¹ Besi Ngalatiya bankua buzengi, nani ululokedi? ibuna mbuenu zi Yesu Klisito wu wu komua tu lulongila! ² Nzoledi kaka yi longuka didi ku benu. nga lutambula Mpevi mu mambu ma nsiku go mu lukuikilu mu ma luwa ku betu? ³ Nga luna ba buzengi? luyantika mu kimpevi bungangi mu kumanisa mu kinsuni? ⁴ Keti mpasi zi nkatu lumona mu nzayilu, go mu kiedika zi nkatu zi kala? ⁵ Bumosi, yu wulugana Mpevi ye wulungisa bisalu biobineni ga kati kibenu, keti sadidi bisalu biobio mu nsiku ata mu kuwa ye lukuikilu? ⁶ Bonsu: << Abalayami wu kuikila mu Nzambi ye wu monika wu lunungu.>> ⁷ Lubakisa nde bakulu bena ye lukuikilu bena bana ba Abalayami. ⁸ Masonukua makubika nde Nzambi sika sambisa mi mpani muna lukuikilu. nsamu wu mboti wu zayikusua nteti ku Abalayami:<< mu ngeyi makanda makulu sima sakumuka.>> ⁹ Mudina bakulu bena ye lukuikilu mu Abalayami ba sakumuka ye yani wukala ye minu. ¹⁰ Bakulu basa kivuvu mu bisalu bi nsiku, bena kunsi lusingulu, kadi masonama nde:<< ka singua, yuna kata zingila mu mambu mena masonama mu nkanda wu minsiku ku, ye kata luta mio mu nsalulu ku. ¹¹ Bungangi dina di kiedika nde Nzambi kata fundisa muntu mu nsiku ku kadi: << nkua lunungu sika zinga mu lukuikulu.>> ¹² Nsiku ka wu tukanga mu lukuikilu ku, kansi mu bu nkaka: << konsu muntu wuzitisanga bima bi nsiku wu zinganga mu minsiku.>> ¹³ Klisito wu tukula muna nsingulu yi nsiku mu ntangu kaki kitula nsingulu mundiambu di betu, kadi busonama nde: << ka singua konsu yuna bazembekedi muna nti.>> ¹⁴ Kikuma kikala nde lusakumunu lukala ku Abalayami luisa ga mimpani mu Yesu Klisito,mpasi nde tubaka mbutu mi nsilulu zi Mpevi mu lukuikilu. ¹⁵ Ba mpangi, ngita goga mungogu mi kimuntu. bonsu nde nguisani yi kisalu yi kubama, ka muntu ku lendi vuansa nsilulu zi Nzambi kani go ku yika konsu kima. ¹⁶ Bungangi nsilulu zi ganuka ku Abalayami ye bana bani. kamagoguka ku go: << ku bakuikila mu yani,>> mukutala bambidi, kansi mpila nkaka, mu wumosi kaka: << ku nkuikidi,>> yu wuna Klisito! ¹⁷ Bungangi ngogedi ebu. luwawanu lusingama ku Nzambi ka lulendi tala nsilulu zi vunsua ku nsiku miluta tuka 430ans. ¹⁸ Kadi go difua di yisa mu nzila minsiku, go kadi lendi kuisila diaka mu nzila nsilulu ku, kansi Nzambi wu gana mu kimpuanza difua Abalayami mu nzila nsilulu. ¹⁹ Mudiambu dinki nsiku wuna gana? wuyikama kikuma ki masumu, ye kuna ngisulu yi nkuna mi Abalayami ku ganukina nsilulu, ye nsiku wu zayakana ku ba wanzio mu nzila wawisi. ²⁰ Bungangi, wawisi wu bedisanga kaka muntu mosi, kansi Nzambi wuna wu mosi. ²¹ Buna keti nsiku lenda bela nsilulu zi Nzambi? ka lendi lendakana ku! go nsiku mosi wu lenda gana luzingu wu ganuka, lunungu luyisa mu kiedika mu nzila nsiku. ²² Kansi muna mpila nkaka, masonukua makanga makulu mu Yesu Klisito luganuka ku bawu ba kuikila. ²³ Kansi kuntula ngisulu minu mu Yesu Klisito, tukala bakangama ye lundama mu nsiku ti kuna ngayikusu yi minu. ²⁴ Buna nsiku wukituka nkengi ku betu ti muntangu yi ngisulu yi Klisito mpasi nde tu fundusua mu minu. ²⁵ Bungangi kina nde minu kina gana, katuna diaka ku nsi luyalu lu nkengi ku. ²⁶ Buna benu kulu bana ba Nzambi mu minu mu Yesu Klisto. ²⁷ Benu kulu ba lubotama mu Yesu Klisito, luvuata Yesu Klisito. ²⁸ Kakuna Nyuda ku, kani muisi Grekia, kaniWayi ku, kani muntu wuna kimpuanza, kani yakala, kani nkentu, kadi benu kulu luna wumosi mu Yesu Klisito. ²⁹ Go benu luna mu Klisito, buna luna kanda di Abalayami, minyingidi bonsu buna nsilulu.