¹ Bukina nde Petelo ye Yoani bagogelenge ku nkangu, va kuma bangudi za nganga, mfumu zantuadisi mi masoda nkangu ye basanduki. ² Bau bakala kibeni mu mpimpika kadi Petelo ye Yoani balongelenge nkangu mukuma kia Yesu ye mumbokolo bakembenge lufuluku lu Yesu va katiki bafua. ³ Bau babakanga ye ba batulamu boloko evo nkodi nate mu lumbu kiamasika, kadi kukalantama nkokila. ⁴ Kansi babengi munkangu bobo bawansamu bakuikila ye ntalu yi bantu bobo bakuikila bakala mbela mafunda matanu. ⁵ Mulumbu kimbasi, buluakande mfumu zau, bakuluntu zabankaka bankulu ye minsoniki bavukana ku Yelusalemi. ⁶ Ana, nkulunsu ngudi zinganga wakala kuna, bumosi mpe kayafa, Yoani leki ye babonsono bobo mu bibuti bia nkuluntu zinganga. ⁷ Buna muntangu bavana kifulu kua Petelo ye Yoani va kasi kia kinzungidila, bau baba yufula : "Munki ngolo zi lulendo, evo mu nkinkumbu, lugangidi beno momo mambu?". ⁸ Buna Petelo, wateba ye Mpeve ya Nlongo, waba kamba : "Beno, mintuadisi mia nkangu ye bakuluntu, ⁹ go beto tuena bayufulua mu kio kilumbu mu mambote mavangamene kua imosi mbefu, mu nki muaya yo muntu yandi kabelukedi? ¹⁰ Bika didio dikala diazayakana ku beno kulu ye ku nkangu wakulu wa Isaeli, vo imu nkumbu Yesu Klisto muesi naza leti, yoyo beno lua vua koma ye yoyo Nzambi kafulukisa mu bafua; mu yandi go yo muntu nkitelemese vantual'eno mu mavimpi mambote. ¹¹ Yesu Klisto itadi di lumiafuna buluena mintungi, kansi go wakala wavangama tadi dia mbamusunu ntungulu nzo. ¹² Ka genani nkuntu ko luvulusu mu yankaka i mosi nkumbu muntu, kadi ka vata zinga ko i mosi ya nkaka nkumbu kunsi zulu, yoyo ya vanuka va kati kia bantu, mu yau tu lendedi kala ba vulusua." ¹³ Buna mu ntangu ba mona bunkabu bu Petelo ye Yoani, ye vo bau bu ba mona nde bau ba kala bantu bonso bantu kuani kaka, bantu ba konda ngangu za ndongokolo, bau ba yituka, matadi mau ma ntima bu ma budika mu momo Petelo ye Yoani ba vua kala ye Yesu. ¹⁴ Kadi ba mona bau yo muntu wa beluka u kitedimisa ye bau, bau ka bavua kima kia kamba mu ketikisa. ¹⁵ Kansi ku nima go bau ba vana lutunu ku ba ntumua mu tuka mu lukutakanu, bau ba vovasana bau ye bau. ¹⁶ Bau ba kamba : " Nki si tu ganga ku bobo bantu? Kadi mu vangu diodio di mosi dia makumbu diodido di gangamene ku bau, diau diena dia zayakana kua ba bonsono bobo bau ba zingilanga ku Yelusalemi; beto ka tulendi bo katikisa ko. ¹⁷ Kansi, mpasi vo mau ka makadi ma mfunu ma muangana ga kati ki nkangu, tu baluengisa ka ba lendi gogila ku muntu yo nkumbu". ¹⁸ Bau ba bokila Petelo ye Yoani ye ba ba kanikina mu lutumu mu konda nkutu goga e go longa mu nkumbu Yesu. ¹⁹ Kansi Petelo ye Yoani ba vutula ye ba kamba : " Lu zenga dio beno kibeni go diau diena dia mbote ku meso ma Nzambi mu ku lutumamana go kua yandi". ²⁰ Kadi ka tulendi ko na ku goga mu momo mo betu tu mona evo wa", ²¹ Ku nima nsamu miomio mia nkuamusu Petelo ye Yoani, bau ba bayambula. ka ba kala bafuana ko mu sengumuna kinsunza kimosi mu ku ba lola; Kadi nkangu nkangu wa wansono u sambidingi mu mvutudulu matondo ku Nzambi mu kuma ki momo ma gangama. ²² Muntu yoyo wa gangulua makumbu ma gieleko wa vua makumaia ma mvu lutila. ²³ Ku nima bau ba kala mu kimpuanza, Petelo ye Yoani ba yenda ku mbela bayau ye ba samuna ma monsono momo bangudi za nganga ye ba kuluntu ba ba kamba. ²⁴ Buna mu ntangu bau ba wa mana, ba zangula bakulu ndinga ku Nzambi mu lukambulu : " Mfumu, ngeye yoyo wa ganga ma zulu, ntoto, mbu ye biabio biau bi tebesolo, ²⁵ ngeye yoyo mu Mpefi a nlongo mu nua se dieto Davidi kiaku kisadi wa nkamba : 'Mu nkiama nsi zi ba mpakanu bena mu lau ye mu kiama nkangu weti kifuanikisa mu bima bia mpamba?. ²⁶ Ntinu mia ntoto mimeni ki tedimisa mu kimvuka, ye mintuadisi ba menikitula mu ndonga mu katikisa Mfumu ye katikisa Yesu diandi". ²⁷ Mu kuma, Helodi ye Ponse Pilatu ba wisene mu mbansa, ye zinsi ye minkangu mia Yisaleli, mu katikisa kisadi kiaku kia nlongo, Yesu,yoyo wa kusa. ²⁸ Bau ba ki kutikisa mu ganga mamo momo koko kuau ye luzolo luaku lua vua kibakila nzengo mu tekila. ²⁹ Bubu, Mfumu, tala nkuamusu zau ye kala munguisani ye minsadi miaku mu gana luzaisu ngogo'aku ye bunkabu bumosi buteba. ³⁰ Mpasi mu ndambulu kuaku koko mu buka; ga vuisuka bisinsu ye ndevoka mu zina dia waku kisadi Yesu". ³¹ Ba manisa mu sambila, fulu ki bau bakala ba kutakana kizazila ye bau ba kala bakulu ba tebusua kua Mpefi ya nlongo, ye bau ba gana luzaisu lua ngogo Nzambi ye kiese. ³² Ntalu yinene ku bau bobo bavua kuikila ba kubika ntima u mosi ye moyo u mosi ye ka kembenge go mvuilu zau i vuisukidingi kua yandi mu bunketi. Kansi ba vua biama biakulu mu kimvuka. ³³ Mu nkala yi lulendo lu mosi lua lunene go ba ntumua ba ganina luzayisu mu kimbangi kia lufuluku lua Mfumu Yesu, ye nlemvo u mosi wa u nene wa kala va ntandu bau kulu. ³⁴ Ka mu vuisuka ko mu kati ki bantu mu bau u kondelenge koti nki kima kina ki kala; kadi babo bobo ba vuidingi mvuilu za ntoto evo za nzo ba tekelenge zo, ba netenge mbongo za mvuilu za tekuka. ³⁵ Ye ba tudidingi va malu ma bantumua , Ye nkabulu ya kala ya wangama kua konso nkuikidi, bonso mfunu wowo konso yuna kavua. ³⁶ Yosefi, dimosi Lemvita, muntu wa sina dia tuku di Chypre, wa vewa nkumbu Banaba kua bantumua (didio dieti bangulua, muana wa nzangulu). ³⁷ Yandi wa vua lupangu lumosi lua ntoto; yandi wa teka luau, wa nata mbongo ye wa tula zo mu malu ma bantunua.