¹ Mu diambu di kimpuanza nde Klisto ka tukudila. Mu dina, lukala na kekete ye ka lukiyambudi ku ku nsi zitu ki kinanga. ² Lutala, munu Pawulu, yilutedi nde go lutambuedi nzengolu, Klisito ka sikalukadila ndandu nkutu ku mu konsu mpila. ³ Diaka bumosi, ngita ta kimbangi ku bakulu bantu bana batambulanga nzengolu nde bafeti gangila minsiku. ⁴ Benu lukatuka ku Yesu Klisito, benu bakulu lutambudilua mu nsiku. kaluta zinga diaka ku mu nlemvu. ⁵ Kadi landila ntandulu mu Mpevi mu lukuikilu, tuta vingila ndandu yi lunungu. ⁶ Mu Klisito Yesu, kani nzengolu, kani kondua ku nzengolu ka kuna nkutu mfunu ku. kansi mosi kaka lukuikilu luganganga mu landila ntadulu yi zola lufueni. ⁷ Lutomeni lemuka bumboti. nani wulukengi mu tumama ku kedika? ⁸ Luzolu lugangila mana kalutukidi ku ku yuna wulubokila. ⁹ Findambu fidangua ka filendi funisa mfufuta yakulu ku. ¹⁰ Ngina ye vuvu ki zola mubenu mu Mfumu nde kasi luyindula bunkaka ku. yuluvuadingisanga, kani bonsu bukena, sikanata mfundusu yi yani mosi. ¹¹ Bampangi, go yita longila diaka nzengolo, mu nki diambu ngina diaka mu nzomono? mu diambu diodio, tadi dimbuisi di kulunsi di katulua. ¹² Ngita bombidila nde bakulu ba lugukumunanga mu mpila kani bakala bau kibeni bakatulua ku benu. ¹³ Kadi,bampangi,Nzambi wulubokila mu kimpuanza. bumosi kaka kalugangi ku mu kimpuanza kiokio diambu dimfunu mu zinzila mu kinsuni. kansi bufueni, lugana lusadusu ku bankaka ye bankaka. ¹⁴ Kadi nsiku wakulu wulungusuanga mu ntumumunu yimosi, mu yoyo iyi: << si wuzola mfinangani ngeyi bonsu nge kibeni.>> ¹⁵ Kansi ata lutakita bonsu zinioka ata kukituasuna bankaka ye bankaka, lukikenga nde kasilukala ku bonsu bankaka ye bankaka. ¹⁶ Ntedi, ludiata bonsu buna Mpevi ye kalulendi lungisa ku luzolu lukinsuni. ¹⁷ Kadi luzolu lukinsuni luna kimpala ye Mpevi ye luzolu lu Mpevi luna kimpala ye nsuni. kadi bena mu kintantu wumosi ye wunkaka. mvutu yimboti yina nde kalugangi ku mambu ma kaluzola ku gangila. ¹⁸ Kansi go Mpevi yita lutuadisa, kaluna ku nsi nsiku ku. ¹⁹ Bungangi, mavanga ma kinsuni mamonikanga. mena kinsuza, nzila zimbi, ngiangulu, ²⁰ Nsambudulu biteki, kindoki, kinduvu, nduanunu, kimpala, mpangulu mambu ma kinza, kimpala, mpambusu, nsambulu kondua Yesu. ²¹ Luzolu lumbi, kinduvu, kinduafu, ye mampila yoyo. ngita luluengisa, bonsu buyiluluengisila, bana baganga mambu momo kabalendi tambula zulu ku di Nzambi. ²² Kansi mbutu wu Mpevi wuna zola, kiesi, ngemba, mvibudulu, mboti, kukikulula, lukuikilu, ²³ Ndemvokolo ye kukiyala nge mosi. ga nkatu nsiku mikakidilanga mambu momo. ²⁴ Babana bavuisukidi ku Klisito Yesu bakoma gana kulunsi nsuni ye luzolu luyani lumbi. ²⁵ Go tuta zinga mu Mpevi tudiata mu Mpevi. ²⁶ Ka tukumi ku bankua kimvuni, mutumbula bankaka ye bankaka, ata mu kukiniunga bankaka ye bankaka.