¹ Buna bu kiakubama kilumbu kia patikoti, bau ba kala bakulu mu kimvuka va fulu kimosi. ² Mu kintulumukina, kuzulu kutuka mazu momosi bonso mu ngolo za mupepe wangolo, yoyo yi tebisa nzo yayo muna bakala. ³ Bu ba tukila zindinga bonso tiya, zozo zibakabilua, ye bau ba ki yufuelenge mu konso muntu mu bau. ⁴ Bau bakulu ba tebusua kua Mpefi ya nlongo ye ba ba yantika mu goga mu zindinga zankaka, bonso Mpefi i ba genenge mu ku kigogila. ⁵ Mu yo ntangu ga vuisuka ba yudayo bobo ba zingidingi ku Yelusalemi, bantu bavelela, mu zinsi zazonsono kunsi zulu. ⁶ Buna mu ntangu mazu ma goga, fundu dia bantu mu kimvuka ye bakala zengele zengele kadi konso muntu u bawidi mu ku goga mu bunketi bu ndingau. ⁷ Bau bakala ba yangalala mungitukulu ya kiese. Bau ba kambidingi : " Mu kiedika, ka bena bau kulu ko besi Ngadidi bobo bo ba tagoga? ⁸ Mu nki diambu betu tuta bawila, konso muntu mu nding'eto tu butukila? ⁹ Pelesi, Medesi, Ye Elemite, ye bau bobo bo ba zingilanga ku Mesopotamia, mu Yuda ye ku Mecapode, kiamvu ki Asia, ¹⁰ Finzi ye Pamfila, Ngipiti ye kimfumu kia Libia ku mbela kileni, banzenza batuka ku Loma, ¹¹ Ba yuda ye ba mposila, besi keleti ye Arabia, beto tu ta bawa ba ta goga mu ngulo za mavanga ma Nzambi ". ¹² Bau bakulu ba yangalala mu ngitukulu ya kiese ye ba lebakana; bau baki kembenge mu bau ye bankaka : Nki diambu diodio dizolele kamba?". ¹³ kansi ba nkaka ba ba seyedingi ye kamba : " Ba ba kala ba teba ye malafu ma nkolo". ¹⁴ Kansi Petelo watelama ye bau kumi ye mosi, wazangula nding'andi ye wa bakamba : " Bantu ba Yuda, ye beno bakulu luzingilanga ku Yelusalemi, luzaya bu; lu toma kisungika mu ngogo miamo. ¹⁵ Kadi bantu bobo ka bena ko nkodi mia malafu bonso buluta kiyindudila mu ku kivunina ko, kadi tuna kueto kaka mu ntangu ya ntatu ya nsuika (lumbu). ¹⁶ Kansi lutala momo ma kambua mu mbikudi Yoeli : ¹⁷ " Buna mu ntangu si bisa bilumbu bia nsuka " bukembi Nzambi, " Si yi dukula Mpefi'ami va ntandu a minsuni mia mionsono. Buna beno ba bayakala ye bana beno ba bakento si ba bikula. Matoko meno ma bantu si bavua baka kimoni-meso, ye binunu bieno si bavanga zindozi. ¹⁸ Bu mosi va ntandu'aminsadi miami mia ba yakala ye mia bakento, mu bina bilumbu, si yidukula Mpefi'ami, ye si ba bikula. ¹⁹ Si yi tukisa nlemvo mu zulu ye binsusu va ntandu'antoto, menga, tiya tua nlemvo'a muisi. ²⁰ Ntangu si yi sobua mu mpimpa ye ngonda mu menga, munteti yi kulumbu kiakinene ye kiangituku lua mvutukulu a Mfumu. ²¹ Buna si ga luaka vo konso-konso muntu si u bokila nkumbu Mfumu si ka vulusua. ²² Bantu ba Yisaeli, luwa ngogo miomio : Yesu muisi Nazaleti, muntu u mosi wa nungusua va kati kibeno kua Nzambi mu kuma kia mavanga ma manene ye luyangalalu lua ngitukututuka lua kiese, ye mu bisinsu, biavangama kua Nzambi yani kibeni va kati kueno, bonso bu luzeyi bo beno kibeni; ²³ Landila ngindu zani zakibakimina ye lunene lua malongi ma Nzambi, yandi wakala wa yekulua, ye beno, mu moko ma ba kia dimbuka, bobo bena batutuka ye minsiku, bankoma ye ba mvonda. ²⁴ Nzambi wamfulumuna, mu kunkatula mu mpasi za lufua, kadi ka bukala bulendakana ko nde yandi ka kala wa simbudulu kua yandi. ²⁵ Kadi Davidi kembe mu yandi: " Ya mona Mfumu wa tatimina va ntuala mono, kadi wena ku lubakala luamo mpasi vo kikadi ko wupamuka. ²⁶ Mu nsuka ntim'ame wena mu kiese, ye ludimi luamo lueti yangalala diaka. Diaka nsuni'amo si wazingila mu kivuvu. ²⁷ Kadi kasi kuyambula ko muel'amo mu nsia bilumbu bia tufua, ye kasi ku gana ko nsua nde santu diaku ka zaya kubola. ²⁸ U nsengumuese zinzila za luzingu; si wu ntebisila mbuens'a kifu kiaku. ²⁹ Ba mpangi, ndendedi ku lu gogisa ye kivuvu mu kuma kia se dia makanda Davidi : Yandi wa fua ye wa zikua, ye ntoni'andi yena mu luzingu va kati kueto nate ye lumbu ki. ³⁰ Bonso bu kakala mbikudi ye u zeyenge nde Nzambi wa vana nsilulu ye ndefi go si ka vuandisa u mosi mu ntekololo zandi va ntandu kiti kiandi kiaki Mfumu. ³¹ Wa kizayila mu ntete ntuala ye wa kamba mu kuma kia mfulukulu'a Klisto : " Ka kakala ko wa yambulua mu nsi bilumbu bia tufua ye nsuni'andi ka wa zaya ko bola". ³² Yo Yesu, Nzambi wa nzangulu, ye beto bobo tuna bampangi. ³³ Bu ka vua mana kala wa zangulua ku lubakala lua Nzambi, ye kavua baka nsilu wa Mpefi ya nlongo ituka kua se, yandi wadukula yo, bonso bu lueti muena ye wila. ³⁴ Kadi Davidi ka manta ntuku ko ku zulu, kansi wa kamba : "Mfumu wa kamba kua Mfumu'ami vuanda ngeye va lubakala luamo, ³⁵ Nate ye kuna si isala kua zimbeni zaku diatulu kiaku kia malu", ³⁶ Ku nsuka, nde nzo yakulu ya Yisaleli ka bakisa ye ntungamano nde Nzambi wa nganga mu yandi Mfumu ye Klisto, Yo Yesu yoyo beno lua koma". ³⁷ Buna mu ntangu ba wa momo, ba nionga mu mintima miau ye bau ba kamba kua Petelo ye kua basala mu bantumua : "Ba mpangi, nki tufueti vanga?" ³⁸ Ye Petelo wa bavutudila : " Ludila masumu meno ye lu botama, Konso muntu mu beno, mu nkumbu Yesu-Klisto mu ngiambudulu masumu meno, ye si lua tambula nkayilu wa Mpefi ya nlongo. ³⁹ Kadi nsilu wena wu beno, wu bana beno kulu ye wu bakulu bobo bena ku ntama, ku bau ntalu ya yinene nde Mfumu eto Nzambi si ka ba bokila". ⁴⁰ Ye miankaka ngogo mingi, utelenge kimbangi ye uzengeluenge; u kembenge : " Lukivulusu mu mbandu yoyo yambi". ⁴¹ Buna ba tambula min'gogo miandi ye ba botama ye mu lumbu kina kaka, bu yikama mu mbela mafunda matatu ma miela. ⁴² Bau ba siamininingi mu malongi ma bantumua ye mu kimvuka, mu mbukununu dimpa ye mu bisambu. ⁴³ Bonga bua buila konso muela, ye ndevoka za zingi ye binsisu biavangama va kati kua bantumua. ⁴⁴ Babonsono ba bakuikidingi bakala mu kimvuka ye bavua bima bia bionsono mu kimvuka. ⁴⁵ Ye ba tekelenge bima biau ye mvuilu ye ba kaba nenge va kati kibau kulu, konso mfunu wa konso-konso muntu. ⁴⁶ Ku nsuka lumbu kunima lumbu, bau ba tatamana ye kuma kimosi mu tempelo, ye bau ba bukuna dimpa mu zinzo, ye bau ba kabuenenge nadia mu kiese ye ma kuluka ma mbundu. ⁴⁷ Bau ba sambidingi mu nzitusu Nzambi ye bakala ye ndemvuka za nkangu. Mfumu u ko menenge mu ntalu'au lumbu kunima lumbu bobo bakala ba vulusua.