¹ Muna ntangu yina, ntinu Herode utula moko mu bantu bakala mu lukutakanu mpasi kabakuamisa. ² Ugonda Yakobi mpangi Yoani mu Mbedi. ³ Bukamona nde mana matozolakana ku ba yudeo, u kangisa diaka Petelo. Makala muna bilumbu bi mampa makondo ku vimba. ⁴ Kunima buba kangisa, untula muna boloko ye utuma binuani biya mu konso muelo mpasi bankenga. Ukala yi lukanu lukusambisa kuntuala nkangu kunima nkinsi ki pasika. ⁵ Petelo bakengila kuna boloko, kansi dibundu dikesi sambilanga bubuingi Nzambi mu kukuma ki yani. ⁶ Kuntuala bilumbu nde Herode kizola kusambisa Petelo uleka ga kati ki binuani biole; bankanga mu bikumbi biole ye minkengi kuntuala bakesi kebanga boloko. ⁷ Buna tala, wanzio u Mfumu um'monika ye ntemo utemuna boloko. Uzuba Petelo mu lugati, ye unsikimisa ugoya: "Sikama mu nsualu". Ye Nkodi mi zibuka ye mi bua. ⁸ Wanzio u goga: "Vuata ye tula nsampatu mu malu". Petelo u ganga buna. Wanzio u goga:"Vuata ki yunga kiaku ye un'danda'". ⁹ Petelo ulanda wanzio ye utuka. Kazaya ko nde wanzio ma kakesi ganganga makedika. Uyinduele nde kimona meso. ¹⁰ Bubaluta kielo kinteti, kizodi, bakuma gana kielo ki kisengu kinatanga muna mbansa. Kizibuka kiakimosi kuntual'au. Batuka ye ba kulumuka bala-bala mosi ye wanzio usisa Petelo. ¹¹ Buna Petelo buka vutuka mu kimuntu gogedi nde : "Mbueni kibeni nde Nzambi ufidisi mbasi ani ye unguluesi mu koko ku Helodi ye kuvingila nkangu u ba yudeo". ¹² Ku nima mambu momo; u yenda ku nzo Malia, ngudi Yoani yu ba gana nkumbu nde Malako, bantu bakuikila bakutakana kuna ye basambila. ¹³ Bu ka kunkunta kielo kinene, kisadi kinketo mu zina di Rhode u yisa zibula. ¹⁴ Bukazaya ndinga i Petelo, u fuluka ye kiese, uyilakana mu kuzibula kielo ye ulemuka mu kuzayisa muna ntangu yina nde Petelo, telemeningi kutuala muelo. ¹⁵ Banzayisa nde: "Ngeye una kilau?" Kansi u tatamana nde mambu makedika. Bantu bagoga, "yina mbasi ani" ¹⁶ Kansi Petelo u fula kaka mu kunkuta kielo. Banzibudila, bam'mona ye bayituka. ¹⁷ U sa kidimbu ki koko kuani mu kusa nde ba dingalala ye ubatela bonso bue Mfumu kantukisila muna boloko. Ugoga : "Luzayisa mambu momo ku Yobi ye ku bampangi". Kunima u katuka ye u yenda ku kifulu kinkaka. ¹⁸ Kilumbu bu kifuana, kititu kikingi kikala ga kati ki binuani mu diambu di mambu maluakila Petelo. ¹⁹ Kunima Herode unsosa ye kan'mona ko, u yufula ba minkengi ye ugana ntumu nde babagonda. I buna ukulumuka kuna Yudeo di Cesadi ye uzinga kuna. ²⁰ Herode ukala mu ngansi yingolo ku bantu ba Tilo ye Sidoni. Bayenda kimvuka kuna ku kala yani. Badodikila Blasti, kilandi ki ntinu mpasi kabasadisa. Buna, balomba ngemba kadi nsi au yikesi bakanga madia matuka ku nsi ntinu. ²¹ Kilumbu kikubama, Herode u vuata mvuatu mi kimfumu ye u vuanda gana kikunda ki kimfumu ye u bantika goga mambu. ²² Nkangu uboka: "Yoyo ndinga i Nzambi ye ye ka yimuntu ko!" ²³ Muna ntangu yayina Mbasi Mfumu umbanda kadi kagana nkembo ku Nzambi ko. Bandia ku ntunga ye u fua. ²⁴ Kansi ngogo Nzambi utatamana ye kulungila kuakulu. ²⁵ Balaba ye Pauli, ba manisa kisalu kiau kuna Yelusalemi ba vutuka kuna ye bananta kumosi ye bau Yoani ubagana nkumbu Malako.