¹ Kumi ye ya di mvu kunima yi vutuka diaka ku Yelusalemi ku mosi ye Balanabasi, yinata diaka Tito kumosi ye munu. ² Yimata mu kikuma ki mbonokono yi Nzambi yi nzayisa ngienda kuna. yiba tendulula nsangu zi mboti zi yitendula gakati ku ba Mimpani, kansi yi goga mu kingenga ku bantu ba Lenona bakedi tuadisanga. yizola yikala ye kani kani nde kilemuka ku, go nde kuvue mbakusulu mu mpamba ku. ³ Ye kani Tito nkundi munu wumueni ngeleka kumosi ye munu, kaba ntuma ku mu ngolu nde ka kiyotusa. ⁴ Nana ba mpangi bamu ba tumama mu kinsueki muku zaya kimpuanza kibetu kituna ye kiawu mu Klisito Yesu. bakala ye nsatu bakumisa betu ba minguayi mi minsiku. ⁵ Kutabayambula ku ntangu mosi, mukusa nde makiedika ma nsangu zi mboti ma konda nsobana mudiambu di benu. ⁶ Kansi bawu ba bakala gogila bantu nde bakala ba mintuadisi kaba ndatina kima ku. mana mabakala kama ntala ku. Nzambi ka kalanga ye nsuasana ku muntu ku. ⁷ Bazaya nde bambokila mudiambu di kutendula nsangu zimboti ku bawu kaba zenguka ku mu nzengu yi kinsuni. busonga bonsu Petelo ba mbokila muku tendula nsangu zi mboti ku bawu bazenguka mu nzenga yi nsuni. ⁸ Kadi Nzambi ye yani yuna gu ganga muna lugambuku lu Petelo mudiambu di bawu baba zenguka mu nzenga yi nsuni, tagata diaka muna munu mudiambu di ba mimpani. ⁹ Muntangu ba bakisa nkenda zi Nzambi zi zingama, Yakabi, Petelo ye Yowani ba bazayakana bonsu makunzi, batu gana mboti koku, ku Balanabasi ye ku munu. kidimbu kiku tambudila, mukusa nde tuenda kumbela ba mimpani, ye bobo ku bawu ba senguka mu nzenguka nsuni. ¹⁰ Bata tulomba diaka tubambukila ba mputu, mangina ye nsatu yi fuana muku ganga. ¹¹ Muntangu Kefani kayisa ku Antioka, yi n'tedimina mu kimuesa mudiambu mu lubelu kala. ¹² Kuntuala bantu ba nkaka baka fila Yakobi besa, Petelo wu dia kintuadi kumosi ye ba mimpani. kansi mu ntangu bantu bayisa, wu yambula ye wulunda bi taminabiani ku n'tuala ba mimpani, mukititu ki bo bantu bakala ba zenguka mu nzekuka nsuni. ¹³ Diaka ndambu yisala yi bampangi ba besi Yuda ba kivuka ku luvunu kumosi ye Kefasi, mu mpila yina nde Balanabasi wu natuka muna luvunu luawu. ¹⁴ Kansi muntangu yiyisi zaya nde ka balandanga makiedika ma nsangu zimboti ku, nzayisi ku Kefasi ku n'tuala bagukulu. [ go ngeyi wuna mu Yuda, ta zingila mu nkala ba mimpani ye nkatu mu nkala ba Yuda; bue wu fueti tumina mu ngolu ba mimpani ba zingila mu nkala besi Yuda? ¹⁵ Betu tuna besi Yuda ba kulutuka ye nkatu ba mimpani mi n'sumuki, ¹⁶ Tuzeyi nde nkatu wu lufueti wuluka muna bisalu bi minsiku kansi mu lukuikulu muna Yesu Klisito. tuyisa muna lukuikulu muna Klisito Yesu, mukusa nde tukala ba lunungu mu bisalu bi mi nsiku. ¹⁷ Kansi go muntangu tuta sosa Nzambi mukusa nde katu nungisa muna Klisito, tuta kimona betu ba mosi ba mi nsumuki, Klisito kitukidi nsadi wu masumu? kabulendi kala ku! ¹⁸ Kadi go situnga kikalulu kimi nsiku diaka, nkala yi bukula, yita kisonga munu mosi n'gondi wu minsiku. ¹⁹ Muna minsiku ngina wufua mudiambu di minsiku, mukusa nde yi zinga muna Nzambi. ²⁰ Yikomama kumosi ye Klisito. kamunu ngita zinga ku, kansi Klisito yani ta zinga muna munu, ye luzingu lungita nata bungangi muna kinsuni; ngita zinga mu lukuikulu muna muana Nzambi, yu wunzola ye wukigana yani mosi mudiambu di munu. ²¹ Kita geta ku nkenda zi Nzambi, kadi go masonga makala mu nzila minsiku, buna Klisito wuna wufua mu mpamba.