¹ Bantu bankaka bakulumuka tuka ku Yudia, balonga bampangi ye bagoga : go tuna uzengua ko bonso buna nsiku u Mose, kulendi u guluka ko. ² Buna Paulu ye Balabasi bu baluta mazu bau ye bau, bampangi bawisana nde bafueti tombuka ku Yelusalemi kumbela bantumua ye mbuta zibantu mpasi bagogila kuifu kina. ³ Ibuna, bayenda, bu bafila ku dibundu, balutila kuna Feniki ye Samaliya ye ba samuna mvilukilu yi mimpani. Bananta kiese kikingi ku bampangi bakulu. ⁴ Bu bakuma kuna Yelusalemi, ba batambula ku dibundu bantumua ye bambuta ba ba zayisa makulu ma kaganga Nzambi ku bau. ⁵ Ibuna bantu bankaka batuka muna kibuka ki bafalisi ba ba kuikila, ba telama ye ba goga: " Dina dimboti mu ku bazenga masutu ye kubalomba balanda nsiku wu mose". ⁶ Bantumua ye bambuta ba kutakana mu kuyindula mu diambu dina. ⁷ Kunima mpaka zingolo, Petelo u telema ye u batela : "Bampangi, luzeyi nde tuka ntama Nzambi usola ga kati ki benu mpasi nde muna nua mi ba mimpani ba wa nsamu umboti ye bakuikila. ⁸ Buna Nzambi yu zeyi mintima u batela kimbangi bu ka bagana Mpefi yanlongo bonso bu ka gana ku betu. ⁹ Ye buna baganga disuasani ko ga kati ki betu ye bau, nsukulu ntima miau muna minu. ¹⁰ Bungangi mu diambu dinki lugukumuna Nzambi bu lu tatula kigangu mu laka di milongoki, kani mase meto, kani beto ka tukala bafuana ko mu kunanta? ¹¹ Kansi tu kuikila nde si tuguluka muna nkenda zi Mfumu Yesu muna mpila mosi ye bau". ¹² Kibuka kiakulu kikala pi bu bawidingi Balabasi ye Paulu bu basamuna bidim bu ye bimangu ka ganga Nzambi ga kati ki mimpani muna nzila bau. ¹³ Buba yambula ku goga Yakobo ubaka ngogo ye u goga :"Bampangi, lu'ngua. ¹⁴ Simoni uzayisa bonso Nzambi ka sadisa mu nkenda ba mimpani mpasi kasola ga kati ki bau, kanda di mosi mu ku nanta zina diau. ¹⁵ Ngogo mi bambikudi mifuanan i muna mambu mani. ¹⁶ Kunima mambu mana, sayi vutuka ye say tunga diaka nzo tenta yi Davidi yi itulumuka. Sayi yidika ye kutomisa. ¹⁷ Buna bantu bo basala si ba sosa Mfumu, kumosi yi bamimpani banata zina diani. ¹⁸ I dina digoga Mfumu yo u ganga bima biakulu bio bizayakana muna ntangu zinkulu. ¹⁹ Ibuna, mabansa mamo mena nde katu lendi bebisa ko moma bamimpani ma mata baluka ku Nzambi. ²⁰ Kansi ba basonikina nde bakikeba mu nsumuka ku biteki, bisalu bimbi bi kinsuni, bio biketama ye mu menga. ²¹ Tuka muna mbandu ziluta, kukala bantu mu konso mbansa bakesi longa ye kutanga Mose, muna nzo zi lusambulu mi sabata makulu. ²² Buna dikala dimboti ku bantumua ye ba mbuta, kumosi ye dibumdu diakulu, basola Yuda yu babokila nde Balasabesi yi Sila, bantuadisi muna dibundu, ye ba bafidisa kuna Antiokia kimosi yi Paulu yi Balabasi. ²³ Basonika mambu mo, bantumua, bambuta ye bampangi, ku ba mpngi zi mimpani kuna Antokia; Silia ye Cicilia, ngemba ku beno. ²⁴ Tu widi nde bantu bankaka bo ba tugana luve ko, balu gunini muna malongi ma baluedi ntima mieno . ²⁵ Buna budila mabansa mamosi nde tusola bantu ye tubafila yi bampangi batondama Balabasi yi ye Paulu. ²⁶ Bo bauluka mu kingonsa ki luzingu luau mu kikuma ki nkumbu Mfumu eto Yesu Klisto. ²⁷ Tulufidisa Yuda ye Sila si baluzayisa diaka mambu mamosi. ²⁸ Kadi dimonika di lunungu ku Mpefi yanlongo ye ku betu nde katulusonikina ko mambu mankaka nde momo kaka moma mfumu : ²⁹ nde lusisa bima bivukana ye biteki ye menga, bibulu bazenga ye mambu ma nsoni. Go lu kikebedi muna mambu mo makulu, si dikala dimboti ku benu. Lukala basiama. ³⁰ Buna, babafila, bakuma kuna Antokia, ba butakasa kibuka ye ba bagana nkanda. ³¹ Bu batanga, bayangalala mu lusiamusu. ³² Yuda yi Sila, bau diaka mimbikudi, basiamisa bampangi ye mambu mamingi yi ba basiamisa. ³³ Kunima, bubalutisa ntangu kuna, ba mpangi ba bafila mu ngemba ku bau ba bafidisa. ³⁴ Dimonika dimboti ku Sila kasala. ³⁵ Kansi Paulu yi Balabasi basala kuna Antiokia kumosi yi bantu bankaka babengi kuna ba balonga mambu ye kulonga mambu ma Mfumu yi kuzaya mavimpi mau. ³⁶ Muna nima ntangu, Paulu u goga ku Balabasi, "Bika tu vutuka bungangi yi tu tala bampangi mu mavata tu longedi mambu ma Mfumu". ³⁷ Balabasi uzola kananta kumosi ye bau Yoane yu babokila Malako. ³⁸ Kansi Paulu kamona dio dimboti ko. Yo u basisa muna Pamfilia yi ka bayenda ku nda ko mukisalu. ³⁹ Buna mpaka zibua, bagambana Balabasi ubonga Malako, ba sauka kuna Kipelo. ⁴⁰ Kansi Paulu ukisodila Sila, u yenda yani, bu kaki yekula ku nlemfo u Nzambi ku bampangi. ⁴¹ Yani uluta mu Silia ye Cilicia, usiamisa mabundu.