¹ Buna Agilipa samueni ku Polo " Lendele goga mu diambu di ngeyi mosi". Polo gu lambula koku kuani ye gu ganga. ² Yi taku kimuena kiese, mfumu Agilipa mu ku gogila ki kuma kia mo ku ntuala benu gunu mu kikuma ki mi mfundu mi ba yuda. ³ Mboti mboti kibeni mu diambu guna mu biufu ye ki n'kulu ki ba yuda. Buna yi ta kulombu ye ku kobuka ku mbundu mu ku nguila. ⁴ Ba yuda bakulu ba zeyi keti bueyi yi zingila tuka kileki kiamo muna kati ki n'kanguamo ye kuna Yelusalemi. ⁵ Ba nzaya tuka muna luyantiku ye ba lenda tambula nde yi zinga bonso mfadisi, ki nzambi-nzambi ki kikesa ki malongi meto. ⁶ Bungangi ngina gu telema gogo mu mfundusu mu diambu yi ta sosa nsilulu zi ka sila Nzambi ku ma seto. ⁷ Kadi yoyo yina nsilulu yi na kanda meto kumi ye zole ba sa kivuvu mu ku tambula bonso bagu ba vumina kibeni Nzambi mpimpa ye muini. Mu diambu di kivuvu kina, mumu Agilipa, nde ba yuda ba ta kumfudila. ⁸ Mu diambu di nki kani gu mosi mu benu kalendi yilulako nde buna bulendakana mu diambu di Nzambi mu ku futumuna bafua? ⁹ Mu ntangu mosi yi bansa munu kibeni nde yi fueti ganga mbidi mambu mu zina di Yesu gu Nazaleti. ¹⁰ Yi ganga mo ku Yelusalemi. Yi kangala bami nkuikisi ba mbidi mu nzo ki nkodi, mu kimfumu yi baka ku mfumu zi banganga Nzambi. Ye bu baba gonda, yi kala mu ndonga mu diambu di bagu. ¹¹ Yi ba gana ndola nkumbu zi mbidi muna nzo zi lusambulu zakulu ye yi zolo yi ba tuma mu ngolu mu ku vueza. Yi kala mu ngansi ngolo ku bagu ye yi ba gonda kani muna mbansa zi nzenza. ¹² Mu ntangu yi kala gangila momo, yi kala kuenda ku Damasi kumosi ye kimfumu ye tu ve lu ba mbuta ba zi nganga zi Nzambi, ¹³ ye mu nzila, muna ntangu midi, Mfumu yi mona ntemu gu tuka ku zulu gu kala ye kukelu mukaku ngolu. Ku luta ntangu ye gu kalumuka mu nzuinga munu ye bantu ba bakala mu ndenga ku mosi ye munu. ¹⁴ Mu ntangu tubua beto kulu muna n'toto, yiwa ndinga yi ngogila yagu yi samuna mu ndinga yi ki yebelo : " Saulo, Saulo, mu nki diambu gu ta ku mbuesina mpassi? si bu ku kadila mpasi mu ku katula lusendi lu mosi." ¹⁵ Ye yi goga: Nani guna Mfumu! Mfumu gu vutula : Ngina Yesu yu guta muesa mpasi. ¹⁶ Bungangi telema ye gu kisumba ku malu maku kadi mu kikuma kio yi kumonekene mu ku kuvondisa muku sa nde gu kala nsadi ye mbangi mu magu matadila mambu ma zeyi bungangi ma munu ye mambu ma sayi kusonga ku ntuala. ¹⁷ Ye sa yi ku gulusa ku ba nkangu ye ku ba mimpani ku mbela bagu si yi ku fila. ¹⁸ Mu kuzibula meso magu ye ku ba katula ku mpimpa ye ku ba nata ku n'tomo ye mu lulendo lu satana ku Nzambi mu ku sa nde ba baka ku Nzambi ndoluka yi masumu ye kimvuana kii yi bageni ki bagu bansidi ga kingenga mu lu kuikilu kumono. ¹⁹ Mu diagu, mfumu Agilipa, kita kolama ku mbuenu zi mazulu ko. ²⁰ Kansi, ku bagu bena ku Damasi nteti, ye landila ku Yelusalemi, ye kuma kiziunga kiakulu ki Yudea ye ba mimpani diaka, yi longila nde bafueti yuluka ye ba yuluka ku mbela Nzambi mu kusala bisalu bifueni mu ku yuluka. ²¹ Mu kikuma kina ba yuda ba nkangila muna tempelo ye ba yu sa nde ba ngonda. ²² Nzambi gu nsadisila ye mu ntangu yo, kadi ngina gu telema ye ta kimbangi ku bindendi bi ba nkangu bonso ku ba mbuta ma ka matadila mambu ma nkaka ko go ka ma gu ko kaka ba mi mbikudi ye Mose ba goga ma fueti kuisa; ²³ nde Klistu ka fueti mona mpasi, ye nde ka fueti kala gu nteti mu kufutumuka ku bafua ye ku bokila n'temu ku nkangu yuda ye ku ba mimpani. ²⁴ Ntangu Polo ka fuanesengi bi gogu biani, Fesituse samueni mu nding yi zanguka : Polo lagu gino, kuzaya kuaku ku mbidi kuku kumisi kilagu. ²⁵ Kansi Polo gu samuna : kina kilagu ko, n'tinu Fesituse, Kansi kumosi ye nzunzu ta goga bigogu bi makiedika ye bisikila. ²⁶ Kadi ntotila zeyi mana matadila momambu ye buna yita mo ku gogila ye mu kimpuansa. Kadi ngina ye kivuvu nde kani dimosi ka disuemiko, kadi ka ma gangama mu kinsueki ko. ²⁷ Kuyikila wu kuikilanga mu mi mbikudi, ntotila Agilipa? Ngeyi nde ta mo kuikila. ²⁸ Agilipa samuene ku Polo: Si gu zola gu nkiesisa mu ntangu nkufi ye gu kumisa munu mu Klisto? ²⁹ Polo samueni : ta nsambila Nzambi nde bu kala mu bu kufi go ntangu yi nda, ka ngeyi kaka ko, kansi diaka bakulu ba ta ku ngua gunu, bakala bonso munu, kansi kanda ku bikangilu bi kinkodi. ³⁰ Buna ntotila gu telama, mfumu ye Belenice diaka ye bakulu ba kala bavoda ku mosi ye bagu. ³¹ Mu ntangu ba katuka gana seka, ba kala gogasana bana ye ba nkaka ye ba samuna: " Yo muntu ka gangi diambu ko difuana mu lufua go nkodi." ³² Agilipa samueni ku Fesituse: "Yo muntu nga lendi kala gu yambuka go ka gani mambu ku Cayisala ko."