesu wukala yani mosi. badingalala, mu bilumbu bina kabaka nkenda ku muntu ku; mpamba mu makulu mabamona. ³⁷ Kilumbu kilanda, ntangu bakulumuka ku mongu, buka kineni ki bantu bakutana. ³⁸ Buna, muntu mosi mu buka wuboka wuta:< ³⁹ Tala, mpefi yimbakama, yintuba ye ngolu ye yikuamisanga. mpefi yin'yambulanga mu mpasi, kunlueka kibeni muntangu yin'yambuedi. ⁴⁰ Ndombedi ku minlongoki mikula yawu, kansi kabalendedi ku. ⁴¹ Yesu wuvutula ye wuta,<< mbandu yintima mbalu ye kaniaka, ti ye nki ntangu siyikala ye benu ye siyilusadisanga? nata muana ngeyi. Muntangu yina muana wuyisidingi, ⁴² mpefi yimbi yintuba ga ntotu ye yinikuna ngolu kibeni. kansi Yesu wukula mpefi yimbi,ye wubuka muana, ye wum'vutula ku se diyani. ⁴³ Bayitukua buneni bu Nzambi. kansi bakulu bayangalala mu mambu makulu momuini Yesu kagengingi, wuta ku minlongoki miyani, ⁴⁴ << luwa mboti n'gogu mi, muana muntu sikayekulua mu moku ma bantu.>> ⁴⁵ Kansi ka bazaya ku wo n'gogu nki wuzola ta, ye wukala wusuekama ku mesu mawu, idina kalenda wozaya ku. bakala bunkuta mu kun'yufula mukuma ki n'gogu wowini. ⁴⁶ Buna, mpaka zibua ga kati kibawu mpasi bazaya nani wukala mbuta lutila bakulu. ⁴⁷ Muntangu Yesu kabakisa munki diambu babindanengi mpaka, wubaka fi muana finsua ye wuntula ga ndambu bawu. ⁴⁸ Mbosi wubatela:<< go yumosi tambuedi bonsu yu mu nkumbu munu, wuntambuedi ye tambuedi diaka yu wumfidisa. yu wuna wunduelu ga kati kibenukulu, iyuna wuna wumbuta kuluta. ⁴⁹ Yowani wuvutula ye wuta:<< Mfumu, tumueningi muntu takula mpefi zimbi mu nkumbu ngeyi ye tunsiminingi, kadi kakedi banganga betu ku.>> ⁵⁰ Kansi Yesu wuntela:<< kalunsimi ku, yuna kena ye benu lukatikusu ku wubenu kena.>> ⁵¹ Ye bonsu bilumbu bikafeti tombuka kuzulu bifinameningi, wubaka nzengu yikuenda ku Yelusalemi. ⁵² Wutuma bantu ku ntuala yani,ye momuini bayenda ye bakota mu gata dibesi Samaliya mu kukubika yawu mu yani. ⁵³ Kansi kangu Samaliya ka batambula ku, kadi wuyedingi ku Yelusalemi ⁵⁴ Buna ntangu Yakobi ye Yowani bamona buna, bagoga,<< Mfumu, zoledi kuaku wutubunga mu tiya tukulumuka tuka kuzulu ye wubafuasa?>> ⁵⁵ Yesu wubaluka ku bawu ye wubasemba. ⁵⁶ Buna bayenda tuka gana ku gata di nkaka. ⁵⁷ Bonsu bayedingi mu nzila bawu, wumosi wugoga ku Yesu<< si yikulanda ku si wenda.>> ⁵⁸ Yesu wumvutudila:<< mbulu zivuidi nluka, ye zinuni zi zulu zivuidi mazala, kansi muana muntu kavuidi ku ga kafeti kundila ntu wuyani.>> ⁵⁹ Wutela ku muntu wunkaka:<< wundanda.>> kansi wuntela, Mfumu, wungana nsua ngienda nteti mukusika se dimunu. ⁶⁰ Kansi Yesu wuntela; << yambula bafua bakisika bawu mosi, kansi ngeyi, nda ye goga nsamu kuakulu kintinu kimazulu. ⁶¹ Muntu mosi wunkaka wuntela diaka,<< Mfumu siyikulanda kansi wungana nsua ngietela bisi nzo munu.>> ⁶² Kansi wumvutudila:<< yonsu yu wubaka kulunsi diyani ye katala kumanima, kena wusiwa ku mu kintinu kimazulu.