¹ Mu ntangu mazu ma manisa, Paulo u tumisa mu sosa mi nlongiku ye u ba gana lu siamusu. Buna u ba gaba mboti zi nsuka ye u yenda ku Makedonia. ² Mu ntangu ka yenda muna mi nlambu mi bi zunga bi nsi ye u toma nsiamisi bu mbidi mi kuikisi. U yenda ku Helene. ³ Mu ntangu ku sala ngonda tatu kuna, ba yudayo ba ngidikila diaka fongo mu ntangu ka kadi kubamanga mu kuenda ku Silia, buna gu soba mabanza mu vutuka ku Makedonia. ⁴ Mu ku sa nde ba kumisa ku Asia gu kala Sopato gu kala muana yu Pyrhusmuis Belea; Aristarchus ye Secundus,ba butuka ku mi kuikisi mi Tesalonika, Ngayo muesi Deleba, Timoteo, Tikiko ye Tolofimo besi Asia. ⁵ Kansi bantu bobo ba yita kuenda ku ntuala beto ye beto tu ba vngila ku Toloa. ⁶ Beto tu sabuka mu Filipi ku nima lumbu ki nampa ma lafuka ye kunima lumbu tanu tu kutana ye bau ku Toloa. Kuna tu vuanda bilumbu nsambuadi. ⁷ Kilumbu ki nteti kilumingu, mu ntangu tu kala ba kutakana mu bukuna dimpa, Paulo gu sayisa ku mikuikisi. Gu kubika mu kwenda kilumbu ki landa; buna ye gu leyisa ngiambila zani na te ye kuna dingi-dingi. ⁸ Minda mikala mi mingi kuna nzo ndeka yi ku zulu kuna tu kala ba kutakana. ⁹ Gana nela ga kala diaka toko dimosi nkumbu Eutiko, gu kala gu leka mu tolo tua ngolo. Mu ntangu Paulo ka gogeledingi ye gu gogedingi ntangu yila, toto dina gu bua nu tolo tua ngolo, gu bua tuka kuna kunda di tatu ye u kifuila mu ntangu ba n'tedimisa. ¹⁰ Kansi Paulo u kulumuka ye u kilekisa mu yandi ye u m'baka mu moko mani. Gu guga : "Ka lumoni kiadiko, u moyo kena." ¹¹ Mu ntangu ka vutukisa, u bukuna dimpa ye u dia ku nima bu ka goga ntangu yi nda na te ye kielolo ku kuma, gu yenda. ¹² Ba nata toko di moyo ye ba kala kibeni ba ndembika yi nene. ¹³ Mu diambudi beto, tu mata ba ntete ku ntuala Paulo muna lungu ye tu yenda ku Assos, kuna tu wisana tu yambila ye Paulo. Ye mana yandi mosi ka zola sala, mu diambu gu kubika diata mu malu. ¹⁴ Mu ntangu tu bakena ye yani kuna Asos, tu m'bonga muna nzaza ye tu yenda kuna Mitilene. ¹⁵ Buna diaka, tuka kuna tu sagula ye tu kuma kilumbu ki landa ga tuala Chios. Kilumbu kilanda tu luta ku samo, ye kilumbu kilanda tu luaka muna mbanza yi mileto. ¹⁶ Bonso Paulo ka kubika mu luta ku Efeso, mu diambu ka zola lutisa ntangu mpamba ko ku Asia; kadi gu ki sila sualu mu ku sa nde ka koala Yelusalemi mu kilumbu ki Pentekote. Go Buna bulendi gangama. ¹⁷ Tuka Mileto, gu fidisa bantu ku Efeso ye gu bokila ku yandi zi ngudi za bantu zi dibundu. ¹⁸ Mu ntangu ba kuma kuna yandi, gu ba zayisa : " Beno mosi luzeyi nde tuka kilumbu k nteti yi tula ntambi ku Asia, bueyi ntangu za kulu yi lutisalanga ntangu ye beno. ¹⁹ Ngieti tatamana mu sadila Mfumu mu mbatalala zi mbundu ye mu mansanga ye zi mpasi zitukanga mu ma fongu ma ba yudayo. ²⁰ Lu zeyi nde ki lu suekila diambu dina Mfumu mu beno ko ye bueyi yi lu longila ga kati ki bantu ye diaka mu ngiendolo mu nzo a zi nzo. ²¹ Lu zeyi bueyi songedingi ku ba yudayo ye ku ba Helene mu mana ma tadila mvilulu a diela ku Nzambi ye minu mu Mfumu eto Yesu. ²² Ye butu sidi, tala, nzoledi, vukisa mu Mpeve ya Nlongo ku Yelusalemi, kondua ku zaya mambu mana ma lendi ku nkumima. ²³ Dimosi kaka nzeyi, Mpeve ya nlongo yi nzayisingi mu zi mbanza za kulu nde zi nkodi ye zi mpasi zi ta ku nfinfila. ²⁴ Kansi luzingi lu ntoto ki ta mona lo mfunu u kieleka ko. ²⁵ Munu yilutidingi ku benu bakulu ye yilongedi kimfumu ki Nzambi, kansi bungangi nzeyi nde kaluna kumbona diaka ku. ²⁶ Idiawu, munu ngita dio kulutela lumbu kiki, ata muntu wumosimu menu vididi, ka diambu dimunu ku. ²⁷ Kadi munu yikusamunina makulu ma Nzambi, kondua kulusueka diambu mu mawu. ²⁸ Lukikeba benu kibeni ye lukeba kamba diakulu Mpevi yi Nlongu dikatula ku nsi yi ntadulu benu.lukenga dibundu, Nzambi dikabakila mu menga ma Muana wuyani kibeni. ²⁹ Munu nzeyi nde bumbeni kuenda, ku nima munu bantu bena bonsu zingo zinsisi sibesa ku benu ye ka bena yambula kamba diminkuikisi kondua kubakuamisa. ³⁰ Ye mukati kubenu nkutu bantu bena yantika ta luvunu mu tuadikisa minkuikisi ku nima bawu ³¹ Buna lukaya mesu ye lubambuka moyu, mimvu mintatu mpimpa ye muini, munu kibebedi mu kululuengisa ku kana mpi ata nkutu mu kinsanga. ³² Bungangi munu yikuluyekuedi ku Nzambi ye ku ku mambu mayani ma nlemvu. yani wuna ye lulendu mu kulusiamisa ye mu kulugana bima bikasila ku bakulu bakavuidi. ³³ Munu kizinini moyu kani mu mbongu, mu wola, ata mu binkutu bi muntu ku. ³⁴ Benu kibeni luzeyi nde munu yisadidi moku mamunu mukubaka bikedi yebetu mfunu, munu ye babetu. ³⁵ Mu makulu, munu yilusongedi nde ibuna tufeti sadila mukusadisa ba mputu bu tubambukanga moyu mu mambu magoga Mfumu Yesu yani mosi:<< kiesi kilutidi mu gana kansi ka mu tambula ku.>> ³⁶ Buka goga mambu mana, Pawulu wufukama ye bawu ye wusambila. ³⁷ Bakulu badila ye bayamba Pawulu, bamfiba mu kuyambula kenda mboti. ³⁸ Bawu baluta mona kiadi mu diambu di yani wubatela nde kabana kumona diaka ku. mbosi bawu bayekumfila tikuna masuwa.