¹ Bubu muna dibundu di Antokia, mukala bambikudi ye milongi. Bau eba: Banaba, Simeoni (u bokuanga Niger), Lukiu gu muesi Sireya, Manaheni usansuka kumosi yi Helodi musi Tetrarque ye Sauli. ² Muntangu bakesi fukiminanga Mfumu ye kumina nsoki, Mpefi ya nlongo u goga: "Luntudila ga kingenga Balaba ye Sauli mpasi basala kisalu kiyiba bokidila". ³ Kunima ku bamina nsoki ye sambila, ye batula moko muna bantu bana ye ba bafidisa. ⁴ Buna Balaba ye Sauli batumama mu Mpefi ya nlongo ye bakulumuka kuna Selisiya. Kuna, bayenda kuna kisanga ki Chypre. ⁵ Bubakuma muna mbansa Salamine, balongila nsangu zi Nzambi muna nzo zi tusambulu zi bayuda. Bakala mpi ye Yoane Malako bonso nlandi au. ⁶ Bu ba sabuka kisanga nate ye kuna Paphos, ba yabuana nkua bimpangula u mosi, mbikudi u luvunu muesi Yuda, nkumbu ani Bali-Yesu. ⁷ Ukala kimvuka i Mfumu luyalu Sergius Paulus, muntu ungangu. Buna ba mbokila mu zina di Balaba ye Sauli kadi ukedi zolanga kuw mambu ma Nzambi. ⁸ Kansi Elymas, "nkua bimpangula" u batedimina, u yunsa mu kuba yulula ku mfumu luyalu kivuvu Kiau. ⁹ Kansi Sauli yu babokila nde Paulu, bukafuluka yi mpefi ya nlongo u batala mu meso, ¹⁰ Ye u goga: "Nge muana satana, fulukidi yi luvunu ye manganga mambi. Una mbeni i lunungu. Si kuyambulako mu kuguna bantu mu nzila zikeleka zi mfumu? ¹¹ Bubu tala, koko ku Mfumu guna ga ngeye saukuma kifua meso. Sakumona ko ntangu mu ntangu yi fioti. Bungi ye mpimpa bikua muna ntangu yina mu Elyma; u bantika mu lengana ye kusosi muntu yu gu fuetikun nanta mukoko. ¹² Buna mfumu luyalu buka mona momo maluta, kuikidi kadi utoma wa malongi ma Mfumu. ¹³ Paulu ye banduku bani bagabuka tuka Paphos ye bakuma kuna Perge mu Pamfilia. Kansi yoane ubasisa ye uvutuka kuna Yelusalemi. ¹⁴ Paulu ye banduka bazieta tuka Perge ye bakuma kuna Antiokia yi Pisidia. kuna ba kota muna nzo lusambulu mukilumbu ki sabata ye bafonda. ¹⁵ Kunima kutanga minsiku ye mimbikudi, bambuta zi nzo lusambulu bafidisa nsamu ye bagoga nde: "Bampangi, go nsamu u lusiamusu luena ye wau mu diambu di nkangu, lusamuna wo" ¹⁶ Pauli utelama ye u gana kidimbu mukoko kuani ye u goga: bantu ba Yisayeli ye beno luzituanga Nzambi, luwa! ¹⁷ Nzambi yi nkangu Yisayeli usola bankaka beto ye u babutisa ntangu bakala muna ntoto mi Ngipiti ye muna koko kuani kulambuka u batukisa. ¹⁸ Muna mvula makumaya, u basiamina muna makanga. ¹⁹ Kunima kufuasa makanda nsambuadi muna nsi yi kanana, u gana ku kanda dieto ntoto au bonso mvuilu. ²⁰ Mambu momo makulu malutila muna mvu nkama ya ye makuma tanu dimvu. Nzambi u gana baminsambisi, kunima mambu momo, nate ye mu mbikudi Samueli. ²¹ Buna Kanda dilomba ntinu ye Nzambi u bagana Sauli, muana kisi, bakala dituka mu kanda di benyamini mpasi Kakala ntinu mu mvu makuma ya. ²² Mu nima, Nzambi u nkatula mu kintinu ye u sola Davidi mpasi kakala ntinu. I mu Davidi Nzambi ka goga nde: "Mbueni Davidi muana Isaya mpasi kakala muntu bonso ntim'amo ye u tuganga makulu nzoledi nde kaganga." ²³ Muna nkuna muntu yoyo, Nzambi u sola Mvulusi ku Yisaeli, Yesu, bonso kagana nsilulu. ²⁴ Dina dibantika mu kuluta mu ntangu ye, kuntuala ngisa Yesu, Yoane u longila mbotama yi mvilula diela ku kanda diakulu di Isaeli. ²⁵ Mu ntangu Yoane kakedi manisa kisalu kiani, u goga nde: "Nani luyinduedi mono ngina? Kinina buna ko, kansi luwa, kunima mono kutakuisa yu u guna nde mono kilendi kutula nsinga mi sampatu zani ko". ²⁶ Bampangi, bana ba kanda Abalayami ye beno ga kati bau ba fukimina Nzambi, i ku betu nsamu u lugulusu bafidisi wau. ²⁷ Kadi bo bazinga muna Yelusalemi ye bamfumu ka banzaya ko yi ka batoma visa ko ngogo mi bambikudi mitangamanga konso sabata; ye balungisa ngogo miau mu zengila Yesu nkanu a lufua. ²⁸ Kani nde kabamona ko lunungu lukedika mu ku gonda, balomba ku Pilatu nde ban'gonda. ²⁹ Bu balungisa mambu mo makulu masonana mu diambu di bau, ba kulumuka muna nti ye ba vuandisa muna maziami. ³⁰ Kansi Nzambi umfutumuna mu bafua. ³¹ Ba mona mu bilumbu bibingi ku bau batombuka ye yani kuna Ngalileya ku Yelusalemi. Bantu bobo bena mbangi ku nkangu. ³² Buna, tu lunantini nsamu mbote mu kikuma ki nsilulu bagana ku bankaka beto. ³³ Nzambi ugana nsilulu zani mu beto, bana bau, bu kafutumuna Yesu mu bafua. I mu dina basonika nde: muna nkunga Davidi uzodi nde: ngeye una muan'amo, unu nkumini Se aku. ³⁴ Diaka, bukina nde umfutumuna mu bafua, mu kusa nde nitu ani kayi bodi ko, ugoga bonsi ebu: "Si yilugana bima binlongo ye tusakumunu tu David". ³⁵ Ibuna, kagoga diaka muna nkunga unkaka: "Si ku yambula ko nde muan'aku unlongo kamoni kubola ko". ³⁶ Kadi Davidi, kunima kusadila, muna nkun'ani mabansa ma Nzambi, utonsa, banzika gambela mase mani ye umona mbololo. ³⁷ Kansi yani una Nzambi kamfutumuna ka mona mbololo ko. ³⁸ I buna momo mazayakana ku beno bampangi nde muna nzila muntu yo nde ndoluka yi masumu yi lusamunina. ³⁹ Mu yani konso muntu ukuikila ye u kifuanakesi mu bima biakulu bikalulendi kukifuanikisina ko muna nsiku mi Mose. ⁴⁰ I dina, lukala ngangu, ka bukadi ko nde mambu malukumina bonso mimbikudi migoyila: ⁴¹ "lutala, beno lumimvuesi, luyitula ye luvila, kadi itasala kisalu mi bilumbu bieno, kisala mukina ka lukuikila ko kani nde muntu uluteledi nkenda". ⁴² Bonso Paulu ye Balaba bayenda, nkangu uba dodikila bagogila mambu mamosi buna mu sabata kinkaka. ⁴³ Kuna nsuka lukutakanu muna nzo lusambulu bayudayo ye ba mposileta basantu balanda Paulu ye Balaba ba bagogila ye ba basiamisa mpasi ba tatamana muna nlemfo gu Nzambi. ⁴⁴ Sabata dilanda, bantu bakutakana mukuwa mambu ma Mfumu. ⁴⁵ Mu ntangu ba yudayo ba mona bibuka, bateba yi kimpala ye ba gogila muna mambu makesi zayisa Paulu ye bamfinga. ⁴⁶ Kansi Paulu ye Balaba bakesi goganga ye lu lusiamusu ye ba goga : "Bukala bu mboti nde ngogo Nzambi ululangua mu kintete. Bubamona nde lugeta ye lukimona nde kalufuana ko mu luzingu lu konda nsuka, tala, tubalukidi ku ba mimpani". ⁴⁷ Kadi bonso tubakila nsua, Mfumu u goga : "Yikutumba mpasi u kala ntemo gu bamimpani, mu kusamuna lugulusu yi kuna nsuka ntoto". ⁴⁸ Ba mimpani bu bawa buna, bakala ye kiese, bazitisa Ngogo Mfumu. Babingi bakala bakubama mu luzingu lukonda nsuka ba kuikila. ⁴⁹ Ngogo Mfumu u samunugana muna kizunga kiakulu. ⁵⁰ Kansi bayudayo ba longa bakento ba kuikama ye bamfunu, ku mosi mpi ye bantu ba ye tuadisa mbansa. Bayantika nkindu ku Paulu ye Balaba ye ba bagata kuna nsuka mbansa. ⁵¹ Kansi Paulu ye Balaba ba kubula ku bau mfumfuta zi ntoto mu malu mau. Buna bayenda muna mbansa Ikone. ⁵² Ye minlongoki miteba ye kiese ye Mpefi ya nlongo.