¹ Mu ntanu ba luta ku mbanza yi Amphipoli ye mu Apolonia, ba kuma mu mbanza Tesa lonika, muna ku kala nzo lukutakanu yi ba yuda. ² Paulo, bonso buna kifu kiani, wu yenda ku bau ye tuka bilumbu bi tatu bi sabata, wu ba yambidingi bonso buena masonukua. ³ Ba zibuedingi masonukua ye wu ba songedingi bu kala bufunu nde Klisto ka mona mpasi ye futumuka mu bafua. Wu zayisa : " Yesu yo ngieti ku luzayisa i klisto." ⁴ Ndambu yi ba yuda ba leka minu ye ba fukana ye Paulo ye Sila, ye besi Helene ba kuikama tuadisi mu mbidi mi ba nketo ye ndonga yi neni. ⁵ Kansi ba yuda bana kaba kuikila ko, ba juluka mu kimpala, ba baka mu bau ndambu banta ba ugansi ba zundu, ba kutikisa ndonga ye ba sosedingi nkindu mu banza, ba nuanisa nzo yi yasoni, ba zola nata Paulo ye Sila ku ntuala bantu. ⁶ Kansi bu kala mona ko, ba tula Yasoni ye ndambu yi nkaka yi bampangi ku ntuala miyandi mu mbanza ye ku kaya: "Bantu bobo ba baluedi nza, ba kumini diaka goga. ⁷ Bantu bobo Yasoni ka yamba ka ba ta sala bonso buna siku mi Kaisala ko ; ba ta zayisa nde kuena ye mfumu yi nkala, Yesu." ⁸ Mu ntangu ndonga ye miyandi mi mbanza ba wa mambu momo, ba zengumuka. ⁹ Ku ntuala bu ba ba futisa nsimbi ku Yasoni ye bankaka, ba ba yambula benda. ¹⁰ Muna mpimba yina, bampangi ba fidisa Paulo ye Sila ku Belea. Mu ntangu ba kuma kuna, ba kota muna nzo yi lukutukunu yi ba yudayo. ¹¹ Bau ba kala ba ndunda mboti ku lutila besi Tesalonika; kadi ba bakidingi wowo mu yakiyaki kibeni, ba fiongoneningi keti mana ma ta kubazayisa keti makedika. ¹² Yi diau, ba mbindi mu bau ba lekila minu ye ndambu yi ba nkento ba luzitu ba besi Helene ye ba bankola ba mbindi. ¹³ Kansi mu ntangu ba yudayo ba besi Tesalonika ba wa nde Paulo ta longila diaka mambu ma Nzambi ku Beleka, ba yenda kuna ye ba fuemisa ndonga. ¹⁴ Muna ntangu yina, ba mangi ba fidisa Paulo ku m'bu; Kansi Sila ye Timoteo ba sala gana. ¹⁵ Ba ba bata Paulo, ba nata na te ye kuna Athene. Mu ntangu ba n'sisa kuna, gu ba sikidisa mu ku sa nde Sila ye Timoteo ba sala luzolu ba kutana mu nsualu ye yani. ¹⁶ Tala, mu ntangu Paulo ka kesi ku ba kingilanga ku Athene, mpevi andi yi fuema mu ntangu ka mona mbanza yina ya kulu yi teba ku biteki. ¹⁷ Buna, gu yambila mu nzo a lukutukunu ye ba yudayo ye bana ba kesi sambilanga Nzambi, kumosi ye bana ba kesi kutananga ye bau bilumbu biakulu muna bifulu bi ma zandu. ¹⁸ Kansi, ndambu yi minyindudi miaki -Ekipuli ye miaki-Stoika buisa diaka mpaka ye ba nkaka ba zayisa : " Nkika zolele zayisa nsamu yoyo?" ba nkaka ba zayisa : "Fuanene bonso samuni a Nzambi zi ba nzenza." mu diambu gu lungidingi mu diambu di Yesu ye mfulukulu. ¹⁹ Ba baka Paulo ye ba tuadisa ku Aleopango mu sayisa: " Tu lenda zaya malongi mo mampa ma weti nlonga? ²⁰ Kadi tu sayisa mambu ma nzenga ma ma kutu metu. I diau tu zolele zaya mbangudulu yi mambu." ²¹ (Nkolo, besi Athene bakulu ye ba nzenza bana ba zingidingi muna, ba kesi lutisanga ntangu mu ku goga ye ku wa mambu ma mpa). ²² I dina, Paulo gu telema a kati ki Aleopangu ye yu sayisa: " Beno mase ma Athene, ta mbona nde luena kibeni mi sambidi mu n'kala. ²³ Kadi, mu lengana mu mbanza ye mu mona bima bina lu ta sambila, bueni kiziku ki mosi ba sonika: ku Nzambi yoyo kaza yakeniko. Buna ma lu ta sambila mu kondua zaya i mana gieti ku luzayisa. ²⁴ Nzambi yu u sala nza ye bima biakulu yu wena, kadi wena Mfumu yu zulu ye ntoto, ka zingilanga mu bi nlongo bi tungama mu moko ko. ²⁵ Ka saduluanga mpi mu moko ma bantu ko, bonso nde yandi kondolo kima; mu diambu yandi mosi yu ga nanga moyo ku bantu ye mpema ye bima biakulu bi nkaka. ²⁶ Ye mu muntu mosi, wu sala makanda makulu ye bantu bakulu bena moyo ga ntadisi a ntoto, u kisodila zi nsungi ka tula. Ye mi n'dilu mu bifulu bi ku zingila. ²⁷ Mudigu ba tueti sosa Nzambi ye ba lendi meka mu ku sosa ye ku mona; kadi mu nkala, kena ku nda ko ga kati ki betu. ²⁸ Kai mu yandi tu diatilanga, tu zingilanga ye tuenina, bonso wu mosi gu misoniki gu minkunga ka zayisa: "I diau tuena mpi kanda diani." ²⁹ I diau bu kina nde tuena kanda di nzambi, ka tulendi yindula ko nde kinzambi ki fuanene ye wolo to palata evo tadi dia galua mu bunketi ye mabanza ma muntu. ³⁰ Mu diau dina nzambi ka tala zi natangu zi kondua nzayilu ko, kansi butusidi ta tumina ku bantu, mu bifulu biakulu ba vilula madiela. ³¹ Mu diambu gu tula kilumbu kina ki si ka fundisi nza, mu lunungu mu muntu yuna ka sola. Nzambi u gana kimbangi ki muntu yoyo ku muntu muntu bu ka futumuna mu ba fua. ³² Mu ntangu besi athene ba wa samu gu m'fulukulu gu ba fua, bankaka ba vuezelenge Paulo, kansi bankaka ba zayisingi: si tu ku wa diaka u gogila mawu ntangu kaka." ³³ Ku ntuala mana, Paulo wa ba sisa. ³⁴ Kansi ndambu yi ba tata yi yikama ye yandi ye ba kuikila ku mosi ye Diomisio, kua Aleopango ye muana nketo mosi gu kala ye zina dia Damali ye bankaka mu bau.