¹ Landila, muntu mosi u bo ba bokedingi Ananias, ye Safila Nkento'andi, bateka ndambu i mosi ya mviulu'au, ² ye ba simbidila ndambu'au i mosi ya mbongo za ntekulu (nkento'andi wa zaya bo diaka), ye wa yiza tula ya nkaka ndambu va malu ma bantumua. ³ Kansi Petelo wa kamba : " Ananias, mu nki diambu Satana ka tebedi mu mbundu'aku mu sa nde ngeyi u guna Mpefi ya nlongo ye simbidila ndambu i mosi yi ntalu ya? ⁴ Mu ntangu ka diakala ko dia tekua, ka dia kala ko bilumbu bia bionsono mvuilu'aku? Ye ku nima di tekukele, ka dia kedi diaku kue? Bueyi vuidi lendila yindula mu kima kikio mu waku ntima? Ngeye ku gunini ku bantu ko, kansi kua Nzambi". ⁵ Mu nguilu momo mambu, Ananias u bua ye u tabula kigumu. Ye bonga bu mosi bu bunene bu buila bakulu bobo bau, bawa buna. ⁶ Matoko ma bantu mayiza bamfundika ye banzika. ⁷ Ku nima go tu tadidi ntangu tatu, nkento u kuma, ka zaya ko momo ma kala luta. ⁸ Petelo u nkamba : " u nkamba go beno lutekedi mu yoyo ntalu ye?" Yandi u vutula : "Inga, mu ntalu yoyo yina". ⁹ Buna Petelo u nkamba : " Bueyi lulendi beno, mu nguisani yi mosi, mu kutula Mpefi ya nlongo mu nsinsani? Tala, bau bobo ba zikidi bakala diaku bena ga muelo, ye bau si ba kunata." ¹⁰ Yandi u bua mu yoyo ntangu kaka ye u fua, ye matoko ma bantu ba vutuka ye ba sengumuna u fua; bau banata ye banzika ga mbela bakala diandi. ¹¹ Bonga bu mosi bu neni bu buila dibundu, ye nkutu ku bakulu bobo bawa mambu momo ma monsono. ¹² Bisinsu bibingi ye ndemvoka bi butuka ga kati ki nkangu mu moko ma bantumua. Bau bakala mu kimvuka ku muelo Salomoni. ¹³ Kansi ka muntu mosi ko u nkaka u konda bunkabu mu vukakana ku bau. Mu yo ntangu u kala ye luzolo luzanguka ku bau. ¹⁴ Mu landila nkutu minkuidi mi yikama ku Mfumu, mafunda ye mafunda ma ba bakala ye bankento, ¹⁵ mu ntalulu ba netengi nkutu ba maladi mu na balabala ye bau bakalekesengi ga zimfulu ye biandu, mpasi nde buna mu ntangu Petelo kalufidingi, kininga kiandi kilendedi fika bankaka bamosi. ¹⁶ Ntalu yi mbote yi bantu ba tuka mu zimbanza zikala mu mvivi wa Yelusalemi bayizidingi diaka, mu ndatunu ba maladi ye bau bobo bakala ba kangama kua zimpeve zambi, ye bau bakulu ba beluka. ¹⁷ Kansi ngudi'a Nganga wa telema kumosi ye bakulu bobo ba kala ye yandi ( yoyo yena kimpasi kia basanduki); bau ba kala ba teba ye nsongu. ¹⁸ Bau ba baka bantumua ye ba batuba mu boloko (nkodi) yi luyalu. ¹⁹ Kansi mu ntangu mpimpa, mbasi ya Mfumu wa zibula muelo mia boloko, wa batukisa ye wa ba kamba: ²⁰ " Luenda, lu skila mu tempelo ye lu zaisa kua nkangu wa wonsono mpova za luzingu". ²¹ Buna mu ntangu bau ba wawana, ba kota mu tampelo kumbela kia kua kuma ye balonga. Kansi Ngudi Nganga wa yisa, kumosi ye bau bobo ba kala ye bau, batumsa lukutakanu, babo ba kuluntu ba nkangu ba Yisaleli, ye wa toma ba sosa bantumua mu boloko. ²² Kansi mfumu za masoda bobo ba yenda kaba ba sengomona ko mu nkodi, ye bau ba vutuka nata ebu: ²³ " Tu sengomuene boloko dia kangua ye bunketi buakulu ye mintati mi fuluka ku muelo; kansi buna mu ntangu tu zibuedi yau, beto ka tu sengomuene muntu mu kati". ²⁴ Mu ntangu nkulutu binuani bi tempelo ye ngudi nganga ba wa mio ngogo, bau ba kala diaka buingi balebakana mu ma ma ba tadidi ye ma tadidi bau bobo ma lendele luakila ku ma si malanda. ²⁵ Landila, muntu mosi wa yisa ye wa kamba : " Bo bantu bo lutula mu boloko bena mu kati ki tempelo ye longa nkangu". ²⁶ Buna nkulutu binuani ye mfumu za masoda ba yenda ku banata diaka kansi kondua kua ngazi zisaka, kadi bau ba bangidingi nkangu mu ku ba tuba matadi. ²⁷ Buna mu ntanu ba ba nata, ba ba tula va ntuala lukutakanu. Ngundi Nganga wa ba yufula ²⁸ mu lukambulu: 'Beto mu mpila za zatulu simini mu longa mu nkumbu yoyo, kansi lu tebesi Yelusalemi ye malongi meno, ye beno lu zoledi lutula ga ntandu mi ntu mieto menga ma muntu yo". ²⁹ Kansi Petelo ye bantumua ba vutul: " Tu fueti tumamana kua Nzambi kansi ka kua bantu ko". ³⁰ Nzambi mase meto wa futumuna Yesu, yuna beno lua vonda, mu lu nanka va ntandu nti'eno. ³¹ Nzambi wa zanguedi va koko kuandi kua lu bakala mu kala ntinu ye mvulusi, mu gana ngiambudulu masumu kua Yisaleli, ku mosi ndevokolo yi masumu. ³² Beto tuna ba mbangi di bio bima, ku mosi ye Mpeve ya Nlongo yo Nzambi ka gana ku bau bobo ba ku tumamananga. ³³ Buna mu ntagu biyiku bi kimvuka ba wa mana, ba kuma ye nganzi ye ba zola ba gonda bantumua. ³⁴ Kansi mfuadisi u mosi u bokuluanga Gamaliedi, nganga i mosi wa minsiku yoyo wu kala wa zitusua ku nkangu wawo, wa ki tedimisa ye wa gana lutumu nde bantunua ba kala ba tuluka ku nseki mu fi ntangu-ntangu. ³⁵ Landila, wa bakamba: "Bantu ba Isaleli, lusala toma keba ku momo mo beno luzoledi sala ku bobo bantu. ³⁶ Kadi vavuisukidi fi ntangu, Tida wa kitedimisa mu ku kitumpidika kala u mosi, ye ntalu yi mosi yi bidi bantu, mu lutangu mu ntalulu yi nkama yia, ba vukama kua yandi. yandi wa vondua, ye babi bobo bau ba ntumamaningi ba muangusua ye bakuluka mu nkatu. ³⁷ Ku nima yo muntu, Yudia muisi Ngadidid wa kitedimisa mu ntangu lutangu lua bantu ye wa benda kani nde bankaka bantu. Yandi diaka wafua, ye ba bonsono bau babo ba ntumamana ba muangusua. ³⁸ Bubu, mono yilukembi buau, lutatuka ntama beno ye bo bantu ye lu ba yambula bau ba gugama, kadi go dio dibanza luo dio vangu ditukidi ku bantu, si dia bedusua. ³⁹ Kansi vo kua Nzambi, beno ka lundiko banunga; beno lulendele nkutu beno mu tanginina vo beno si lua nuana mu katikisa Nzambi." Buna, bau bakala banungua. ⁴⁰ Landila, bau babokila zi ntumua, ba ba zubisa, ye ba ba sima mu goga mu nkumbu Yesu, landila ba ba yambula benda. ⁴¹ Bau ba tuka mu nzo ya mbasi nkanu mu luyangalulu kadi bau ba fundusua mu kindesi ki ku kala ba saulua mu nkumbu'andi. ⁴² Ye konso kilumbu, mu tempelo ye mu nzo ka nzo, ba tatamana kondua kua zenga mu longa ye mu zayisa nsamu wa mbote wu tadidid Klisto, Yesu.