¹ Ye Fesituse gu kuma muna mbansa ye ku nima bilumbu bitatu, gu katuka ku Cesare mu kuenda ku Yelusalemi. ² Mbuta nganga ye zi mbuta zi bantu zi yuda ba funda Polo ku n'tuala Fesituse ye ba ngogisa ye kunikisina. ³ Ye ba lomba ku Fesituse luve ku mama tadila Polo mu ku sa nde ka ntumisa kesa ku Yelusalemi mpasi ba n'gonda mu nzila. ⁴ Kansi Fesituse gu vutula nde Polo gu kala mu nzo ki nkodi kuna Cezare ye nde yani mosi wu vutuka kuna. ⁵ Gu samuna : " buna, bagu ba si balenda besa kumosi ye betu. Ye go diambu di mbi di kala mu muntu yoyo ba m'funda." ⁶ Ku nima kalutisa nana go kumi di bilumbu go kuluta, gu kulumuka kuna Cesare. Ku nima kilumbu ki landa, gu vonda muna nzo m'fundu ye gu gana luve ba natina Polo. ⁷ Mu ntangu ka kuma, ba yuda ba Yelusalemi ba m'finama ku yani ye ba nata m'fundu mi mbidi mi m'funu mi kabalenda mu ku songa ko. ⁸ Polo gu ki nuanina ye gu goga : " ki gengi diambu di mbi mu diambu di nkumbu ba yuda ko, kani mu diambu di tempelo, kani mu diambu di Cesare, mbi nsidi." ⁹ Kansi Fesituse gu zola ka baka nzila yi ba yuda, gu vutula ku Polo ye gu samuna : zolele gu tombuka ku Yelusalemi ye gu samba ku munu muna mambu mana?" ¹⁰ Polo samueni : Nkatu, ku tribunale di Cayisala ngina, kuku yi fueti sambila. Kisidi mbi ko ku ba yuda, bonso u tomene zaya. ¹¹ Visa go yi gangidi mbi ye go yi ganga mambu ma fueni mu lufua, kitunini ko mu ku fua. Kansi gu mi mfundu mia gu mina mi luvunu, muntu ka lendi ku nkaba ko ku bagu. Si yi bokila mio ku Cayisala. ¹² Buna Fesituse gu kala mu nguisana ku mosi ye nzonzi ku nima gu vutula : " Gu bokila mio ku Cayisala, si wenda ku Cayisala. ¹³ Fi bilumbu ku nima, mfumu Agilipa ye Belenise ba kuma ku n gata di Cesare mu kue tala Fesituse. ¹⁴ Ku nima kulutisa bilumbu bi mbidi, Fesituse gu songa mambu ma Polo ku mfumu. Gusamuna : "muntu mosi gu buna gu kala gu yambuka gogo ku Felikisi bonso ki nkodi. ¹⁵ Buyi kala kuna Yelusalemi, ba mbuta zi nganga zi Nzambi ye ba mbuta zi ba yuda ba nata m'fundu mu diambu di yo muntu ku ku mbela munu ye ba lomba ku zenguka ku nkanuani. ¹⁶ Mu diagu yi vutula nde ka ki nkulu ki besi Loma ko mu ku kaaba muntu mu mpamba. Bu lutidi mboti, ku m'funda ku fueti kala kinsunsa ki ku monana ye ba m'fudi bani ye mu ku kubika mpila ku kitanina mu mi mfundu." ¹⁷ Yi dina mu ntangu ba yisa mu ki mvuka gogo; kiwako, kansi mu ki lumbu ki landa yi kala gu vonda kuna tribunale ye yi gana luve nde ba kunatina muntu yo. ¹⁸ Mu ntangu ba mi m'fundi ba kimonikisa ye ba m'funda, yi mona nde kani kizitu ki mosi mu yani ka kikala ye m'funu ko. ¹⁹ Kansi bakala ye fi mpaka ku mosi ye yanimu mana matadila kimnu kiawu ye mana matadila Yesu mosi gu ua ye gu Polo kazola nga mu ku gogila nde guna moyo. ²⁰ Yikala mu mvualangani bue yi fueti zikisina dio diana ye yi n'yugula keti gu zola mu kuenda ku Yelusalemi mu ku sa nde ba sambisila kuna ku mana matadila mambu mani. ²¹ Kansi mu ntangu Polo kalomba ka kala mu kuvingila lukanu lu ntinu, yi n'gana luve ka kala gu lundama ye kuna sayi mfidila ku Cayisala. ²² Agilipa samueni ku Fesituse: "nzolele mpi yiwa yo muntu." Fesituse u vutula : " Mbasi, si gu nwa." ²³ Buna kunima kilumbu kilanda , Agilipa ye ye Belenise bayisa kumosi ye ndonga yinene; bakota muna seka kumosi ye mfumu zi binuani ye bantu ba luzitu ba mbansa ye mu lutumu lu Fesituse, Polo gu natuka ku bagu. ²⁴ Fesituse Samueni : " Ntotila Agilipa ye benu kulu ba luna gogo kumosi ye beto lutala yo muntu; kubuka kuakulu ki ba yuda ba yisii ku mbona kuna Yelusalemi ye diaka gogo ye ba boko nde kalende zinga diaka ko. ²⁵ Kansi yi bakisa nde ka ganga diambu ko dilendi nata kulufua. Kansi mu diambu gu lomba monana ye ntinu, yi baka lukanu yi mfila. ²⁶ Kansi kivuidi diambu di kia yi fueti sonika ku ntinu ko. Yi dina yi nata ku ntuala benu ye kulutila ngeyi ntotila Ailipa mu ku sa gu zaya ma maueni mu kusonika mu mana matadila dio diambu. ²⁷ Kadi ma ta ku nkadila bonso ku konda ku kikuma ku muntu mu ku fila muntu kinkodi ye konda ku sonika bizitu mu diambu di yani."