¹ Kansi Sawulu, wukuaminina nkuamusu zani ye nkutu mpondolu zani zi minlongoki mi Mfumu, wuyenda ku bangudi zinganga. ² Ye wunlomba minkanda mi minluka ku Damasiko, mpasi nde go kukala findambu ndambu bantu banzila yo, babakala ata bankentu, kabanata bakangama ku Yelusalemi. ³ Muntangu yikayelengi, ga kuma buna nde wuluaka lukufi ye Damasiko, mu kimpanzumukina ntemu mosi wutuka ku zulu wutentina mu kinzungidila kiyani; ⁴ Wubua ga ntotu ye wuwa ndinga yimosi yitelengi:<< Sawuli, Sawuli, mudiambu dinki wuta kunzomina?>> ⁵ Sawuli wuvutula:<< nge nani, Mfumu?>> Mfumu wuvutula:<< ngina Yesu yuwuta zoma; ⁶ Kansi vumbuka kuaku, kota mu mbanza, ye sibakutela ma wufueti ganga.>> ⁷ Bantu bayedingi ye Sawuli ba dingalala konda ndinga; bawa ndinga, kansi kabamona muntu ku. ⁸ Sawuli wutelama ga ntotu, ye muntangu kazibula mesu mandi, kalenda mona nkutu ku; bantuadisa mu moku ye banata ku Damasiko. ⁹ Wuganga bilumbu bitatu ka yani kamoni, ye kadia ku kani nua. ¹⁰ Gakala nlokoki mosi ku Damasiko nkumbuani Aniania; Mfumu wugogila mu mona mesu :<< Aniania ye wuta:<< ga ngina, Mfumu.>> ¹¹ Mfumu wuntela:<< telama ngeyi, ye wenda ku balabala babokilanga Lubakala, ye mu nzo Yuda, yufula muntu mosi tukidi ku Talasi, babokilanga Sawuli; kadi wusambilanga. ¹² Ye wumueni mu mona mesu muntu mosi babokilanga Aniania kota ye wuntula moku, mpasi nde kazibuka mbuenu.>> ¹³ Kansi Aniania wuvutula:<< Mfumu, yivuidi bantu bafuana bagogila mu muntu yo, mpasi zikua kamuesesi ku nkangu nge wulonga ku Yelusalemi. ¹⁴ Wukala ye lulendu lutukidingi ku bangudi zinganga mu kanga go geni konsu yuna si wubokila nkumbu aku.>> ¹⁵ Kansi Mfumu wuntela:<< wenda, wuna vangu kimosi kinsodolo munu, mu zayikisa nkumbu munu ku bapakanu, ku mintinu ye ku bana ba Isayeli; ¹⁶ Si yinsonga masikasiamina mukuma ki nkumbu munu.>> ¹⁷ Buna, Aniania wuyenda kuna, wukota mu nzo. wuntula moku, wuta:<< mpangi Sawuli, Mfumu Yesu, yu ukusemukeni mu nzila ntangu kedi kuisa, wuntumini mpasi nde lendedi zibuka mbuenu ye wuteba ku Mpevi yinlongu.>> ¹⁸ Muntangu yina kaka, gabua bonsu bibala mu mesu ma Sawuli, ye wumona mbuenu; wutelama ye wubotukua; ¹⁹ Bosi wudia ye wubaka ngolu. wusala ye minlongoki mi Damasi mu zingu ki ntangu bilumbu bimbidi. ²⁰ Tuka muntangu yo, wulonga Yesu mu minluka, mu nkambulu nde wuna muana Nzambi. ²¹ Bakulu bo bawuidingi bakala mu ngitukulu ye batelengi:<< ka yandi ku yo muntu yu wubungidingi ku Yelusalemi bakulu bo bagogendingi mu yo nkumbu? ye wuyisa gaga mpasi nde kabanata bakangama ku bangudi zinganga.>> ²² Kansi, Sawuli wukuma lutila bufuana lendu, ye wutukisingi nzakama ga kati ki Bayuda bo bazingidingi ku Damasiko mu kubasonga nde Yesu wuna Klisito. ²³ Kunima bilumbu bimbidi, Bayuda bawisana mu kugonda. ²⁴ Kansi fongu diawu dimbi dizayakana ku Sawuli. bielu bikala bitatuka muini ye mpimpa mpasi bankatula luzingu. ²⁵ Kansi mu ntangu mpimpa mosi minlongoki minkulumuna mu baka ki lupangu, mu ngomba mosi. ²⁶ Bukakuma ku Yelusalemi, Sawuli wumeka yikakana ye minlongoki, kansi babengengi, mu konda kuikila nde wuna nlongoki mosi. ²⁷ Kansi Banaba wumbaka ye wunata ku bantumua. wubasamunina bueyi munzila,Sawuli wumona Mfumu, ye mpi Mfumu wungogisa, ye bueyi ku Damasiko,wulonga mu kibakala mu nkumbu Yesu. ²⁸ Wusamuna buawu kubayedingi ye tukidingi ku Yelusalemi. wugogedingi ye makedika ma malezima mambundu mu nkumbu Mfumu Yesu. ²⁹ Ye wufididingi mpaka ye Bayuda Geleki; kansi bo basosedingi landidila mu kunkatula luzingu. ³⁰ Muntangu bampangi bawa mawu, banata ku Kayisala ye banyendisa ku Talasi. ³¹ Buna, dibundu dikala mu ngemba mu Yuda diakulu, ngididi, ye Samaliya, mu kukitunga ye ndiatulu mubunkuta bu Mfumu ye mu ngolu zi Mpevi Yinlongu, dibundu dikoledingi mu ntalu. ³² Bungangi bumonekeni nde, bonsu Petelo wuyelengi mu ziunga kiakulu, wu yenda diaka ku mbela minkuikisi bo bazingidingi kuku Lidia. ³³ Kuna, wukutana ye muntu mosi wukala ye nkumbu Ene, yuna wusala leka ga mfulu yani tuka mimvu nana, kadi wukala wutila mianzi. ³⁴ Petelo wuntela:<< Ene, Yesu Klisito wukubeluesi. telama ye bonga mfulu ngeyi.>> gana mfulu ntoto wutelama. ³⁵ Buna bakulu bazingidingi ku Lidia ye ku Saloni bamona ye ba balula madiela ku Mfumu. ³⁶ Bu bungangi kukala ku Yope wumosi nlongoki babokedingi Tabita, nde disongidila << Doloka>>. yo nkentu wukala wuteba ye mavanga mamboti ye mfuilukiadi kagangila ku ba mputu. ³⁷ Buluaka nde wubua maladi ye wufua. kunima bu bansukula, bankubika mu kati kisuku dizangama. ³⁸ Bonsu Lide dikala ga mbela Yope, ye nde minlongoki bawa nde Petelo wukala muna, batuma bantu bodi ku yani, mu kumbombidila:<< wisa ye betu kuzingidi ku.>> ³⁹ Petelo wutelama ye wuyenda ye bantu bana. muntangu kaluaka, banata ku suku di zangama. ye minkuifuidi miakulu mi bankentu batelama ga mbela yani mu dilanga, bansonga biyunga ye mimvuatu kabasadidingi mu ntangu yikakalaye bawu. ⁴⁰ Petelo wutukisa bakulu mu suku, wufukama ye wusambila; mbosi, mumbalukulu ku nitu, wuta:<< Tabita, vumbuka kuaku!>> wuzibula mesu mani, ye bu kamona Petelo wufonga. ⁴¹ Petelo wugana koku ye wuntedimisa. ⁴² Nsamu wuwu wuzayakana mu Yope diakulu, ye bambidi bakuikila mu Mfumu. ⁴³ Buluaka nde Petelo wusala ntangu fuana ku Yope ku nzo muntu babokilanga Simoni, wugangidingi nkanda mi mbidi.