¹ Ku ntuala mambu momo, Paulo ga katuka ku athene ye gu yenda ku kolinto. ² Gu mona kuna yuda mosi ba bokedingi Akila, gu kala muesi Ponto, gu kala nzenza. Yandi wa tuka ku italia ye nkento ani Pliskila, mu diambu kolosi gu zayisa ku ba yuda bakulu ba katuka ku Loma ye Paulo wizidi ku bau. ³ Paulo gu zingidingi ye gu sadidingi ye bau mu diambu ba sadidingi kisalu ki mosi. Ba tundindingi zi nzo za ngoto. ⁴ Paulo gu yambidingi muna nzona lukutakanu sabata muna sabata. Gu lekisa ba yudayo ye ba besi Hellene minu. ⁵ Kansi mu ntangu Sila ye Timoteo b kulumuka ku Makedonia, Paulo gu kala wukangama kua Mpevi ya nlongo mu ta kimbangi kua ba yuda nde Yesu wu kala Klisto. ⁶ Mu ntangu ba yudayo bu ka ba kuikila ko, ba finga Paulo gu kubulu fuetu mani ye u ba zayisa: " yambula menga meno ma bua ga na ntandu a ntu mieno. (ka foti ami ku) butusidi si ngienda ku mi mpani. ⁷ Bu kaluta gana, gu yenda ku nzo ti Titiu yustu, muntu gu vuminingi Nzambi, nzo andi yi kala lumbela ye nzo lukutakanu. ⁸ Crispus, i nkuluntu gu nzo lukutakanu ye nzo andi yakulu ba kuikila mu Mfumu. ba mbidi ba besi kolinto ba widingi paulo ba kuikila ye ba botama. ⁹ Mfumu u zayisa ku Pauli mu mpimpa mu ndosi: " ku bangi ko, kansi zayisa ye ku dingalala ko. ¹⁰ Kadi ngiena yaku ye ka muntu ko u lendi ku sala mambi. Mvuidi bantu ba mbindi mu mbanza yoyo." ¹¹ Paulo gu nangina, mvula ye ndambu gana, mu longila ngogo Nzambi ku bau. ¹² Mu ntangu Ngalio ka kuma n'yadi mu Akaya, ba yudayo mu kimvuka ba nangumukina Paulo ye ba nata ku ntuala kiandu kia mfundusu. ¹³ Ba zayisa : " muntu yoyo gu lekesi bantu minu mu kusambila Nzambi mu kondua lunda bonso buena lutumu mi minsiku." ¹⁴ Paulu gu zola goga, mu ntangu ngalio ka zayisa ku ba yudayo: " Ba yudayo, di kala go nkanu evo diambu di ngolo, bu lutidi mboti lu gogona beno ye beno. ¹⁵ Kansi bukina go, diena diambu di gogo ye zi nkumbu ye minsiku mieno, luyidika mau beno mosi. Kizoledi kal mfundisi a mambu momo ko." ¹⁶ Ngalio gu ba tukisa mu kiandu kia mfundusu. ¹⁷ Buna bakulu ba buila Sostene, nkuluntu a nzo ya lukutakanu ye ba zuba gana ntuala kiandu ki mfundusu. Nkasi Ngolia ka tala moko, mana mambu mabakesi salanga. ¹⁸ Paulu, ku ntuala ka nangina kala ye ba mpangi tangu yi nda, gu ba siba ye gu sabuka ku Silia ye Pliskila ye Akila. Ku tuala ka sisa sawu, gu ki kulula ntu mu kenkela, mu diambu gu sila nsilulu zi muisi Nazaleti. ¹⁹ Mu ntangu ba kuma ku Efeso, Paulu yu sisa Pliskila ye Akila kuna, kansi gu zoledingi ota yandi mosi mu nzo ya lukutukunu ye yambila ye ba yudayo. ²⁰ Ba lomba ku Paulu mu sala fi ntangu diaka gu tuna. ²¹ Kansi gu ba sisa, gu zayisa: "si vutuka mu beno go Nzambi zolele." Gu yenda buna ku Efeso. ²² Mu ntangu Paulu ka kuma ku Kayisolia, gu mant ye gu gana mboti ku dibundu di Yelusalemi, gu kulumuka diaka ku Antioka. ²³ Ku ntuala kalutisa ntangu gana, Paulu gu yenda mu ndambu zi nsi yi Ngalatia ye Philingia ye gu nsiamisa milongoki mia kulu. ²⁴ Yudayo mosi nkumbu ani Apolo musi Alekisandrie gu isa ku Efeso, gu kala ye kikesa ki kugoga ye ngangu zi ngolu zi nsonukina. ²⁵ Apolo gu kala gu longuka mu malongi ma Mfumu. Gu kuikama mu Mpevi, gu gogedingi ye na dede mambu ma tadidi Yesu kansi gu zaya mbotama yi Yoani kaka. ²⁶ Apolo gu yantika mu ku goga kondu ku banga mu nzo ya lukutukunu. Kansi mu ntangu Pliskila ye Akila ban'wa, ba vukana ye yandi ye ba songila bonso buenina nzila Mfumu. ²⁷ Mu ntangu ka zola kenda ku Akaya, ba mpangi ba gana kikesa ye ba sonikina ba mi nlogoki mi Akaya mu ku sa nde ba ntambula. Mu ntangu ka kuma kuna, gu sadisa ba fuana baba ba kuikila mu nlemfu. ²⁸ Apolo gu monekesingi ndola gi ba yudayo ga kati bantu mu kikesa kiani ye nsandu ani mu songila mu nzila masonukua nde Yesu gu kala Klisto.