¹ Bantumwa ye bampangi bakala muna Yudea ba was nde bamimpani batambula ngogo Nzambi. ² Petelo buka tombuka Kuna Yelusalemi, kibuka kibantu bazengwa masutu bamvueza; ³ ye bagogo: ngeye vukeni ye bantu kabazengwa masutu ko ye udidi ye bawu. ⁴ Kansi Petelo uyantika mu kuba bangudila diambu diodio muna kubatenduela, ye gogele: ⁵ Mono ikedi sambilanga muna kati ki mbansa yi Yope yibaka mbuenu bua imona kitunga kifuanana ye nledi kituka mu zulu kikulumuka mu bikonko biya. Kikulumuka ga mbela ita didila kiau, ⁶ itoma fimpa ye yimona mbisi zizina ye malu ma ya zina ga ntoto, bibulu bi mfinda, bio bikikoka ga ntoto ye nuni zi zulu. ⁷ Yiwa ndinga yintela nde : telema, Petelo, gonda ye dia! ⁸ Mono wuvutula nde: nkatu, Mfumu Ka kagena kima kisumuka go kimbi ko kikota mu n'nwamo. ⁹ Kansi ndinga yo yi goga diaka tuka muna zulu:"bio biakulu Nzambi teledi kimbangi nde bimboti, kimoni bio ko nde bisumuka". ¹⁰ Mo mambu maluta nkumbu tatu ye buna biakulu bivutuka muna zulu. ¹¹ Tala bantu batatu batatema gana ntuala nzo yi tukula, babafidisa ku mono tuka muna mbanza Cesadi. ¹² Mpefi I ntuma nde ngienda ye bau konda kusuasisa bantu. Bampangi bana ba basambanu bayenda kumosi ye mono ye tu kota muna nzo yi muntu yuna. ¹³ Ututela kinsamu bonso bukamuena mbasi yitelema muna nzo ani ye unzaisa nde:fidisa bantu muna Yope ye tumisa Simoni you babokilanga Petelo. ¹⁴ Si kakugana nsamu mu kati ye wau. ngeyi I nzo aku si luguluka. ¹⁵ Buyiyantika mugoga Mpifi a longo I kulumuka mu bau Bonso nde mu beto gana luyantiku. ¹⁶ Yi sungimina ngogo Mfumu ugoga nde : Yoani ubotika mu masa, kansi benu, salubatimina mu Mpefi yanlongo. ¹⁷ Nkiolo go Nzambi ubagana kabu dimosi bonso dio tubaka butukwikila mu Mfumu Yesu Klisto, mono i nani mu kubinda mpaka ku Nzambi? ¹⁸ Bubawa mambu momo, badingama ye ba zitisa Nzambi ye bagoga:"Nzambi a kwiluka ku ntima ku mimpani mpasi bavela luzingu". ¹⁹ Muna kinsunsa kina, bo bamuangana tuka muna Yelusalemi mu kikuma ku mvualangana yi kota kunima lufua lu Etienne, bayenda yi kuna Phenicie, Chypre ye Antokia. Basamwenengi ngogo kaka ku ba yudeyo. ²⁰ Kansi bankaka mu kati ki bau batuka ku Chypre yi Cyrene bayisa ku Antioka ye bagoga ku ba Ngelekia ba bazayisa nsangu zimboti zi Mfumu Yesu. ²¹ Koko ku Mfumu kukala mu bau ye kibuka kikingi bakuikila ye bayiluka ku Mfumu. ²² Nsangu zau zi luaka mu matu ma dibundu ku Yelusalemi ye bafila Balaba to Antochia. ²³ Bu kakuma ye mueni nkenda zi Nzambi, u yangalala ye u basiamisa ba kangama ku ku Mfumu ye ntima wakulu. ²⁴ Kadi ukala muntu umboti, u teba ye Mpefi yanlongo ye lukuikulu. Ye bantu babengi bayikama ku Mfumu. ²⁵ Balaba uyenda kuna Tarse mu kuesosa Saul. ²⁶ Buka'mona, un'nanta ku Antiokia. Muna mvula mosi bakutakana kumosi ye dibundu ye bakesi longa bantu babengi. I kuna Antiokia nde mu nlongoki mibaka mu nkumbu nteti zina di ba Klisto. ²⁷ Muna ntangu yina mimbikudi mi kulumuka kuna Yelusalemi ku Antiokia. ²⁸ Umosi mukati ki bau, ukala zina di Agabus utelema ye usamuna mu mpefi nde nzala ingolo siyisa mu nza. Momo malunga muna ntangu ntinu Claude. ²⁹ Baminlongoki babaka lukanu nde bafidisa muna mvuilu zau lusadusu ku bampangi kuna Yudeya. ³⁰ Baganga diau, bafidisa mbondo ku bambuta muna moko ma balaba ye sauli.