¹ Kadi nzoledi luzaya bue buna buneni bunkindu yo yinuana mudiambu di benu, mudiambu di bawu bena kuladika,mudiambu dibawu kabamona ku luse lumunu. ² Ngitagata mukusande ntima mibawu mikala misiama muna zola ye muna kimvuama biteba mu kivuvu, kimbakusulu,mumazaya makedika masuama ma Nzambi,ditasongila Klisto. ³ Muna yani musuama bimvuama biakulu binduenga ye mazaya. ⁴ Yitaluzayisa mana makulu mukusa nde muntu kaluwuni ku mu mi n'gogo milendakulu buisa. ⁵ Yenana kina ko muki'nsuni, ngina ye benu mu kimpefi. Yitayangalala munzonzama zenu zi mboti ye kukangama kuenu kulukuikilu muna Yesu Klisto. ⁶ Bonsu buna lutambulula Klisto Mfumu, ludiatila muna yani. ⁷ Lukala basiama muna yani, lukala batungama muna yani, lukala ba vonda muna lukuikilu bonsu buna bululongikila, ye lukala bateba ye ma mboti. ⁸ Lukikenga, muntu kalukotisa ku mumazaya ma bantu ye mu luvunu. Biobina mfutu mu mabanza ma bantu ufuanana ye bima binza ye bikabina bi fuanana ko ku klisto. ⁹ Kadi kufuluka ku Nzambi kua kulu kukalanga mu nsuni yani. ¹⁰ Luna bafuana muna yani. Yani wuna mfumu ye bimfumu biakulu ye tulendo tuakulu. ¹¹ Muna yani benu kaluzenguka mu nzengolu yibantu ku. Muna kuzenga ku nitu munsuni, kansi nzengolu yi Klisto. ¹² Benu lusiama ku mosi ye yani muna mbotama, ye lufutumuka muna yani mu lukuikilu muna lulendo lu Nzambi yu ufutumuna Klisto mu bafua. ¹³ Bulukala bafua mu masumu menu ye mukukonda kuzenguka mu nitu zenu u luvutula kumosi ye yani muluzingu ye wutulolula masumu metu makulu. ¹⁴ Uvuanza kitumbu kimfuka ye minsinku mi mikala misonama mudiambu di beto. ukatula bio biakulu ye ukoma bio gana kulunsi. ¹⁵ Uvula tulendu ye bimfumu utula biawu gana mpensa yimesu ma bantu bakulu ye wununga biawu mu nzila kulunsi. ¹⁶ Mudiau, kaluyambula ko muntu kalusambisa mu mana matadila ku dia go ku nua, go mu mana matadila kilumbu ki kinsi gomuku bika ku ngonda go bilumbu bisabata. ¹⁷ Mana mata songa bima bina bina kivivi kimambu sa mesa kansi siamunu kiakulu kina muna Klisto. ¹⁸ Kaluyambula ko muntu yu tasosa kukikulula, ye lusambulu lubanzio kalukuata mambu menu ma ntalu. Muntu wu mpila yina wu kotanga mu mambu ma katamona ye wukitukanga nkua lulendo mu mabanza mani ma kinsuni. ¹⁹ Kabivukana ko ye ntu. Tuka muna ntu nitu mvimba yibakilanga madia. Ye simbama mu kimvuka bikangulu ye nitu yitayela bonsu bu gana Nzambi. ²⁰ Go lufua kumosi ye Klisto mu nsiku minza, abu mudiambu dinki lufueti zingila mbosu benu bata nunguna mu ngolu ku nza. ²¹ Kunikuna ko, kuyedika ko, kusimbi ko? ²² Mana makulu makubama mu luvunu munsalulu zawu, bonsu ndongolu ye malongi ma bantu. ²³ Minsiku miomio mina mbonokono yi nduenga zi muntu yani mosi, zi kukikulula,mu lutumu lukukuamisa nituani. Kansi kabina mfunu ko mu nsatu zi nsuni.