¹ Landila, Petelo ye Yoani bayelenge ku tempelo mu ntangu lusambulu, ntangu vua. ² Va kala muntu mosi, wa tembila tuka lubutuku, yoyo ba netenge bilumbu biabio ye ba sisidingi va muelo tempelo u bi kuanga bedi; bobo yandi ka lendelenge lomba nkayilu kua bobo ba kotelenge mu tempelo. ³ Buna mu ntangu ka mona Petelo ye Yoane beti kuenda ku tempelo, wa ba lomba nkayilu. ⁴ Petelo wantala na sui-sui mu mandi meso, ye Yoane, wa nkamba : " u tu tala ". ⁵ Muntu yoyo wa tembila wa ba tala, mu vuvu kia tambula kani kima ku bau. ⁶ Kansi Petelo wa nkamba : " Ki vuidi kani wolo kani mbongo, kansi ki mvuidi, nzolele kio ku gana. Mu nkumbu Yesu-Klisto muisi Nazalethi, diata!". ⁷ Petelo wa mbaka mu koko kua kibakala, wa nzagula, ye gana mfuluntonto malu mandi masingama ye binkoso biakuma na kekete. ⁸ Mu ndumuka yimosi, ntembidi wa telema ye wa diata; ye wa kota ye Petelo ye Yoane mu tempelo, mu diata, dumu suka, ye vutula matondo kua Nzambi. ⁹ Nkangu wa wo u muenge nde u dietenge ye wu vutuelenge matondo kua Nzambi. ¹⁰ Bau basungamenge nde i yo muntu yu wukala bilumbu biabionsono wa vuanda mu kulumba nkayilu va muelo wa tempelo u bikuanga Bedi; ye bau bakala bateba ye ngitukulu ye mayangi ma ngitukulu'akiese mu kuma kia momo ma luakila yoyo. ¹¹ Bonso bu kakala ye Petelo ye Yoane, Nkangu wawonsonou lemuka ku mosi ku bau ku muelo u bikuanga wa Salomoni, mu mayangi ma ngitukulu ye kiese kia kinene. ¹² Buna ntangu Petelo ka ba mona, wa lomba kua nkangu : " Bantu ba Yisaleli, mu nkiama luenina ba yangalala mu ngitukulu ya kiese? Mu nkiama, lueti sungikila zi ntalulu zeno ku beto, bonso go i beto kibeni bobo tudiatisi yoyo muntu mu bunketi bua lulendo lueto, evo kiadi? ¹³ Nzambiy.abalayami, ye Isaki ye Yakobi, Nzambi za mase meto, u muesese nkembo kua sadi kiandi Yesu. Yoyo nde beno lua yekula ye luamanga va ntuala Pilato, buna mu ntangu i kazaya ku nyambula, ¹⁴ beno lua losa wa nlongo ye wa lunungu, ye lua lomba ba luyambudila mvondimosi. ¹⁵ Beno lu gonda muana ntima luzingu, yoyo Nzambi ka fulukisa mu bafua, ye tua kala mbangi mu mana. ¹⁶ Bubu, mu lukuikulu mu yoyo nkumbu - yo muntu lueti mona ye zaya - yoyo kibeni nkumbu i mvene ngolo. Lukuikulu lua tuluka mu Yesu, lu mveni nsua mu monununa va ntadisi'eno bufueni bu mosi mu mavimpi. ¹⁷ Bubu, ba mpangi, mono nzeye dio vo beno lua mana bo vangila mu mpila kani, bonso diaka kua zimfumu. ¹⁸ Kansi kima ki kabikula Nzambi kabikula mu nua mi ba bonso mbikudi, go yandi bufuete vangama kaka vo wandi Klisto kamona mpasi, yandi bubu wa lungisa bo. ¹⁹ Lu dila kieno kiniongi, ku nsuka, ye luviluka, mpasi vo masumumeno makala ma vuanzuka, ku nsukulu mpasi kuisa zi ntangu zi nzinzi'ambuisulu ntima mu zizi kia Mfumu; ²⁰ ye mpasi yandi ka lu fidisila Klisto yoyo wakala wa solua mu beno, Yesu. ²¹ Wena yoyi mu ma zulu kafueti tambula na te ye ntangu ngialulu diaka yi bima biabio, biobio Nzambi tuka ntangu nkulu kagogila mu nua mia mimbikudi. ²² Mose mu diodio wa kamba : " Mfumu Nzambi si ka vumbula ngunza i mosi bonso go mono kati kua ba mpangi. Si lua wa ma monsono ma si ba lukamba. ²³ Buau si buisa go konso konso si ka wila ko mi mbikudi si ka kala kia mvimba wa fasua va kati kia nkangu". ²⁴ Inga, ye mimbikudi miamionsono bobo mundandani bagogila tuka Samuedi bau diaka ba gana luzayisu lua bilumbu biobio. ²⁵ Luna bana ba kala ba mi mbikudi, ye ba luwawanu lolo Nzambi kavanga ye bankaka beto, bonso bu ka kambila buku Abalahami : "Tubutu tua kulu tua ntoto zi tukala basakumunu mu ntekolo zaku". ²⁶ Ku nima go Nzambi vuidi vumbula kisadi kiandi, ka lufidisila yandi mu ntete. Nteti, mpasi mu sakumuna ba bonsono bobo si ba baluka mu ki mpumbulu kiau.