¹ Munu ntedi nde: ntangu gingani difua kena muana nsua, kakena disuasani ku ye nanga, kala buna kena mfumu biakulu, ² Kansi kafeti kala kunsi lutumu lu minsadi miyani ye bamfumu bayani bufueni ti ntangu yi sila ku se diyani. ³ Betu kibeni, ntangu tukala bana, tukala kunsi luyalu lumpila yi nza. ⁴ Kansi ntangu yisila buyiyisa, Nzambi wufidisa muana yani, wubutuka ku nkentu, wubutuka kunsi minsiku, ⁵ Wuganga momo mpasi kasumba bana bakala kunsi nsiku, mukuma kina nde tusonga nteti nsasulu yi kimuana kibetu kituna bonsu bana. ⁶ Kadi luna bana, Nzambiwufila Mpevi muana yani mu ntima mibetu, Mpevi yimosi yibokanga:<< Abba, Tata.>> ⁷ Mukuma kiokio, kaluna diaka ku minanga kansi bana, ye go luna bana, buna luna diaka migingidi mi lufua mu Nzambi. ⁸ Kansi nteti, bu kaluzaya ku Nzambi, lugangama mukala minanga mi bawu mu nza kabena ba Nzambi ku. ⁹ Kansi bungangi luzeyi Nzambi, ata fidisi, bungangi luzayakeni ku Nzambi, mukuma kina luvutuka diaka ku balebakana ye bamputu banteti munkala? luzoledi vutuka kala minanga diaka? ¹⁰ Lutalanga bilumbu, zingonda, zinsungi ye zimvula. ¹¹ Ngita baka kubenu nde salu kimunu ye benu kikala ki nkatu. ¹² Wilubombidila, bampangi, lukuma bonsu ngina kadi yikumini bonsu benu. kalungengi nkutu mambi ku, ¹³ Kansi luzeyi nde nkumbu yinteti yilutela nsamu wumboti, wukala mukuma kilebakana ku nsuni. ¹⁴ Kala buna mavimpi makulu ma nitu makala mu benu nsisani, kalumenga moku ata geta, kansi bunkaka, luntambula bonsu mbasi Nzambi, bonsu Yesu Klisto yani kibeni. ¹⁵ Kiesi kikala ye bemu kuekuani kinina? kadi munu ndenda dio kulutela kimbangi: nde dikutulendakana , nga benu lukatula mesu mabenu mukungana mawu! ¹⁶ Bue, nga buyikulutelanga kedika, munu yiyikidi ntantu benu. ¹⁷ Lubula bamvuama ba nza yiyi kabakitumpidiki ku, ye kabatudi ku vuvu kibawu mu bimvuama ka bisikila ku. bunkaka, bafeti sa vuvu mu Nzambi. wutugananga kimvuama ki kedika mpasi nde tuyangalala. ¹⁸ Wubalubula mu ganga mamboti, bakala bamvuama mu maganga ma mboti; bakanga kanga muluzolu ye bakala bankua kimpuanza. ¹⁹ Mumana, si bakutika lufulu lu mboti mu mana mantuala, mpasi batambula luzingu lukedika. ²⁰ Timoteyo, keba bi bakugana. tina malongi ma bungiangi ye nduanunu zi mpaka mu mana malugunu mabokuanga nzayilu. ²¹ Bankaka bantu bagoganga mambu mana ye batatuka ntama ku lukuikilu. bika nlemvu wukala ye ngeyi. ²² Kadi disonama, nde Abalayami, wumosi wusielu kinkentu, wumosi wunkentu wukimpuanza. ²³ kansi muana wusuelu kinkentu wubutuka bunina nsuni, kansi muana nkentu wukimpuanza wubutuka mu nsilulu. ²⁴ Mambu momo mena bonsu ngana, kadi bakentu bobo inkutakana nzodi, yimosi yitukidi ku monguwu Sinayi yibutanga kinanga, i Hangali kuani. ²⁵ Kansi Hangali imongu wu sinayi muna Alabiya, impila mosi ye Yelusalemi dina bungangi, kadi dina mu kinanga ye bana bayani. ²⁶ Kansi Yelusalemi dina kuna kayengele dina dimpuanza, diodio ingudi betu. ²⁷ Kadi disonama: yangalala kuaku unkua sita kabutanga ku, sasula ndinga ye kaya kuaku ngeyi kumona mpasi zibuta ku! kadi nkentu kena ye yakala ku sika luta kala ye bana ye yuna wuna wukiela. ²⁸ Luzimpangi, benu lu bana ba nsilulu bonsu Isaki. ²⁹ Bonsu wuna wubutuka bunina nsuni, wukula mu ntangu yina wubutuka bunina Mpevi, ibuna diaka bungangi. ³⁰ Kansi masonukua ma Nzambi nki matedi? mawu magoganga nde: << kula kisadi kiokio kinkentu ye muana yani kadi muana wowo kalendi kabana difua di se ku ye muana wunkentu wu kulongu.>> ³¹ Idina luzimpangi, betu ka tuna bana ba kisadi kinkentu ku kansi ba nkentu wuna ku longu.