¹ Pawulu, ntumua gu mosi gu Klisto Yesu, mu luzolu lu Nzambi, bonsu nsilulu zi luzingu luna muna Klisto Yesu. ² Timote, muana munu gu zolakana: bika nkenda, dienga, ye ngemba bikuganukina ku Nzambi Tata ye ku Klisto Yesu Mfumu eto. ³ Mvutuedi matondu ku Nzambi nde ta nsadila ku mosi ye mazaya ma gedila bonsu ba nkaka bonsu ba gangila bo, ku bambuka ntangu zakulu ngeyi mpimpa ye muini muna bisambu bi munu. ⁴ Muna ku bambukila mansanga maku mbundu, ngina ye nsatu zi fuana yi kumona, muku sa nde yiteba ye kiesi. ⁵ Ta ndunda bi dimbu bi lukuikulu lu kiedika lu kala ku nkaka aku Lowisi, ye bonsu buna ku nkaka aku Enisi ye ngina ye kiwisa nde lu ta zinga bonsu buna ku ngeyi. ⁶ Mudiambu di kikuma kina ngita kubambukila mbundu nde wu lemisa diaka tiya mu kabu di Nzambi dina muna ngeyi ye diwubakila muna ku tensika moku. ⁷ Kadi Nzambi ka tugana Mpevi yi bunkuta ku, kansi yi lulendu, yi lutondu, ye yi luzitu. ⁸ Ku kadi ye nsoni mu kimbangi ki Mfumu eto ku, kani ki munu, Pawulu, ki nkodi kiani. kansi baka ndambu ku mpasi zi nsangu zi mboti bonsu lulendu lu Nzambi. ⁹ Yani wuna Nzambi wutu gulusa ye wutu bokila kumosi ye mboka yi bantu. wu ganga bo ka bonsu mu bisalu bibetu ku, kansi bonsu mu lukanu lu yani ye dienga diyani. wutugana mambu momo muna KlisitoYesu ku n'tuala luyantoku lu bima biakulu. ¹⁰ Kansi bungangi, lugulusu lu Nzambi lu kisonga muna mbonokono yi Mfumueto Yesu Klisito. yani Klisito wutula nsuka ku lufua ye wu nata luzingu lu lembolo nsuka ku n'temu mu nzila yi nsangu zi mboti. ¹¹ Mukikuma kina, yi solama kisongi, ntumua, n'longi. ¹² Mudiambu dina yita natina diaka zo mpasi, kansi kina nsoni ku, kadi ngeyi ku nani yi kuikila. ye ngina ki kuikidisa nde wuna wu fuana mukulunda ye kuna kilumbu kina mayi n'zayisa. ¹³ Lunda ku mosi ye lukuikulu ye lutondo bina muna Klisito Yesu mbandu yi malongi maki n'kuikisi mawuwa ma munu. ¹⁴ Ndongokolo ti mboti ka kugana Mfumu, lunda yo mu nsadisa zi Mpevi Santu yu guvondanga muna betu. ¹⁵ Zeyi nde bakulu baba zingilanga kuna Aziya ba n'giambumuna. muna kibuka kina, muna Fiyele ye yelemogeni. BIka Mfumu ka kala ye nkenda kuna nzo Onesifole: ¹⁶ kadi tangu zi mbidi gu nsiamisa ye kakala ye nsoni mu bika ngulubi munu ku. ¹⁷ Kuluta n'kulu, bu kakala kuna Loma, gunsosa ye ku tatamana kuakulu ye gu mbona, ¹⁸ Bika MFumu nkeba muna yani mu bilumbu bina, ye tomeni zaya mboti mboti mpila yi ka ndatina lusadusu lu yani kuna Efeso.