¹ Ngeyi diaka muana munu, kala ye kibakala mu nlemvu wu Mfumu wu wuna mu Klisito Yesu. ² Ye ma widi ku munu ga ntuala mbangi zi mbidi, gana mawu ku bantu ba nlemfu, bawu si bakala ba kubama mu nlonga mawu ku bankaka diaka bu fuanikini. ³ Bonsu kesa dimboti di Yesu, yangama ntima luzolo ye munu. ⁴ Ga nkatu diaka kesa disalanga mu yangalala diaka ku mambu ma luzingu luna, go zoledi kayangidika mbutuyu yani makesa. ⁵ Bumosi, ga nkatu yu mosi kitambi nsaka wu nunganga go kata sakana ku bonsu buna minsiku. ⁶ Mvati wumosi wugatanga ngolu kafueti kala wunteti mu baka ndambu yi yani ngionzoko. ⁷ Yindula bu mboti mu mana ngita kutela, kadi zi kakugana nsua mu zaya zawu. ⁸ Bambukila Yesu Klisito moyu, yu tukidi mu nlesi David, yu wufulukisa mu bafua, landila nsamuani wu mboti, ⁹ Mu yina ngita muena mpasi busidi nkutu ituluka mu luvambu bonsu muntu wuna mu mpanda. kansi n'gogu wu Nzambi ka wusila ku mu luvambu. ¹⁰ Ngita siaminina mana makulu mambu mu diambu di bakianluka, mpasi nde bawu diaka batambula mpulusuyina mu Klisito Yesu, ye nkembu wukawumani. ¹¹ Tala n'gogu wu kiedika: { go tufua ye yani, si tuzinga ye yani. ¹² Tuna nakekete, si tuyala diaka ye yani. go ntu nkatikisi, yani diaka si katukatikisa. ¹³ Tuna ba kondedi nlemvuka, wukalanga wu lemvoka, kadi kalendi ku kikatikisa ku yani kibeni.} ¹⁴ Tatamana mu kuba bambula mambu mana makulu. wuba zayisa ga ntuala Nzambi ka bawumani ku mu kuma ki ba fua, kadi beta kisadila mu mpamba, go nkatu mu tukisa kaka mbuilu yi bawu beta wa. ¹⁵ Wu kitudila ngolu mu kala wu dedama mu ntambululu ga mesu ma Nzambi, bonsu kisadi kimosi kina ka kina ku mu fua nsoni, kansi mu zayisa bufueni nsamu wu kedika. ¹⁶ Luyambuya ngogu mi konda songa mi lendi ku tinisa ye Nzambi. ¹⁷ makani mawu ma makananga bonsu nkeni yimbi. Imene ye Filetewo bena mu kabu di bo bantu. ¹⁸ Bantu bana ba tatuka ntama ye kedika, ye bavuminanga fisidi lukuikulu lu ba nkaka. ¹⁹ Kansi buna, lufulu lusiwa na kekete ku Nzambi lusikilanga. luna ye nsonokono yi: { Mfumu wuzayanga ba yani}, ye {wonsu wuna si wuta kimbangi zeyi Mfumu. ka fueti bangumuka ku mambi.} ²⁰ Mu nzo mvuama mosi, ka muna ku kaka bisalulu bi wola yee sengo, kansi muna diaka bibi nti ye lubumba, bi nteti bina mu diambu di kingenga ye bi nkaka nkatu. ²¹ Go muntu wu kisukuedi mu mambi si kasadilua, biekama, bonsu sadulu kimosi ki luzitu, mfumu ku mfumu, ye lukufi mu nsadulu zakulu zi mboti. ²² Tina nzola zakulu zi kintuena, ye landila lunungu, lukuikulu, luzolu, ngemba, ye bakulu bana ba bokilanga ku Mfumu ye ntima wu vedila. ²³ Kansi bembika biufu bi bu zengi ye bu zoba, kadi zeyi nde bitukisanga ma yuma. ²⁴ Kisadi ki Nzambi ka lendi yumana ku; kansi bu nkaka, kafueti kala wu zolakana ku bakulu, wu fuana mu longa ye vibidila. ²⁵ Ka fueti longa bana beta ku mbindisa mpaka mu ku kikulula.Nzambi lendi ku bagana sumbula ki ku kibalula ye zaya makedika. ²⁶ Ba yendedi kuma bankua zayi di mpa, ye ku kikatula mu mintambu mi diabulu, mana ma ba baka ye ku batula mu lutumu lu luzolu lu bawu.